ତୁରନ୍ତ ପୋଲିସ୍ ପ୍ରତ୍ୟାହାର କରାଯାଉ

ଭୁବନେଶ୍ୱର: ଗତ ୧୪ ତାରିଖ ଢ଼ିଙ୍କିଆ ଗ୍ରାମବାସୀଙ୍କ ଉପରେ ପୋଲିିସର ବର୍ବରୋଚିତ ଆକ୍ରମଣ ଘଟଣାର ତଦନ୍ତ କରିବାପାଇଁ ପ୍ରଦେଶ କଂଗ୍ରେସ କମିଟି ପକ୍ଷରୁ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଏକ ତଥ୍ୟ ଅନୁଧ୍ୟାନ କମିଟି ଗଠନ କରିଥିଲେ । ଏହି ଅବସରରେ ଓଡ଼ିଶା ପ୍ରଭାରୀ ଡ. ଚେଲ୍ଲା କୁମାରଙ୍କ ନେତୃତ୍ୱରେ ଉକ୍ତ ତଥ୍ୟ ଅନୁସଂଧାନ କମିଟି ଢ଼ିଙ୍କିଆ ଗସ୍ତରେ ଆସିଥିଲେ । ପୋଲିସର ବର୍ବରୋଚିତ ଆକ୍ରମଣରେ ଶୀକାର ହୋଇଥିବା ଆହତଙ୍କ ଘରକୁ ଯାଇଥିଲେ, ଆହତମାନଙ୍କୁ ଭେଟିଥିଲେ ଏବଂ ପରିବାର ସଦସ୍ୟଙ୍କ ସହ ଆଲୋଚନା କରିଥିଲେ । ସେ ଗ୍ରାମବାସୀମାନେ ଅତ୍ୟନ୍ତ ଭୟଭିତ ଅବସ୍ତାରେ କାନ୍ଦି କାନ୍ଦି ପୋଲିସ ମାଡ଼ର ଚିହ୍ନ ଆଜି ପର୍ଯ୍ୟନ୍ତ ଲିଭିନାହିଁ ତାହା ଡ. ଚେଲ୍ଲା କୁମାର ଏବଂ ତଥ୍ୟ ଅନୁଧ୍ୟାନ କମିଟି ସଦସ୍ୟମାନଙ୍କୁ ଦେଖାଇଥିଲେ । ଗ୍ରାମବାସୀମାନେ ପୋଲିସର ଆତଙ୍କରାଜ, ଦୌରାତ୍ମ ଅତ୍ୟାଚାର ମଧ୍ୟରେ ଅତିଷ୍ଠ ହୋଇପଡ଼ିଲେଣି । ଲୋକଙ୍କ ସ୍ୱଭାବିକ ଜୀବନ, ଜୀବିକା ଓ ରୋଜଗାର ଆଦି ସବୁକିଛି ବିପନ୍ନ ହୋଇପଡ଼ିଲାଣି । ପୋଲିସର ଅତ୍ୟାଚାର ସୀମା ପାରକରିଛି । ଶହ ଶହ ଲୋକଙ୍କ ଉପରେ ମିଥ୍ୟା ମକଦ୍ଦମା କରାଯାଇ ତାଙ୍କୁ ଜେଲରେ ପୁରାଯାଇଛି । ଗୋଟେ ପରିବାରର ୫ଜଣଙ୍କୁ ଗିରଫ କରାଯାଇଛି । କୋମଳମତି ଶିଶୁ, ମହିଳା, ବୃଦ୍ଧ-ବୃଦ୍ଧାଙ୍କ କରୁଣ କ୍ରନ୍ଦନର ଦୃଶ୍ୟ ଏବଂ ଲୋମହଷଣକାରୀ ଘଟଣାବଳୀର ପ୍ରତ୍ୟକ୍ଷ ବର୍ଣ୍ଣନା ଶୁଣି ଡ. ଚେଲ୍ଲା କୁମାର ଅତ୍ୟନ୍ତ ଭାବବିହୁଳ ହୋଇଥିଲେ ଏବଂ ଗୋଟିଏ ଗଣତନ୍ତ୍ର ରାଷ୍ଟ୍ରରେ ପୋଲିସର ଏପରି ବର୍ବରୋଚିତ ଆକ୍ରମଣର ନିନ୍ଦା କରିଥିଲେ । ରାଜ୍ୟରେ ଚାଲିଥିବା ବିଜେଡ଼ି ସରକାର ସାଧାରଣ ଜନତାଙ୍କର ସରକାର ନୁହେଁ ବୋଲି ମତବ୍ୟକ୍ତ କରିଥିଲେ । ସେ କହିଥିଲେ ସାଧାରଣ ଗରିବ ଲୋକଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଦେବାପାଇଁ କଂଗ୍ରେସ କେନ୍ଦ୍ରରେ ସରକାରରେ ଥିବା ବେଳେ ବହୁ ଆଇନ କରିଛି । ସେହି ଆଇନ ଆଇନ ଭିତରୁ ଜଙ୍ଗଲ ଆଇନ ହେଉଛି ଅନ୍ୟତମ । ୨୦୦୬ ମସିହାରେ ଜଙ୍ଗଲ ଆଇନ ହୋଇଥିଲା । ପୁରୁଷ ପୁରୁଷ ଧରି ଜଙ୍ଗଲରେ ଚଳିଆସୁଥିବା ଗରିବ ଲୋକଙ୍କର ଜମି ଉପରେ ପୂର୍ଣ୍ଣ ଅଧିକାର ରହିଛି ଏବଂ କୌଣସି ଉପାରେ ଜମି କେହି ଛଡାଇ ନେଇପାରିବେ ନାହିଁ ବୋଲି ଚେଲ୍ଲା କୁମାର କହିଥିଲେ । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଢ଼ିଙ୍କିଆ ଘଟଣା ସଂପର୍କରେ ଅବଗତ ତେଣୁ ଏ ସଂପର୍କରେ ଆମେ ତାଙ୍କୁ ତଥ୍ୟ ପ୍ରଦାନ କରିବୁ ଏବଂ କଂଗ୍ରେସ ଜାତୀୟ ମାନବାଧିକାର କମିଶନଙ୍କ ଦୃଷ୍ଟି ଆକର୍ଷଣ କରିବା ସହ ଆଇନର ସହାୟତା ନେବ ବୋଲି ପ୍ରକାଶ କରିଥିଲେ । ଫୁଲଖାଇ ମନ୍ଦିର ପ୍ରାଙ୍ଗଣରେ ଗ୍ରାମବାସୀଙ୍କ ଦ୍ୱାରା ଏକ ସଭାରେ ଡ. ଚେଲ୍ଲା କୁମାର ଉକ୍ତ ବକ୍ତବ୍ୟ ରଖିଥିଲେ । ଉକ୍ତ ସଭାରେ କମିଟିର ଅଧ୍ୟକ୍ଷ ତଥା ବିଧାୟକ ଦଳ ନେତା ନରସିଂହ ମିଶ୍ର ଢ଼ିଙ୍କିଆ ଅଞ୍ଚଳରୁ ଅବିଳମ୍ବେ ପୋଲିସ ପ୍ରତ୍ୟାହାର କରାଯାଉ ଏବଂ ଯେଉଁ ଗ୍ରାମବାସୀ ମାନେ ଗିରଫ ହୋଇଛନ୍ତି ତାଙ୍କୁ ଖଲାସ କରାଯିବା ସହ ଗ୍ରାମବାସୀଙ୍କ ନାମରେ ହୋଇଥିବା ମକଦ୍ଦମା ପ୍ରତ୍ୟାହାର ପାଇଁ ଦାବି କରିଥିଲେ, ସେ କହିଥିଲେ ବର୍ଷ ବର୍ଷ ଧରି ଚଳିଆସୁଥିବା ଗରିବ ଲୋକମାନଙ୍କୁ ତାଙ୍କର ମୌଳିକ ଅଧିକାରରୁ ବଞ୍ଚିତ କରାନଯାଉ । କଂଗ୍ରେସ ଦଳ ଶିଳ୍ପପ୍ରତିଷ୍ଠାକୁ ବିରୋଧ କରେ ନାହିଁ, ଶିଳ୍ପ ପ୍ରତିଷ୍ଠା ହେଉ କିନ୍ତୁ ଗ୍ରାମବାସୀଙ୍କୁ ଧମକାଇ, ଡରାଇ, ବାଡ଼ାଇ, ଯୋରଜବରଦସ୍ତ ତାଙ୍କର ଜମି ଛଡ଼େଇ ନେଇ ଶିଳ୍ପ ପ୍ରତିଷ୍ଠା କରାନଯାଉ ବୋଲି କହିଥିଲେ । ସେ କହିଥିଲେ ବହୁ ଜମି ରହିଛି ଯେଉଁଠି ସରକାର କାରଖାନା ପ୍ରତିଷ୍ଠା ବା ଶିଳ୍ପ ପ୍ରତିଷ୍ଠା କରାଯାଇ ପାରିବ କିନ୍ତୁ ଗୋଟିଏ ଜନବହୁଳ ଅଞ୍ଚଳରେ ଯୋରଜବରଦସ୍ତ ଗରିବ ଲୋକଙ୍କ ଜମି ଛଡ଼ାଇ ତା ଉପରେ ଶିଳ୍ପ ପ୍ରତିଷ୍ଠା ନହେଉ । ସେ ମଧ୍ୟ ରାଜ୍ୟ ସରକାରଙ୍କର ଦୃଢ଼ ନିନ୍ଦା କରିଥିଲେ । ସେହିପରି କମିଟିର ଆବାହକ ତଥା ପିସିସି କାର୍ଯ୍ୟକାରୀ ସଭାପତି ଶ୍ରୀ ଚିରଞ୍ଜିବ ବିଶ୍ୱାଳ କହିଥିଲେ କଂଗ୍ରେସ ଦଳ ଗରିବ ଲୋକଙ୍କ ସହିତ ସବୁବେଳେ ରହିଛି ଆଗକୁ ମଧ୍ୟ ରହିବ । ତେଣୁ ଢ଼ିଙ୍କିଆ ଅଞ୍ଚଳବାସୀଙ୍କୁ ତାଙ୍କ ଅଧିକାର ଦେବାପାଇଁ ଆନ୍ଦୋଳନ ଜାରି ରଖିବ । ଏହି ଅବସରରେ ଶନିବାର ଦିନ ପ୍ରଦେଶ କଂଗ୍ରେସ ସାମାଜିକ ଗଣମାଧ୍ୟମର ଟ୍ୟୁଟରଟ୍ରେଣ୍ଡ ଚାଲିଥିଲା ଯାହାକି ସାରା ଭାରତରେ ପଞ୍ଚମ ସ୍ଥାନରେ ରହିଛି । ଏହା ବିଜେଡ଼ିି ଏଗନେଷ୍ଟ ଓଡ଼ିଶା ନାମରେ ଏହି ଟ୍ୟୁଟର ୱାରରେ ଶନିବାର ଦିନ କଂଗ୍ରେସ ଢ଼ିଙ୍କିଆ ପ୍ରସଙ୍ଗକୁ ହାଇଲାଇଟ କରିଥିଲା । ଢ଼ିଙ୍କିଆ ଗସ୍ତରେ ଅନ୍ୟମାନଙ୍କ ମଧ୍ୟରେ କମିଟିର ସଦସ୍ୟ ସର୍ବଶ୍ରୀ ରାମଚନ୍ଦ୍ର ଖୁଂଟିଆ, ଗଣେଶ୍ୱର ବେହେରା, ଡ. ଲଲାଟେନ୍ଦୁ ମହାପାତ୍ର, ନଟବର ବାରିକ, ଅରିନ୍ଦମ ସର୍ଖେଲ, ଅଭିଶେକ ମହାନନ୍ଦ, ଅଂଶୁମାନ ମହାନ୍ତି ସମେତ ପିସିସି ମୁଖପାତ୍ର ମନୋଜ ମହାପାତ୍ର, ପିସିସି ଗଣମାଧ୍ୟମ ସଂଯୋଜକ ଦୀପକ ମହାପାତ୍ର, ପିସିସି ସଂପାଦକ ସୁବ୍ରତ ମହାପାତ୍ର, ବିପ୍ଳବ ଚୌଧୁରୀ,ସୁବାଷ ଚନ୍ଦ୍ର ନାୟକ, ଜଗତ ଜୀବନ ମହାନ୍ତି, ହରପ୍ରସାଦ ବେହେରା ପ୍ରମୁଖ ସାମିଲ ଥିଲେ ।

Admin

Leave a Reply

Your email address will not be published.

Next Post

ପ୍ରତିଭା ରାୟ ଏବଂ ଆଦିତ୍ୟ ପ୍ରସାଦ ଦାସଙ୍କ ବାସଭବନକୁ ଯାଇ ଶୁଭେଚ୍ଛା ଓ ଅଭିନନ୍ଦନ ଜଣାଇଲେ ସମୀର ମହାନ୍ତି

Wed Jan 26 , 2022
ଭୁବନେଶ୍ୱର : ଚଳିତ ବର୍ଷ ଓଡିଶାର ୭ଜଣ ବିଶିଷ୍ଟ ବ୍ୟକ୍ତି ସମ୍ମାନ ଜନକ ପଦ୍ମ ପୁରସ୍କାର ପାଇଁ ମନୋନୀତ ହୋଇଛନ୍ତି । ଶିକ୍ଷା ଏବଂ ସାହିତ୍ୟ ପାଇଁ ବିଶିଷ୍ଟ ଶିକ୍ଷାବିତ୍ ତଥା ସାହିତ୍ୟିକ ଶ୍ରୀମତୀ ପ୍ରତିଭା ରାୟଙ୍କୁ ପଦ୍ମଭୂଷଣ ସମ୍ମାନ ପ୍ରଦାନ କରାଯାଇଛି । ସେହିପରି ସମାଜସେବା ପାଇଁ ଶ୍ରୀମଦ୍ ବାବା ବଳିଆ, କ୍ରୀଡା ପାଇଁ ପ୍ରମୋଦ ଭଗତ, ବିଜ୍ଞାନ ପାଇଁ ଶ୍ରୀ ଆଦିତ୍ୟ ପ୍ରସାଦ ଦାସ, କଳା ପାଇଁ […]

You May Like