ରୋଜଗାର ପ୍ରଶିକ୍ଷଣ କାର୍ଯ୍ୟକ୍ରମ, ଆବେଦନ କରିବାର ଶେଷ ତାରିଖ ରହିଛି ଜୁନ ୨୬

ନିଃଶୁଳ୍କ ଓ ଛାତ୍ରବୃତି ଯୁକ୍ତ ତାଲିମ ଆସନ୍ତା ଜୁଲାଇ୧ରୁ ଆରମ୍ଭ କରାଯିବ

Share this:

ଭାରତ ସରକାରଙ୍କ ଶ୍ରମ ଏବଂ ରୋଜଗାର ମନ୍ତ୍ରଣାଳୟ ଅଧୀନରେ ଥିବା ଜାତୀୟ କ୍ୟାରିଅର ସେବା କେନ୍ଦ୍ର, ଭୁବନେଶ୍ୱର ସ୍ଥିତ କାର୍ଯ୍ୟାଳୟ ପକ୍ଷରୁ ତଫସିଲ ଭୁକ୍ତ ଜାତି ଓ ଉପଜାତିର ରୋଜଗାର ଆଶାୟୀ ପ୍ରାର୍ଥୀମାନଙ୍କୁ ବିଭିନ୍ନ ନିଯୁକ୍ତି ବୋର୍ଡ ଦ୍ୱାରା ଆୟୋଜିତ କିରାଣୀ ଓ ଷ୍ଟେନୋଗ୍ରାଫର ପ୍ରତିଯୋଗିତା ପରୀକ୍ଷାରେ ସକ୍ଷମ କରାଯିବା ପାଇଁ ପ୍ରଶିକ୍ଷଣ ପ୍ରଦାନ କରାଯିବ । ଏହି ନିଃଶୁଳ୍କ ଓ ଛାତ୍ରବୃତି ଯୁକ୍ତ ତାଲିମ ଆସନ୍ତା ଜୁଲାଇ୧ରୁ ଆରମ୍ଭ କରାଯିବ ।

ଏହି ସ୍ୱତନ୍ତ୍ର ପ୍ରଶିକ୍ଷଣ ତଥା କମ୍ପ୍ୟୁଟର ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାକୁ ଇଚ୍ଛୁକ ଛାତ୍ରଛାତ୍ରୀମାନଙ୍କର ଶିକ୍ଷାଗତ ଯୋଗ୍ୟତା ଯୁକ୍ତ ଦୁଇ କିମ୍ବା ତଦୁଦ୍ଧ୍ୱର୍ ହେବା ଆବଶ୍ୟକ ।

ଏଥିପାଇଁ ସେମାନଙ୍କର ବୟସ ଜୁନ ୩୦, ୨୦୧୯ ସୁଦ୍ଧା ସ୍ୱତନ୍ତ୍ର ପ୍ରଶିକ୍ଷଣ କାର୍ଯ୍ୟକ୍ରମ ପାଇଁ ୧୮ରୁ ୨୭ବର୍ଷ ଏବଂ କମ୍ପ୍ୟୁଟର ପ୍ରଶିକ୍ଷଣ ପାଇଁ ୧୮ରୁ ୩୦ ବର୍ଷ ମଧ୍ୟରେ ହୋଇଥିବା ଆବଶ୍ୟକ ।

ଏଥିପାଇଁ ପ୍ରାର୍ଥୀଙ୍କ ପରିବାରର ବାର୍ଷିକ ଆୟ ୩ ଲକ୍ଷ ଟଙ୍କାରୁ ଅଧିକ ହୋଇନଥିବ ।

ଏହି ପ୍ରଶିକ୍ଷଣ ପାଇଁ ପ୍ରାର୍ଥୀମାନେ ଜୁନ ୧୦ରୁ ୨୬ ମଧ୍ୟରେ ବ୍ଲକ ନଂ-ଏ/୨, ତୋଷାଳୀ ଭବନ, ସତ୍ୟ ନଗର, ଭୁବନେଶ୍ୱର-୭୫୧୦୦୭ ସ୍ଥିତ କାର୍ଯ୍ୟାଳୟରୁ ଦେୟମୁକ୍ତ ଆବେଦନ ପତ୍ର ପାଇପାରିବେ । ଆବେଦନ କରିବାର ଶେଷ ତାରିଖ ରହିଛି ଜୁନ ୨୬ ।

ଏକ ସାକ୍ଷାତକାର କମିଟି ଦ୍ୱାରା ମନୋନୀତ ହୋଇଥିବା ଯୋଗ୍ୟ ବିବେଚିତ ପ୍ରାର୍ଥୀମାନେ କୌଣସି ଏକ ପ୍ରଶିକ୍ଷଣ କାର୍ଯ୍ୟକ୍ରମରେ ନାମ ଲେଖାଇ ପାରିବେ ।

RELATED BY

EDITOR
OFFICE