ଆମେରିକାର କମ୍ପାନୀ ଗୁଡିକୁ ଆତ୍ମନିର୍ଭର ଭାରତ ମିଶନରେ ସାମିଲ ହେବା ପାଇଁ ଧର୍ମେନ୍ଦ୍ର ପ୍ରଧାନଙ୍କ ଆହ୍ୱାନ

ଦୁଇ ଦେଶ ମଧ୍ୟରେ ସଂଖ୍ୟାଧିକ ଏମଓୟୁ ଘୋଷଣା
DHARMENDRA PRADHAN-17-07-2020

Share this:

ନୂଆଦିଲ୍ଲୀ/ଭୁବନେଶ୍ୱର: ନୂଆଦିଲ୍ଲୀରୁ ଭିଡିଓ କନଫରେନ୍ସିଂ ମାଧ୍ୟମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରପ୍ରଧାନଙ୍କ ଯୁଗ୍ମ-ଅଧ୍ୟକ୍ଷତାରେ ଆମେରିକାର ଉର୍ଜା ସଚିବ ଡାନ୍ ବ୍ରୌଲିଟିଙ୍କ ସହ ଭାରତ- ଆମେରିକା ଦ୍ୱିତୀୟ ମନ୍ତ୍ରୀସ୍ତରୀୟ ଋଣନୈତିକ ଉର୍ଜା ସହଯୋଗ(ଏସଇପି) ବୈଠକ ଶୁକ୍ରବାର ଅନୁଷ୍ଠିତ ହୋଇଯାଇଛି । ଏହି ମନ୍ତ୍ରୀସ୍ତରୀୟ ବୈଠକ ଭାରତ ଓ ଆମେରିକା ମଧ୍ୟରେ ଦ୍ୱିପାକ୍ଷିକ ଉର୍ଜା ସମ୍ପର୍କ ଭାରତକୁ ଏକବିଂଶ ଶତାବ୍ଦୀରେ ବିଶ୍ୱ ଉର୍ଜା ଉତ୍ପାଦନର ପେଣ୍ଠସ୍ଥଳି କରିବ ବୋଲି ଶ୍ରୀ ପ୍ରଧାନ କହିଛନ୍ତି ।  ଶ୍ରୀ ପ୍ରଧାନ କହିଛନ୍ତି ଆମେରିକାର ସହଯୋଗ ଭାରତକୁ ଗ୍ୟାସ ଅଧାରିତ ଅର୍ଥନୀତି କରିବା ଲକ୍ଷ୍ୟକୁ ତ୍ୱରାନ୍ୱିତ କରିବ । ଏହାସହ ଉର୍ଜା କ୍ଷେତ୍ରରେ ମଧ୍ୟ ଅଭିବୃଦ୍ଧି ଘଟିବ । ଏହି ଅବସରରେ ଶ୍ରୀ ପ୍ରଧାନ ଆମେରିକା ସରକାର ଏବଂ ଆମେରିକାର କମ୍ପାନୀ ଗୁଡିକୁ ଆତ୍ମନିର୍ଭର ଭାରତ ମିଶନରେ ସାମିଲ ହେବା ପାଇଁ ଆହ୍ୱାନ କରିଥିଲେ । ଆମେରିକା ଓ ଭାରତ ଉର୍ଜା ସମ୍ପର୍କ ଭାରତକୁ ଏକବଂଶ ଶତାବ୍ଦୀରେ ବିଶ୍ୱ ଉତ୍ପାଦନର ବିଶେଷ ଭାବରେ ଉର୍ଜା ଭିତିଭୂମିର ପେଣ୍ଠସ୍ଥଳି କରିବ ବୋଲି ଶ୍ରୀ ପ୍ରଧାନ କହିଛନ୍ତି ।  ଆଜିର ବୈଠକରେ ଉର୍ଜା ସୁରକ୍ଷା ଏବଂ ଉର୍ଜା ଉପଲବ୍ଧି ଉପରେ ଆମେରିକା ଏବଂ ଭାରତ ମଧ୍ୟରେ ଗୁରୁତ୍ୱ ଦିଆଯାଇଥିଲା । ଭାରତ-ଆମେରିକା ଋଣନୈତିକ ଉର୍ଜା ସହଯୋଗ ଏସଇପିର ଚାରୋଟି ପ୍ରାଥମିକ ସ୍ତମ୍ଭ ଶକ୍ତି ଏବଂ ଶକ୍ତି ଦକ୍ଷତା, ତୈଳ ଏବଂ ଗ୍ୟାସ୍‌, ଅକ୍ଷୟ ଉର୍ଜା ଏବଂ ସ୍ଥାୟୀ ଅଭିବୃଦ୍ଧି ଉପରେ ଆଲୋଚନା ହୋଇଥିଲା । ଏହି ସ୍ତମ୍ଭଗୁଡିକ ମାଧ୍ୟମରେ ଆମେରିକା ଏବଂ ଭାରତ ସ୍ୱଚ୍ଛ, ସୁଲଭ ଏବଂ ନିର୍ଭରଯୋଗ୍ୟ ଉର୍ଜା ଉପଲବ୍ଧି ପାଇଁ ଅନେକ କାର୍ଯ୍ୟ କରାଯାଉଛି ।  ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତ ଏବଂ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନେତୃତ୍ୱରେ ଦୁଇ ଦେଶର ଦ୍ୱିପାକ୍ଷିକ ସମ୍ପର୍କ ମଜବୁତ୍ ହୋଇଥିବାବେଳେ ଆଜିର ବୈଠକ ଭାରତ- ଆମେରିକା ଉର୍ଜା ସମ୍ପର୍କକୁ ଆଗାମୀ ଦିନରେ ଅଧିକ ନିବିଡ କରିବ ବୋଲି ଶ୍ରୀ ପ୍ରଧାନ କହିଛନ୍ତି । ଉଲ୍ଲେଖନୀୟ ଯେ, ବୈଠକରେ ଏହି ଏସଇପି ଅଧୀନରେ ଥିବା କାର୍ଯ୍ୟକ୍ରମ ଏବଂ ନୂଆ କାର୍ଯ୍ୟ ଘୋଷଣା ହୋଇଥିଲା । ଉର୍ଜା ସୁରକ୍ଷାକୁ ପ୍ରୋତ୍ସାହନ ଦେବା, ନବସୃଜନ, ଶକ୍ତି କାର୍ଯ୍ୟର ଆଧୁନିକୀରଣ, ଉର୍ଜା ଦକ୍ଷତା, ସଂରକ୍ଷଣ ବୃଦ୍ଧି, ଉର୍ଜା ବାଣିଜ୍ୟ ଏବଂ ପୁଞ୍ଜିନିବେଶର ଅଭିବୃଦ୍ଧିକୁ ପ୍ରୋତ୍ସାହନ, ସ୍ଥାୟୀ ଅର୍ଥନୀତି ଅଭିବୃଦ୍ଧିକୁ ପ୍ରୋତ୍ସାହନ ଏବଂ ଉର୍ଜା କ୍ଷେତ୍ରରେ ମହିଳାଙ୍କୁ ସଶକ୍ତ କରିବା ଦିଗରେ ଭାରତ-ଆମେରିକା ସମ୍ପର୍କକୁ ତ୍ୱରାନ୍ୱିତ କରିବା ନେଇ ଆଲୋଚନା ହୋଇଥିଲା । ସେହିପରି ଉଭୟ ଦେଶର ରଣନୈତିକ ଏବଂ ଅର୍ଥନୈତିକ ସ୍ୱାର୍ଥକୁ ଆଗକୁ ବଢାଇବା ପାଇଁ ଭାରତ- ଆମେରିକା ଋଣନୈତିକ ଉର୍ଜା ସହଯୋଗ(ଏସଇପି) ଅଧୀନରେ ସଂଖ୍ୟାଧିକ ଚୁକ୍ତିନାମା(ଏମଓୟୁ) ଓ ଅନେକ ଦୁଇ ଦେଶର କମ୍ପାନୀ ମାନଙ୍କ ମଧ୍ୟରେ ବିଭିନ୍ନ ସହଯୋଗ ନେଇ ନେଇ ମଧ୍ୟ ଘୋଷଣା ହୋଇଥିଲା । ଏ ଗୁଡିକ ମଧ୍ୟରୁ ପ୍ରମୁଖ ହେଲା ଋଣନୈତିକ ପେଟ୍ରୋଲିୟମ ଭଣ୍ଡାର ପାଇଁ ଆମେରିକାର ଉର୍ଜା ବିଭାଗ ଏବଂ ଭାରତୀୟ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମଧ୍ୟରେ ଏମଓୟୁ, ଆମେରିକାର ୟୁଏସଏଆଇଡି ଏବଂ ଭାରତର ଆଇଏସଏଚଆରଏଇ ମଧ୍ୟରେ ଏମଓୟୁ ଓ ଇଇଏସଏଲ, ଏନଟିପିସି ଏବଂ ୟୁଏସଏଆଇଡି ମଧ୍ୟରେ ଚୁକ୍ତିନାମା ସ୍ୱାକ୍ଷର ହୋଇଥିଲା । ଏହାବ୍ୟତିତ ଆମେରିକାର ଫେଡେରାଲ ଏନର୍ଜି ରେଗୁଲେଟରି କମିଶନ ଏବଂ ଭାରତ ସେଂଟରାଲ ରେଗୁଲେଟୋରି କମିଶନ ମଧ୍ୟ ମିଳିତ ଭାବେ କାର୍ଯ୍ୟ କରିବା ନେଇ ଉଭୟ ପକ୍ଷରୁ ଘୋଷଣା ହୋଇଥିଲା । ସେହିପରି ଭାରତ-ଆମେରିକା ଗ୍ୟାସ ଟ୍ୟାସ୍କ ଫୋର୍ସ ଅଧୀନରେ ମଧ୍ୟ ଦେଶର ପାଇପଲାଇନ ପ୍ରକଳ୍ପକୁ ଆଗେଇ ନେବା ପାଇଁ ଆମେରିକାର ଗ୍ୟାସ ୱେ ଏବଂ ଇନ୍ଦ୍ରପ୍ରସ୍ଥ ଗ୍ୟାସ ଲିମିଟେଡ୍‌(ଆଇଜିଏଲ୍‌) ମଧ୍ୟରେ ଏମଓୟୁ ସ୍ୱାକ୍ଷରିତ ହୋଇଥିଲା । ଏହାସହ ବ୍ଲୁମ ଏନର୍ଜି ଓ ଇଣ୍ଡିଆନ ଅଏଲ, ଫେଡେରାଲ ରେଗୁଲେଟରି କମିଶନ (ଏଫଇଆରସି) ଏବଂ ପେଟ୍ରୋଲିୟମ ପ୍ରାକୃତିକ ଗ୍ୟାସ ରେଗୁଲୋଟରି ବୋର୍ଡ(ପିଏନଜିଆରବି) ସମେତ ଅନେକ ପୃଥକ ପୃଥକ ଏମଓୟୁ ସ୍ୱାକ୍ଷର ହୋଇଥିଲା ।

  • Share this:ଭୁବନେଶ୍ୱର :  ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ଗୁରୁବାର ଦିନ ଜାତୀୟ ହସ୍ତତନ୍ତ ଦିବସ ଅବସରରେ କହିଛନ୍ତି ଯେ, ଓଡ଼ିଶା ହେଉଛି କୁଶଳୀ ଶିଳ୍ପୀ ଓ କାରିଗରମାନଙ୍କ ଦ୍ୱାରା ପିଢ଼ି ପିଢ଼ି ଧରି ସମୃଦ୍ଧ ହୋଇ ଚାଲିଥିବା ଆକର୍ଷଣୀୟ ହସ୍ତତନ୍ତ...
  • Share this:ଜୟ ମା ମଙ୍ଗଳା ଜୟ ଶନି ଦେବ ଅଦ୍ୟ ବୃଷ, ସିଂହ ଓ କନ୍ୟା ରାଶିର ଘାତବାର । ସୂର୍ଯ୍ୟଉଦୟ -ପ୍ରାଘ ୦୫/୨୫/୫୬ ସୂର୍ଯ୍ୟଅସ୍ତ – ସଂଘ ୦୬/୧୭/୫୫ ରାହୁକାଳ – ଦିବା ଘ ୦୮/୩୮ ରୁ ଦିବା...
  • Share this:ଭୁବନେଶ୍ୱର:କରୋନା ମହାମାରୀ ସମୟରେ ଓଡିଶା ଔଷଧ ନିଗମରେ ହୋଇଥିବା ବ୍ୟାପକ ଦୁର୍ନୀତିକୁ ନେଇ କଂଗ୍ରେସର ବରିଷ୍ଟ ନେତା ସୁଦର୍ଶନ ଦାସ ଗତ ଜୁନ ୭ ତାରିଖରେ ଲୋକାୟୁକ୍ତଙ୍କ ପାଖରେ  ଯେଉଁଠି ପିଟିସନ ଦାଖଲ କରିଥିଲେ ତାର ଆଜି ଶୁଣାଣି...
  • Share this:ଭୁବନେଶ୍ୱର : କେନ୍ଦ୍ରସରକାର ଚଳିତ ବର୍ଷ ଖରିଫ ଚାଷ ପାଇଁ ପ୍ରଧାନମନ୍ତ୍ରୀ ଫସଲ ବୀମା ପ୍ରିମିୟମର ଅବଧି ଜୁଲାଇ ୩୧ ଯାଏଁ ରଖିଥିଲେ । କିନ୍ତୁ ଏବେ କରୋନା ସମୟରେ ଚାଷୀଙ୍କ ଅସୁବିଧାକୁ ଦୃଷ୍ଟିରେ ରଖି କେନ୍ଦ୍ରସରକାର ଏହି...
  • Share this:ଭୁବନେଶ୍ୱର: ଆଜି ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନ ଭୁବନେଶ୍ୱରସ୍ଥିତ ଆଂଚଳିକ ଜନ ସମ୍ପର୍କ କାର୍ଯ୍ୟାଳୟ (ଆରଓବି) ପକ୍ଷରୁ ଜାତୀୟ ଶିକ୍ଷା ନୀତି ୨୦୨୦ ସମ୍ପର୍କିତ ଏକ ୱେବିନାର ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ଭାଗ ନେଇଥିବା...

RELATED BY