କୋଣାର୍କ ଉତ୍ସବ

୨୦୧୮

ଓଡିଶା ପର୍ଯ୍ୟଟନ ବିଭାଗ, ପର୍ଯ୍ୟଟନ ଉନ୍ନୟନ ନିଗମ ଏବଂ ଓଡିଶା ସଂଗୀତ ନାଟକ ଏକାଡେମୀ ଆୟୋଜିତ କୋଣାର୍କ ଉତ୍ସବ ୨୦୧୮ର ମୁକ୍ତାକାଶ ମଚଂରେ କୋଣାର୍କ ଉତ୍ସବ ଆନୁଷ୍ଠାନିକ ଉଦ୍ଘାଟନ ହୋଇଯାଇଛି । ତ୍ରୟୋଦଶ ଶତାଦ୍ଧୀ ନିର୍ମିତ କୋଣାର୍କର ସୂର୍ସ୍ୟମନ୍ଦିର ପାଦଦେଶରେ ଆୟୋଜିତ ଏହି ଆର୍ନ୍ତଜାତୀୟ ଉତ୍ସବରେ ଶାସ୍ତ୍ରୀୟ ଓଡିଶୀ ଓ ଭାରତନାଟ୍ୟମ ନୃତ୍ୟର ପରିବେଷଣ ଖୁବ ମନଛୁଆଁ ଥିଲା । ନୃତ୍ୟାୟନ ଅନୁଷ୍ଠାନର ପ୍ରଥମ ପ୍ରସ୍ତୁତିରେ ରହିଥିଲା ଜଗତଗୁୁରୁ ଶଙ୍କରାଚାର୍ଯ୍ୟ ବିରଚିତ ନିର୍ବାଣ ଅଷ୍ଟକମ୍ ଆଧାରିତ ଶିବୋହଂ ଶିବୋହଂ । ପରେ ପରେ ବିରବାଣୀ ପଲ୍ଲବୀର ଶୁଦ୍ଧନୃତ୍ୟ ଓ ସୂର୍ଯ୍ୟ ପୁରାଣ ଆଧାରିତ କୃଷ୍ଣ ତନୟ ଶାମ୍ବଙ୍କୁ ଅଭିଶାପ ଓ ସୂର୍ଯ୍ୟ ଉପାସନାକୁ ନେଇ ଶାପ ମୁକ୍ତି ପ୍ରସଗଂକୁ ଅତି ନିଖୁଣ ଭାବେ ପରଶି ଦେଇଥିଲେ ନୃତ୍ୟାୟନ ଅନୁଷ୍ଠାନର ଶିଳ୍ପୀଗଣ । ଦ୍ୱିତୀୟ ଚରଣରେ ରମା ବୈଦ୍ୟନଥନ୍ ଭାରତ୍ନାଟ୍ୟମ୍ ନୃତ୍ୟକୁ ଉପସ୍ଥାପନ କରିଥିଲେ ଯାହାର ପ୍ରଥମ ପ୍ରସ୍ତୁତିରେ ଥିଲା ଦେବୀ ସ୍ତୁତି । ଦେବୀ ବନ୍ଦନାର ସୁନ୍ଦର ଚିତ୍ରକୁ ପ୍ରକାଶ କରିଥିଲେ ଶିଳ୍ପୀଗଣ । ପରେ ପରେ କାଶୀ ଓ ବାରଣାସୀର ପୌରାଣିକ ଓ ଆଧ୍ୟାତ୍ମୀକ ଗୁରୁତ୍ୱ ବହନ କୁରୁଥିବା ସଂଯୋଜନା କାଶୀ ଉପସ୍ଥାପିତ ହୋଇଥିଲା ଓ ଅନ୍ତିମ ପ୍ରସ୍ତୁତିରେ ରହିଥିଲା ତିଲ୍ଲନା କାର୍ଯ୍ୟକ୍ରମରେ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ କରି ଉତ୍ସବର ଆନୁଷ୍ଠାନିକ ଉଦ୍ଘାଟନ କରିଥିଲେ । ଓଡିଶା ଭାଷା ସାହିତ୍ୟ ସଂସ୍କୃତି ଓ ପର୍ଯ୍ୟଟନ ବିଭାଗ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ନିମାପଡା ବିଧାୟକ ସମୀର ରଞ୍ଜନ ଦାସ, କାକଟପୁର ବିଧାୟକ ସୁରେନ୍ଦ୍ର ସେଠୀ, ବ୍ରହ୍ମଗିରି ବିଧାୟକ ସଞ୍ଜୟଦାସ ବର୍ମା, ପୂର୍ବତନ ମନ୍ତ୍ରୀ ସୁରେନ୍ଦ୍ର ନାଥ ନାୟକ, ଜିଲ୍ଲା ପରିଷଦ ଅଧକ୍ଷ ଜ୍ୟୋତିର୍ମୟ ଦଳେଇ, ସଂସ୍କୃତି ସଂରକ୍ଷକ ଆର. ବାଲକ୍ରିଷ୍ଣ, ସଂସ୍କୃତି ଶାସନ ସଚିବ, ମନୋ ରଞ୍ଜନ ପାଣିଗ୍ରାହୀ, ପର୍ଯ୍ୟଟନ ନିର୍ଦ୍ଦେଶକ ଅର୍ଚ୍ଚନା ପଟ୍ଟନାୟକ, ଉପ ନିର୍ଦ୍ଦେଶକ ଉତ୍ପଳ ପତି, ପୁରୀ ଜିଲ୍ଲାପାଳ ଜ୍ୟୋତି ପ୍ରକାଶ ଦାସ, ଅତିରିକ୍ତ ଜିଲ୍ଲାପାଳ ବିନୟ କୁମାର ଦାସ, ଓଡିଶା ସଂଗୀତ ନାଟକ ଏକାଡେମୀ ସଚିବ ଡ. ବିଜୟ କୁମାର ଜେନା, ଡ. ସଂଗୀତା ଗୋସାଇଁ । ମଚଂ ସଯୋଜନା କରିଥିଲେ ଡ. ମୃତ୍ୟୁଞ୍ଜୟ ରଥ ଓ ଡ. ସାଧନା ଶ୍ରୀବାସ୍ତବ

Categories
FILM

RELATED BY

  • ଏଇ ଆମ ପ୍ରେମ କାହାଣୀ

     “ଏଇ ଆମ ପ୍ରେମ କାହାଣୀ”  ସହ “ଜଙ୍ଗଲ୍ ରାଜ୍”  ଦୁଇଟି ଚଳଚ୍ଚିତ୍ରର ନିର୍ମାଣକାର୍ଯ୍ୟ ସମାନ୍ତରାଳ ଭାବରେ ଦ୍ରୁତ ଗତିରେ ଆଗେଇ ଚାଲିଛି । ଆସନ୍ତା ପୂଜାରେ ଏହା ମୁକ୍ତିଲାଭ କରିବ ।    “ଜଙ୍ଗଲ ରାଜ” ସିନେମା  :  କାହାଣୀ,...
  • ‘ମିସେସ୍ ଇଣ୍ଡିଆ ୟୁନିଭର୍ସ’ ସିଜିନ୍-୩ ପାଇଁ ଅଡିସନ୍

    ଭୁବନେଶ୍ୱର : ଆଜି  ଖାରବେଳ ନଗରସ୍ଥିତ ଏଚ୍ଏଚ୍ଆଇ  ହୋଟେଲ ପରିସରରେ ‘ମିସ୍ ଇଣ୍ଡିଆ ୟୁନିଭର୍ସ’ ସିଜିନ୍-୩ ପାଇଁ ଜୋନାଲ୍ ଅଡିସନ୍ ଟେଷ୍ଟ ହୋଇଯାଇଛି । ୨୦ ରୁ ୩୫ ଏବଂ ୩୫ ରୁ ୫୫ବର୍ଷ ବୟସ; ଏମିତି ଦୁଇଟି ବର୍ଗର...
  • ଓଡ଼ିଆ ସିନେମା “ବାବୁ ଭାଇଜାନ୍”

    ଓଡ଼ିଆ ସିନେମା “ବାବୁ ଭାଇଜାନ୍”ର ଶୁଭ ମହୁରତ ଉତ୍ସବ ଆଜି ଇନଫୋସିସ୍ ସ୍ଥିତ ସାଇ ମନ୍ଦିରରେ ଅନୁଷ୍ଠିତ ହୋଇଯାଇଛି । ମହୁରତ କାର୍ଯ୍ୟକ୍ରମରେ ଅଭିନେତ୍ରୀ ଶିବାନୀ, ନିର୍ଦ୍ଦେଶକ ତାପସ ସଗରିଆ, ବବି ମିଶ୍ର ,ଅଭିନେତ୍ରୀ ବିଦୁସ୍ମିତା ସହିତ ସିନେମାର ଅନେକ...
  • ଓଡ଼ିଆ ମୁଭି “ଅଟୋଗ୍ରାଫ୍”

    ଭୁବନେଶ୍ଵର: ଆଜି ହୋଟେଲ୍ ଶୀତଲ୍ ଠାରେ ନୂଆ ଓଡ଼ିଆ ମୁଭି “ଅଟୋଗ୍ରାଫ୍”ର ଶୁଭ ମହୁରତ ଉତ୍ସବ ଅନୁଷ୍ଠିତ ହୋଇଛି । ମୁଖ୍ୟ ଅତିଥି ଜଣାଶୁଣା ପ୍ରଯୋଜକ ଅକ୍ଷୟ ପରିଜା, ସଞ୍ଜୟ ନାୟକ ( ଟୁଟୁ) ଏବଂ ସମାଜସେବୀ ଶଶୀ ଭୂଷଣ...