କୃଷି,ଜଙ୍ଗଲ ଏବଂ ବିପର୍ଯ୍ୟୟ ପରିଚାଳନା କ୍ଷେତ୍ରରେ କରିବ ସହାୟତା

ଆରଆଇଏସଏଟି-୨ବିର ସଫଳ ଉତକ୍ଷେପଣ

ଭାରତର ପୋଲାର ଉପଗ୍ରହ ଉତକ୍ଷେପଣ ଯାନ (ପିଏସଏଲଭି-ସି୪୬) ଆନ୍ଧ୍ର ପ୍ରଦେଶର ଶ୍ରୀହରିକୋଟା ଠାରେ ଥିବା ସତୀଶ ଧାୱନ ମହାକାଶ କେନ୍ଦ୍ର (ଏସଡିଏସସି) ଏସଏଚଏଆରରୁ ସଫଳତାର ସହ ଆରଆଇଏସଏଟି-୨ବି ଉତକ୍ଷେପଣ କରିଛି । ଏହା ହେଉଛି ଶ୍ରୀହରିକୋଟାର ଏସଡିଏସସି ଏସଏଚଏଆରରୁ ୭୨ତମ ଉତକ୍ଷେପଣ ମିଶନ ଏବଂ ପ୍ରଥମ ଉତକ୍ଷେପଣ ପ୍ୟାଡରୁ ୩୬ତମ ଉତକ୍ଷେପଣ ।

ପ୍ରଥମ ଉତକ୍ଷେପଣ ପ୍ୟାଡରୁ ପିଏସଏଲଭି-ସି୪୬ ସକାଳ ୫.୩୦ରେ ଉତକ୍ଷେପଣ ଆରମ୍ଭ କରି ୧୫ମିନିଟ ୨୫ ସେକେଣ୍ଡ ମଧ୍ୟରେ ୫୫୬କିମି କକ୍ଷ ପଥରେ ଆରଆଇଏସଏଟି-୨ବିକୁ ସ୍ଥାପନ କରିଥିଲା ।

ଉତକ୍ଷେପଣ ଯାନଠାରୁ ଅଲଗା ହେବା ପରେ ଆରଆଇଏସଏଟି-୨ବିର ସୌର ସରଣୀଗୁଡ଼ିକ ସ୍ୱୟଂଚାଳିତ ଭାବେ କାର୍ଯ୍ୟ କରିଥିଲେ ଏବଂ ବାଙ୍ଗାଲୋର ସ୍ଥିତ ଇସ୍ରୋର ଟେଲିମେଟ୍ରି ଟ୍ରାକିଙ୍ଗ ଓ କମାଣ୍ଡ ନେଟୱର୍କ (ଆଇଏସଟିଆରଏସି) ଉପଗ୍ରହକୁ ନିୟନ୍ତ୍ରଣ କରିଥିଲା ।

ଆଗାମୀ ଦିନରେ ଉପଗ୍ରହକୁ ଏହାର ଚୂଡାନ୍ତ କାର୍ଯ୍ୟକାରୀ ଆକାରର ସ୍ଥିତିକୁ ଅଣାଯିବ । ଆରଆଇଏସଏଟି-୨ବି ହେଉଛି ଏକ ରାଡାର ଇମେଜିଂ ବିଶ୍ୱ ପର୍ଯ୍ୟବେକ୍ଷଣ ଉପଗ୍ରହ ଏବଂ ଏହାର ଓଜନ ହେଉଛି ୬୧୫ କେଜି । ଏହି ଉପଗ୍ରହ କୃଷି, ଜଙ୍ଗଲ ଏବଂ ବିପର୍ଯ୍ୟୟ ପରିଚାଳନା କ୍ଷେତ୍ରରେ ସହାୟତା କରିବ ।

ଏହି ମିଶନରେ ସାମିଲ ଥିବା ଉତକ୍ଷେପଣ ଯାନ ଏବଂ ଉପଗ୍ରହ ଦଳର ସଦସ୍ୟମାନଙ୍କୁ ଇସ୍ରୋ ଅଧ୍ୟକ୍ଷ ଡଃ କେ ସିଭାନ ଅଭିନନ୍ଦନ ଜଣାଇଛନ୍ତି ।

ଏହି ଉତକ୍ଷେପଣ ସହିତ ପିଏସଏଲଭି ମହାକାଶକୁ ଜାତୀୟ, ଅନ୍ତର୍ଜାତୀୟ ଏବଂ ଛାତ୍ରମାନଙ୍କ ଦ୍ୱାରା ନିର୍ମିତ ମୋଟ ୫୦ ଟନ ଓଜନର ୩୫୪ଟି ଉପଗ୍ରହକୁ ମହାକାଶକୁ ପ୍ରେରଣ କରିଛି ।

ଆରଆଇଏସଏଟି-୨ବି ହେଉଛି ଏକ ଅତ୍ୟାଧୁନିକ ବିଶ୍ୱ ପର୍ଯ୍ୟବେକ୍ଷକ ଉପଗ୍ରହ ଯେଉଁଥିରେ କି ଏକ ଅତ୍ୟାଧୁନିକ ଜ୍ଞାନକୌଶଳ ସମ୍ପନ୍ନ ୩.୬ମି ରାଡିଆଲ ରିବ ଆଂଟେନା ସଂଯୁକ୍ତ ରହିଛି ।

ଜନସାଧାରଣଙ୍କ ପାଇଁ ଉନ୍ମୁକ୍ତ ଥିବା ଦର୍ଶକମାନଙ୍କ ଗ୍ୟାଲେରୀରୁ ମୋଟ ୫,୦୦୦ ଦର୍ଶକ ଏହି ଉପଗ୍ରହର ଉତକ୍ଷେପଣ ଦୃଶ୍ୟକୁ ସିଧାସଳଖ ଦେଖିଥିଲେ ।

୨୦୧୯ ଜୁଲାଇ ୯ରୁ ୧୬ ମଧ୍ୟରେ ଇସ୍ରୋ ଜିଏସଏଲଭି ଏମକେ୩ ମାଧ୍ୟମରେ ଚନ୍ଦ୍ରାୟଣ-୨ ଉତକ୍ଷେପଣ କରିବା ନେଇ ଯୋଜନା କରୁଛି ଏବଂ ୨୦୧୯ ସେପ୍ଟେମ୍ବର ୬ ସୁଦ୍ଧା ଏହା ଚନ୍ଦ୍ରରେ ପହଞ୍ଚିବାର ଆଶା କରାଯାଉଛି ।

 

Categories
KNOWLEDGE

RELATED BY

  • ଅଗଷ୍ଟ 29 ରେ ଆରମ୍ଭ ହେବ ‘ଫିଟ ଇଣ୍ଡିଆ ଅଭିଯାନ : ପ୍ରଧାନମନ୍ତ୍ରୀ

    ମୋର ପ୍ରିୟ ଦେଶବାସୀଗଣ, ନମସ୍କାର । ଆମ ଦେଶ ଆଜିକାଲି ଗୋଟିଏ ପଟେ ବର୍ଷାର ଆନନ୍ଦ ଉପଭୋଗ କରୁଛି, ତ ଅନ୍ୟପଟେ ଭାରତର କୋଣ ଅନୁକୋଣରେ କୌଣସି ନା କୌଣସି ପ୍ରକାର ଉତ୍ସବ, ମେଳା ଆଦି ଚାଲିଛି ଯାହା ପ୍ରାୟ...
  • ସେପ୍ଟେମ୍ବର ୭ ତାରିଖ ରାତି ୧ଟା ୫୫ ମିନିଟରେ ଚନ୍ଦ୍ରଯାନ-୨ ଚନ୍ଦ୍ରପୃଷ୍ଠରେ ଅବତରଣ କରିବ

    ଭାରତର ଦ୍ୱିତୀୟ ଚନ୍ଦ୍ର ଅଭିଯାନ, ଚନ୍ଦ୍ରଯାନ-୨ ଚନ୍ଦ୍ରମାର ନିର୍ଦ୍ଧାରିତ କକ୍ଷରେ ସ୍ଥାପିତ ହୋଇଛି । ଆଜି ପୂର୍ବାହ୍ଣ ୯ଟା.୨ମିନିଟ ସମୟରେ ଏହା ଚନ୍ଦ୍ର କକ୍ଷରେ ପ୍ରବେଶ କରିଥିଲା । ଏ ସମ୍ପର୍କରେ ବେଙ୍ଗାଲୁରୁରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଡ....
  • ଫୁଲବାଣୀ ଏସ୍.ପି ପ୍ରତୀକ ସିଂହ ପୋଲିସ୍‌ ମେଡାଲ ଗ୍ରହଣ କଲେ

    ଫୁଲବାଣୀ ଜିଳ୍ଲା (କନ୍ଧମାଳ) ଏସ୍.ପି ପ୍ରତୀକ ସିଂହ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ “ପୋଲିସ ବୀରତ୍ଵ ମେଡାଲ” ଗ୍ରହଣ କରିଛନ୍ତି । ଏଥି ସହିତ ଅନେକ ପୋଲିସ ଅଧିକାରୀଙ୍କୁ ମଧ୍ୟ ମୁଖ୍ୟମନ୍ତ୍ରୀ ପଦକ ପ୍ରଦାନ କରିଛନ୍ତି । ପଦକ...
  • ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଭାରତ ରତ୍ନ ସମ୍ମାନ ପ୍ରଦାନ କଲେ ରାଷ୍ଟ୍ରପତି

    ଆଜି ରାଷ୍ଟ୍ରପତି ଭବନ ପରିସରରେ ରାଷ୍ଟ୍ରପତି ଶ୍ରୀ ରାମନାଥ କୋବିନ୍ଦ ଭାରତ ରତ୍ନ ପୁରସ୍କାର ପ୍ରଦାନ କରିଛନ୍ତି । ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଅଳଙ୍କରଣ ସମାରୋହରେ ଏହି ପୁରସ୍କାର ପ୍ରଦାନ କରାଯାଇଥିବା ବେଳେ ମରୋଣୋତର ଭାବେ ଶ୍ରୀ ନାନାଜୀ...