ଓଡ଼ିଶାରେ ଦଳିତ ହୋଇ ଜନ୍ମ ନେବା ଏକ ଅଭିଶାପ

ମୁଖ୍ୟମନ୍ତ୍ରୀଙ୍କ ଜିଲ୍ଲା ଏବଂ ବାଚସ୍ପତିଙ୍କ ନିର୍ବାଚନମଣ୍ଡଳୀରେ ମହିଳା ନ୍ୟାୟ ପାଉନାହାଁନ୍ତି

Share this:

ଭୁବନେଶ୍ୱର : ରାଜ୍ୟରେ ମହିଳାମାନେ ଅସୁରକ୍ଷିତ ହୋଇ ପଡିଛନ୍ତି । ମହିଳାଙ୍କ ପ୍ରତି ରାଜ୍ୟସରକାର ଓ ପୋଲିସ ପ୍ରଶାସନର ଉଦାସୀନତା ମନୋଭାବ ଯୋଗୁଁ ପ୍ରତିଦିନ ମହିଳାଙ୍କ ଉପରେ ଅତ୍ୟାଚାର, ଅସଦାଚରଣ,ଦୁଷ୍କର୍ମ, ଘରୋଇ ହିଂସା ଏବଂ ହତ୍ୟା ଘଟଣା ଆଦି ବୃଦ୍ଧି ପାଇବାରେ ଲାଗିଛି । ଗଂଜାମ ଜିଲ୍ଲା ଦିଗପହଣ୍ଡି ବ୍ଲକ କେ.ନୂଆଗାଁ ଥାନା ଦେଓଖାଳି ଗ୍ରାମର ଏକ ଦଳିତ ଛାତ୍ରୀ ପ୍ରମୋଦିନୀ ନାୟକଙ୍କୁ କିଛି ଦୃର୍ବୁତ ଗତ ମେ ମାସ ୧୦ ତାରିଖରେ ଜୋଡା ନଦୀ ପଠାରେ ଦୁଷ୍କର୍ମ କରି ହତ୍ୟା କରିଥିଲେ । ଏହି ଘଟଣାକୁ ୫ ମାସରୁ ଉର୍ଦ୍ଧ୍ୱ ବିତିଥିଲେ ମଧ୍ୟ ସଂପୃକ୍ତ ଅଭିଯୁକ୍ତମାନଙ୍କୁ ପୋଲିସ ଏପର୍ଯ୍ୟନ୍ତ ଗିରଫ କରିପାରିନାହି  । ପୀଡିତା ପରିବାର ଗରିବ ଓ ଦଳିତ ହୋଇଥିବାରୁ ବାରମ୍ବାର ଅଭିଯୋଗ ପରେ କେ.ନୂଆଗାଁର ପୋଲିସ ଘଟଣାର ତଦନ୍ତ କରୁନାହିଁ କି ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁନି ବୋଲି ପୀଡିତା ପରିବାର ପକ୍ଷରୁ ଅଭିଯୋଗ ହୋଇଛି । ପୀଡିତା ପରିବାରକୁ ନ୍ୟାୟ ଏବଂ ହତ୍ୟାର ନିରପେକ୍ଷ ତଦନ୍ତ ଦାବୀରେ ବିଜେପି ରାଜ୍ୟ ସଂପାଦିକା ପିଙ୍କି ପ୍ରଧାନଙ୍କ ନେତୃତ୍ୱରେ ଏକ ପ୍ରତିନିଧୀ ଦଳ ରାଜ୍ୟ ମାନବାଧିକାର କମିଶନଙ୍କ ଭେଟି ଘଟଣା ସଂପର୍କରେ ଅବଗତ କରାଇବା ସହ ଏତଲା କପି ପ୍ରଦାନ କରିଛନ୍ତି । ମେ ୧୦ ତାରିଖ ମାତୃଦିବସ ଦିନ ଦିଗପହଣ୍ଡି ବ୍ଲକ ଦେଓଖାଳି ଗ୍ରାମର ଦଳିତ ଛାତ୍ରୀ ପ୍ରମୋଦିନୀ ନାୟକଙ୍କୁ ପ୍ରଥମେ ଦୁଷ୍କର୍ମ ଏବଂ ପରେ ତାଙ୍କୁ ହତ୍ୟା କରାଯାଇଛି । ଏ ସଂପର୍କରେ ଥାନାରେ ଅଭିଯୋଗ ହେବା ପରେ ପ୍ରଥମେ ପୋଲିସ ଏଭଳି ଜଘନ୍ୟ ହତ୍ୟାକାଣ୍ଡକୁ ଅପମୃତ୍ୟୁର ରୂପ ଦେଇ ଘଟଣାକୁ ଭିନ୍ନ ମୋଡ ଦେବା ଲାଗି ପ୍ରୟାସ କରିଥିଲା । ଏହା କ’ଣ ମାତୃ ଦିବସରେ ମା’ଙ୍କୁ ସମ୍ମାନ ? ମହିଳାଙ୍କୁ ସମ୍ମାନର ନାରା ଦେଉଥିବା ମୁଖ୍ୟମନ୍ତ୍ରୀଙ୍କ ନିଜ ଜିଲ୍ଲା ଆଜି ମହିଳାମାନଙ୍କ ପାଇଁ ଅସୁରକ୍ଷିତ ହୋଇ ପଡିଛି । ଖୋଦ୍ ମୁଖ୍ୟମନ୍ତ୍ରୀଙ୍କ ଜିଲ୍ଲା ଏବଂ ବାଚସ୍ପତିଙ୍କ ନିର୍ବାଚନମଣ୍ଡଳୀରେ ମହିଳା ନ୍ୟାୟ ପାଉନାହାଁନ୍ତି । ଶାସକ ଦଳ ଚାପରେ ପୋଲିସ କାର୍ଯ୍ୟ କରୁଛି ଏବଂ ଜାଣିଶୁଣି ଏହି ଘଟଣାରେ ସଂପୃକ୍ତ ଥିବା ଦୋଷୀମାନଙ୍କୁ ଘଣ୍ଟ ଘୋଡାଉଛି । ଏଭଳି ଅଭାବନୀୟ ଘଟଣାକୁ ୫ ମାସ ପୂରିଥିଲେ ବି ଦୁଷ୍କର୍ମକାରୀ ଏବଂ ହତ୍ୟାକାରୀମାନେ ଖୁଲମଖୁଲା ବାହାରେ ବୁଲିବା ପଛରେ ଶାସକ ଦଳର ସଂପୃକ୍ତି ଥିବା ସ୍ପଷ୍ଟ ବାରି ହେଉଛି । ବାରମ୍ବାର ପୀଡିତା ପରିବାର ଜିଲ୍ଲା ଏ.ସପି ଏବଂ ଥାନା ଅଧିକାରୀଙ୍କୁ ନ୍ୟାୟ ପାଇଁ ଗୁହାରୀ କଲେ ମଧ୍ୟ କେହି ବି ତାଙ୍କ କଥା ଶୁଣୁନାହାଁନ୍ତି । ପୋଲିସର ନିଷ୍କ୍ରିୟତା ପାଇଁ ଆଜି ପୀଡିତା ପରିବାର ନ୍ୟାୟ ପାଇବାରୁ ବଞ୍ଚିତ ରହିଛି । ମାସ ମାସ ବିତୁଥିଲେ ବି ପୋଲିସ ଏବଂ ପ୍ରଶାସନ ଏହି ଘଟଣାକୁ ଚପାଇ ଦେବା ପାଇଁ ଉଦ୍ୟମ କରିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ଶ୍ରୀମତୀ ପ୍ରଧାନ ଅଭିଯୋଗ କରିଛନ୍ତି । ମୁଖ୍ୟମନ୍ତ୍ରୀ ସମସ୍ତଙ୍କ ପାଇଁ ସମାନ ଆଇନ କହୁଥିବାବେଳେ ଏଠି ହୋଦରା ନୀତି କାହିଁକି ଆପଣାଯାଇଛି ? ଯଦି ମୃତା ପ୍ରମୋଦିନୀ ଦଳିତ ନହୋଇ ଉଚ୍ଚ ଜାତି କିମ୍ବା ଧନିକ ଶ୍ରେଣୀର ହୋଇଥାନ୍ତେ ତେବେ ପୋଲିସ ପ୍ରଶାସନ ସକ୍ରିୟ ହୋଇ କାର୍ଯ୍ୟ କରିଥାନ୍ତା । ରାଜ୍ୟରେ ଦଳିତ ହୋଇ ଜନ୍ମ ନେବା ଏକ ଅଭିଶାପ ପାଲଟିଛି । ଅନ୍ୟ ରାଜ୍ୟରେ କିଛି ଦୁଷ୍କର୍ମ ଘଟଣା ଘଟିଲେ ଶାସକ ଦଳର ନାରୀ ନେତ୍ରୀମାନେ ହୀନ ରାଜନୀତି କରି ବୟାନ ବାଜି କରୁଛନ୍ତି । କିନ୍ତୁ ନିଜ ରାଜ୍ୟରେ ସମାନ ଘଟଣାରେ ଚୁପ୍ ରହି ଅନ୍ୟାୟକୁ ପ୍ରସୟ ଦେଉଛନ୍ତି । ଶାସକ ଦଳ ନାରୀ ନେତ୍ରୀମାନଙ୍କର ଏ କି ପ୍ରକାର ମାନସିକତା ବୋଲି ଶ୍ରୀମତୀ ପ୍ରଧାନ ପ୍ରଶ୍ନ କରିଛନ୍ତି । ଏହି ଘଟଣାକୁ ଗୁରୁତ୍ୱ ଦେଇ ମାନବାଧିକାରୀ କମିଶନ ଏହାର ନିରପେକ୍ଷ ତଦନ୍ତ ପାଇଁ ନିର୍ଦ୍ଦେଶ ଦେବାକୁ ପ୍ରତିନିଧୀ ଦଳ ଦାବୀ କରିଛି । ଏହା ସହ ଦୁଷ୍କର୍ମ ଓ ହତ୍ୟାକାଣ୍ଡରେ ସଂପୃକ୍ତ ଦୋଷୀ ଏବଂ ସ୍ଥାନୀୟ ପୋଲିସର ଅବହେଳା ଓ ନିଷ୍କ୍ରିୟତା ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ପ୍ରତିନିଧୀ ଦଳ ଦାବୀ କରିଛି । ଏହି ପ୍ରତିନିଧୀ ଦଳରେ ରାଜ୍ୟ ମୁଖପାତ୍ର ସୋନାଲୀ ସାହୁ ଓ ଯୁବକର୍ମୀ ଅନନ୍ତ ନାରାୟଣ ମହାନ୍ତି ପ୍ରମୁଖ ସାମିଲ ଥିଲେ ।

  • Share this:ନୂଆଦିଲ୍ଲୀ/ଭୁବନେଶ୍ୱର :   ପୂର୍ବ ସରକାର ତୁଳନାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରରେ ‘ଅନ୍ନଦାତା’ଙ୍କ ହାତମୁଠାକୁ ଅଧିକ ମଜବୁତ୍ କରାଯାଇଛି । ବିଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ବିଭିନ୍ନ କୃଷି ଯୋଜନା ତଥା ଡିବିଟି ଜରିଆରେ ଅର୍ଥ ରାଶି...
  • Share this:ଭୁବନେଶ୍ଵର:ଓଡିଶାର ମାନ୍ୟବର ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଧର୍ମପତ୍ନୀ ଶୁଶୀଳା ଦେବୀଙ୍କ ପରଲୋକରେ ରାଜ୍ୟ ଜଳ ସଂପଦ ,ସୂଚନା ଓ ଲୋକସଂପର୍କ ମନ୍ତ୍ରୀ ଶ୍ରୀ ରଘୁନନ୍ଦନ ଦାସଙ୍କ ଗଭୀର ଶୋକ ପ୍ରକାଶ । ସ୍ବର୍ଗତ ଅମର ଆତ୍ମାର ସଦଗତି...
  • Share this:ଭୁବନେଶ୍ଵର: କେନ୍ଦ୍ରରେ ବିଜେପି ନେତୃତ୍ୱରେ ଏନ୍‌.ଡି.ଏ. ସରକାର ଗଠନ ହେବା ପରଠାରୁ ଜନଗଣଙ୍କର ମୌଳିକ ଗଣତାନ୍ତ୍ରିକ ଓ ସାମ୍ବିଧାନିକ ଅଧିକାର ଓ ସାମ୍ବିଧାନିକ ସଂସ୍ଥା ଗୁଡିକ ଉପରେ ନିର୍ମମ ଆକ୍ରମଣ ଆରମ୍ଭ ହୋଇଛି । ସରକାରଙ୍କ ଏକଛତ୍ରବାଦୀ ଆକ୍ରମଣକୁ...
  • Share this:ଭୁବନେଶ୍ଵର : ଗୁରୁବାର ଦିନ ପୁରୀରେ କେ. ରମେଶ୍ ୩୦ବର୍ଷ ବୟସର ଜଣେ ଯୁବକର ପୋଲିସ ହେପାଜତରେ ମୃତ୍ୟୁ ହୋଇଛି । ତାହାପରେ ତାଙ୍କୁ ଅମାନବୀୟ ଭାବରେ ତାଙ୍କ ଘର ଲୋକଙ୍କୁ ନଜଣାଇ ପୋଲିସ୍‌ ସ୍ୱର୍ଗଦ୍ୱାରଠାରେ ଶବ ଦାହ...
  • Share this:ଭୁବନେଶ୍ଵର : ଧାରା ୩୭୦ ଏବଂ ୩୫(କ) ଭାରତୀୟ ସମ୍ବିଧାନର ଅସ୍ଥାୟୀ ଅଙ୍ଗ ଥିଲା । ଉଭୟ ଲୋକସଭା ଏବଂ ରାଜ୍ୟସଭାରେ ବିସ୍ତୃତ ଆଲୋଚନା କରାଯାଇ ଗତ ବର୍ଷ ଅଗଷ୍ଟ ୫ ତାରିଖ ଦିନ ଏହି ଦୁଇଟି ଧାରାକୁ...

RELATED BY