ବିଶ୍ୱର ସର୍ବୋଚ୍ଚ ଯୁଦ୍ଧଭୂମି ସିଆଚୀନକୁ ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂଙ୍କ ପ୍ରଥମ ଗସ୍ତ

ପ୍ରତିରକ୍ଷା ମନ୍ତ୍ରୀ ସିଆଚୀନ ଗ୍ଲାସିଅରକୁ ଆକାଶମାର୍ଗରୁ ନିରୀକ୍ଷଣ

ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂ ଆଜି ବିଶ୍ୱର ସର୍ବୋଚ୍ଚ ଯୁଦ୍ଧଭୂମି ସିଆଚୀନକୁ ପ୍ରଥମ ଗସ୍ତ କରିଛନ୍ତି । ଏହି ଗସ୍ତ ସିଆଚୀନ ଗ୍ଲାସିଅରର ଗୌରବଜ୍ଜ୍ୱଳ ଇତିହାସରେ ଲିପିବଦ୍ଧ ହୋଇ ରହିବ ।

ପ୍ରତିରକ୍ଷା ମନ୍ତ୍ରୀଙ୍କ ସହିତ ସ୍ଥଳସେନା ମୁଖ୍ୟ ଜେନେରାଲ ବିପିନ ରାୱତ, ଥୋଇସ ଏଆର ଫିଲ୍ଡରେ ପହଁଚିବା ପରେ ତାଙ୍କୁ ଉତର କମାଣ୍ଡ ମୁଖ୍ୟ ଲେଫ୍ଟନାଂଟ ଜେନେରାଲ ରଣବୀର ସିଂ ସ୍ୱାଗତ କରିଥିଲେ ।

ପ୍ରଥମେ ସ୍ୱାଗତ ସମ୍ବର୍ଦ୍ଧନା ଓ ସଂକ୍ଷିପ୍ତ ଆଲୋଚନା ସମ୍ପନ୍ନ ହେବା ପରେ ପ୍ରତିରକ୍ଷା ମନ୍ତ୍ରୀ ସିଆଚୀନ ଗ୍ଲାସିଅରକୁ ଆକାଶମାର୍ଗରୁ ନିରୀକ୍ଷଣ କରି ଏହି ଦୁର୍ଜୟ ଯୁଦ୍ଧକ୍ଷେତ୍ରର ବିସ୍ତାରକୁ ଅନୁଧ୍ୟାନ କରିଥିଲେ ।

ଏହାପରେ ସେ ସିଆଚୀନ ଗ୍ଲାସିଅରର ଫରୱାର୍ଡ ପୋଷ୍ଟରେ ଅବତରଣ କରିଥିଲେ ।

ପ୍ରତିରକ୍ଷା ମନ୍ତ୍ରୀ ବିଶ୍ୱର ସର୍ବୋଚ୍ଚ ଯୁଦ୍ଧ କ୍ଷେତ୍ରରେ ନିୟୋଜିତ ସେନା ଯବାନଙ୍କ ସହିତ ବାର୍ତାଳାପ କରିଥିଲେ ।

ସିଆଚୀନ ବେସ କ୍ୟାମ୍ପଠାରେ ନିଜର ଉଦବୋଧନରେ ପ୍ରତିରକ୍ଷା ମନ୍ତ୍ରୀ କହିଥିଲେ ଯେ “ସିଆଚୀନରେ କର୍ତବ୍ୟରତ ପ୍ରତ୍ୟେକ ସେନା ଯବାନଙ୍କୁ ନେଇ ମୁଁ ଗର୍ବିତ ଯେଉଁମାନେ ଆମର ମାତୃଭୂମିର ସୁରକ୍ଷା ପାଇଁ ନିଜକୁ ସମର୍ପି ଦେଇଛନ୍ତି ।

ମୁଁ ମଧ୍ୟ ସେହି ମାତାପିତାଙ୍କୁ ନେଇ ଗର୍ବିତ ଯେଉଁମାନେ ନିଜ ପିଲାମାନଙ୍କୁ ରାଷ୍ଟ୍ର ସେବା ଲାଗି ସେନାବାହିନୀରେ ଯୋଗ ଦେବା ଲାଗି ପଠାଉଛନ୍ତି । ମୁଁ ବ୍ୟକ୍ତିଗତ ଭାବେ ସେମାନଙ୍କ ନିକଟକୁ ଧନ୍ୟବାଦ ବାର୍ତା ପଠାଇବି ।”

ଦୃଢ଼ ସଂକଳ୍ପ ଏବଂ ଅସୀମିତ ପ୍ରତିବଦ୍ଧତା ସହ ଅତ୍ୟନ୍ତ ପ୍ରତିକୂଳ ପାଣିପାଗ ଏବଂ ଅତ୍ୟୁଚ୍ଚ ପର୍ବତ ଶିଖରରେ ରହି ରାଷ୍ଟ୍ରର ସୀମାକୁ ସୁରକ୍ଷିତ ରଖୁଥିବା ତଥା ନିଜ ଦେଶବାସୀଙ୍କ ସୁରକ୍ଷାକୁ ସୁନିଶ୍ଚିତ କରୁଥିବା ‘ସିଆଚୀନ ଯୋଦ୍ଧା’ମାନଙ୍କୁ ପ୍ରତିରକ୍ଷା ମନ୍ତ୍ରୀ ଉଚ୍ଚ ପ୍ରଶଂସା କରିଥିଲେ ।

ବିଶ୍ୱର ସବୁଠୁ ଅସ୍ୱାସ୍ଥ୍ୟକର ପରିବେଶରେ କାର୍ଯ୍ୟ କରିବା ଲାଗି ସବୁକିଛି ତ୍ୟାଗ କରି ରାଷ୍ଟ୍ରସେବାକୁ ସର୍ବୋପରି ଭାବୁଥିବା ଯବାନମାନଙ୍କ ପ୍ରତି ସେ ଦେଶବାସୀଙ୍କ ତରଫରୁ କୃତଜ୍ଞତା ବ୍ୟକ୍ତ କରିଥିଲେ ।

ପ୍ରତିରକ୍ଷା ମନ୍ତ୍ରୀ ଆଶ୍ୱାସନା ଦେଇଥିଲେ ଯେ ସିଆଚୀନ ଗ୍ଲାସିଅରରେ ସୁରୁଖୁରରେ କାର୍ଯ୍ୟ କରିବା ଲାଗି ସମସ୍ତ ପରିଚାଳନାଗତ ଏବଂ ପ୍ରଶାସନିକ ଆବଶ୍ୟକତା ବିଷୟରେ ସରକାର ସମ୍ପୂର୍ଣ୍ଣ ରୂପେ ଅବଗତ ଅଛନ୍ତି ।

ଆମର ସାହସୀ ‘ସିଆଚୀନ ଯୋଦ୍ଧା’ମାନଙ୍କ ସମସ୍ତ ଆବଶ୍ୟକତାକୁ ପ୍ରାଥମିକତା ଭିତିରେ ପୂରଣ କରିବା ଲାଗି ସବୁ ପ୍ରକାର ସରକାରୀ ସହଯୋଗ ପାଇଁ ମଧ୍ୟ ସେ ପ୍ରତିଶ୍ରୁତି ଦେଇଥିଲେ ।

ସେ ‘ସିଆଚୀନ ଯୁଦ୍ଧ ସ୍ମାରକ’ ଠାରେ ରାଷ୍ଟ୍ର ସୁରକ୍ଷା ପାଇଁ ପ୍ରାଣବଳୀ ଦେଇଥିବା ସହିଦ ଯବାନଙ୍କୁ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।

Categories
INTERNATIONAL
Newsroll

RELATED BY

  • ଋଷ ସରକାର ଭାରତ ସରକାରଙ୍କ ସହ କାମ କରିବାକୁ ଇଚ୍ଛୁକ:ଧର୍ମେନ୍ଦ୍ର ପ୍ରଧାନ

    ୠଷ/ନୂଆଦିଲ୍ଲୀ/ଭୁବନେଶ୍ୱର:  ଋଷର ପୂର୍ବାଞ୍ଚଳରେ ଅପର୍ଯ୍ୟାପ୍ତ ଖଣିଜର ସମ୍ଭାବନା ରହିଥିବା ବେଳେ ଋଷ ସରକାର ଭାରତ ସରକାରଙ୍କ ସହ କାମ କରିବାକୁ ଇଚ୍ଛୁକ ରଖିଛନ୍ତି ।  ଭାରତ ଓ ଋଷ ମଧ୍ୟରେ ପ୍ରସ୍ତାବିତ ଏହି ଯୁଗ୍ମ ପ୍ରକଳ୍ପ ଦୁଇ ଦେଶ ମଧ୍ୟରେ...
  • ମଙ୍ଗୋଲିଆର ପ୍ରଧାନମନ୍ତ୍ରୀଙ୍କ ସହ ସାକ୍ଷାତ୍ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

    ମଙ୍ଗୋଲିଆ/ନୂଆଦିଲ୍ଲୀ/ଭୁବନେଶ୍ୱର:ଚଳିତବର୍ଷ ସେପ୍ଟେମ୍ବର ମାସରେ ମଙ୍ଗୋଲିଆ ରାଷ୍ଟ୍ରପତିଙ୍କ ଭାରତ ଗସ୍ତ ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗତ ୬ ତାରିଖରୁ ଭାରତର ଉଚ୍ଚ ସରକାରୀ ଅଧିକାରୀ ତଥା ଏକ ବ୍ୟବସାୟିକ ପ୍ରତିନିଧି ମଣ୍ଡଳି ସହ ତିନିଦିନିଆ ମଙ୍ଗୋଲିଆ ଗସ୍ତରେ ଅଛନ୍ତି ।...
  • ପ୍ରଧାନମନ୍ତ୍ରୀଙ୍କୁ ‘ଗ୍ଲୋବାଲ ଗୋଲକିପର ପୁରସ୍କାର’

    ସ୍ୱଚ୍ଛ ଭାରତ ଅଭିଯାନ ପାଇଁ ବିଲ ଆଣ୍ଡ ମେଲିଣ୍ଡା ଗେଟ୍ସ ଫାଉଣ୍ଡେସନ ତରଫରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ‘ଗ୍ଲୋବାଲ ଗୋଲକିପର’ ପୁରସ୍କାର ପ୍ରଦାନ କରାଯାଇଛି । ନ୍ୟୁୟର୍କରେ ୨୪ ସେପ୍ଟେମ୍ବର, ୨୦୧୯ରେ ଜାତିସଂଘର ସାଧାରଣ ଅଧିବେଶନ ସମୟରେ ଏହି...
  • ଭାରତ-ମଙ୍ଗୋଲିଆ ବ୍ୟବସାୟିକ ବୈଠକରେ ଯୋଗଦେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

    ନୂଆଦିଲ୍ଲୀ/ଭୁବନେଶ୍ୱର:୨୦୧୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଙ୍ଗୋଲିଆ ଗସ୍ତ ପରେ ପରେ ଭାରତ ଓ ମଙ୍ଗୋଲିଆ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଆହୁରି ମଜବୁତ୍ ହୋଇଛି । ଦୁଇ ଦେଶର ଋଣନୈତିକ ସହଯୋଗ ଦ୍ୱିାକ୍ଷିକ ସମ୍ପର୍କକୁ ନୂଆ ଶକ୍ତି ଦେଇଥିବା ବେଳେ ଭାରତ-ମଙ୍ଗୋଲିଆ...