ରାଜ୍ୟରେ ଷ୍ଟାର୍ଟ ଅପ୍‌ ବକି।ଶ ପ୍ରକୋଷ୍ଠ ପ୍ରତିଷ୍ଠା ହେବ

‘ଷ୍ଟାର୍ଟ ଅପ୍‌ ନିଯୁକ୍ତି ମେଳା’

ଭୁବନେଶ୍ୱର: ଷ୍ଟାର୍ଟ ଅପ୍‌ମାନଙ୍କ ସହିତ ମତବିନିମୟ ସମୟରେ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ, ଶକ୍ତି, ଶିଳ୍ପ ଓ ଗୃହ ମନ୍ତ୍ରୀ କ୍ୟାପ୍‌ଟେନ୍‌ ଦିବ୍ୟଶଙ୍କର ମିଶ୍ର କହିଲେ ଯେ ଷ୍ଟାର୍ଟ ଅପ୍‌ ଇକୋ ସିଷ୍ଟମ୍‌ର ବିକାଶକୁ ସରକାର ପ୍ରାଥମିକତା ଦେଉଛନ୍ତି ।

ପରବର୍ତ୍ତୀ ପର୍ଯ୍ୟାୟରେ ଷ୍ଟାର୍ଟ ବିକାଶ ପ୍ରକୋଷ୍ଠ ପ୍ରତିଷ୍ଠା କରାଯାଇ ଏହାକୁ ଜିଲ୍ଲାସ୍ତରକୁ ସଂପ୍ରସାରିତ କରାଯିବ । ଏହି ଅବସରରେ ଏମ୍‌ଏସ୍‌ଏମ୍‌ଇ ବିଭାଗର ଅତିରକ୍ତି ମୁଖ୍ୟ ଶାସନ ସଚିବ ଶ୍ରୀ ଲକ୍ଷ୍ମୀନାରାୟଣ ଗୁପ୍ତା ସୂଚନା ଦେଇଥିଲେ ଯେ ଗତ ୨୬ ମାସ ମଧ୍ୟରେ ୪୩୩ଟି ଷ୍ଟାର୍ଟ ଅପ୍‌ ପଞ୍ଜୀକୃତ ହୋଇଛନ୍ତି ।

ସେଥି ମଧ୍ୟରୁ ୧୩୮ଟି ଷ୍ଟାର୍ଟ ଅପ୍‌ ମହିଳାମାନଙ୍କ ପରିଚାଳନାରେ ରହିଛି । ସେ ଆହୁରି କହିଲେ ଯେ ୮୪ଟି ଅନୁଦାନ ସ୍ୱୀକୃତିପ୍ରାପ୍ତ ଷ୍ଟାର୍ଟ ଅପ୍‌ ଓ ଇନ୍‌କୁ୍ୟବେଟରମାନଙ୍କୁ ପ୍ରଦାନ କରାଯାଇଛି । ଏହା ଛଡ଼ା ୧୨ଟି ଇନ୍‌କୁ୍ୟବେଟର ଓ ୧୩ଟି ନୋଡାଲ ଏଜେନ୍ସି ଷ୍ଟାର୍ଟ ଅପ୍‌ ଓଡ଼ିଶା ଦ୍ୱାରା ସ୍ୱୀକୃତିପ୍ରାପ୍ତ ଷ୍ଟାର୍ଟ ଅପ୍‌ମାନଙ୍କୁ ସହାୟତା ଦେବା ପାଇଁ କାର୍ଯ୍ୟ କରୁଛନ୍ତି । ଏଥିରେ ଫୋଏନିକ୍ସ ରୋବୋଟିକ୍ସ (ଆଇଓଟି), ସ୍ୟାକ୍‌ରୋବୋଟିକ୍ସ(ରୋବୋଟିକ୍ସ ଏଜୁକେସନ୍‌), ଏଇଥର ଇନୋଭେସନ୍ସ (ଫୁଡ୍‌ଟେକ୍‌), ଇପ୍‌ସମ୍‌ ଲ୍ୟାବ୍ସ (ଆଇଓଟି), ଉଦୀୟତେ ଟେକ୍‌ନୋଲୋଜିସ୍‌ (ଏଆଇ), ୱାନ୍‌ ୱାଲର୍ଡ ହେଲଥ୍‌ କେୟାର, ମେଡ୍‌ଟେଲ୍‌(ହେଲଥ୍‌କେୟାର) ଓ ନୋଭୋଲୁ୍ୟସନ୍ସ ଫୁଡ୍‌ ଆଣ୍ଡ ବିଭେରେଜେସ୍‌ ସେମାନଙ୍କର ନବପ୍ରବର୍ତ୍ତିତ ଉତ୍ପାଦଗୁଡ଼ିକୁ ମାନ୍ୟବର ମନ୍ତ୍ରୀଙ୍କୁ ଦେଖାଇଥିଲେ ।

ମନ୍ତ୍ରୀ କ୍ୟାପ୍‌ଟେନ୍‌ ମିଶ୍ର ସେମାନଙ୍କର ଉତ୍ପାଦ ଓ ସେବାକୁ ପ୍ରଶଂସା କରିଥିଲେ । ଶିଳ୍ପ ନିର୍ଦ୍ଦେଶକ ଶ୍ରୀ ପ୍ରଣବଜ୍ୟୋତି ନାଥ ଓ ଇଭାଞ୍ଜେଲିଷ୍ଟ ଶ୍ରୀ ପ୍ରଶାନ୍ତ ବିଶ୍ୱାଳ ସୂଚନା ଦେଇଥିଲେ ଯେ ଚଳିତ ବର୍ଷ ଏକ ଜାତୀୟ ସ୍ତରୀୟ ଷ୍ଟାର୍ଟ ଅପ୍‌ କନ୍‌କ୍ଲେଭ୍‌ ତଥା ଗ୍ରାଣ୍ଡ ଚାଲେଞ୍ଜ ଆୟୋଜନ କରିବାର ଯୋଜନା ରହିଛି ।

ଷ୍ଟାର୍ଟ ଅପ୍‌ମାନଙ୍କର ଅନୁରୋଧ କ୍ରମେ ଏକ ‘ଷ୍ଟାର୍ଟ ଅପ୍‌ ନିଯୁକ୍ତି ମେଳା’ ଆୟୋଜନ କରିବାକୁ ନିଷ୍ପତ୍ତି ନିଆଯାଇଥିଲା । ଏହି ମେଳା ମାଧ୍ୟମରେ ଷ୍ଟାର୍ଟ ଅପ୍‌ମାନେ ବିଭିନ୍ନ ବୈଷୟିକ ଅନୁଷ୍ଠାନର ପ୍ରତିଭାମାନଙ୍କୁ ଚୟନ କରି ନିଯୁକ୍ତି ପ୍ରଦାନ କରିପାରିବେ ।

ଷ୍ଟାର୍ଟ ଅପ୍‌ମାନଙ୍କ ଦ୍ୱାରା ବିକଶିତ ଜରୁରୀ ଯୋଗାଯୋଗ ବ୍ୟବସ୍ଥା ଓ ସହରାଞ୍ଚଳ ବନ୍ୟା ତଦାରଖ ବ୍ୟବସ୍ଥାକୁ ଓଡ଼ିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ନିକଟରେ ପ୍ରଦର୍ଶନ କରିବା ପାଇଁ ମଧ୍ୟ ନିଷ୍ପତ୍ତି ନିଆଯାଇଥିଲା ।

Categories
KNOWLEDGE
Newsroll

RELATED BY

  • ଜେ.ଏନ୍.ୟୁ ବିଶ୍ୱବିଦ୍ୟାଳୟରୁ ପି.ଏଚ୍.ଡ଼ି ପାଇଲେ ଓଡ଼ିଆ ଝିଅ

    ନୂଆଦିଲ୍ଲୀ, (ଓ.ଏନ୍‍.ବ୍ୟୁରୋ) : ଓଡ଼ିଆ ଝିଅ ସୌମ୍ୟା ଶର୍ମିଷ୍ଠା ମଲ୍ଲିକ ଇତିମଧ୍ୟରେ ବିଶ୍ୱ ବିଖ୍ୟାତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ, ନୂଆଦିଲ୍ଲୀରୁ ସମାଜ ବିଜ୍ଞାନରେ ଡ଼କ୍ଟର ଅଫ ପିଲୋସଫି ଡ଼ିଗ୍ରୀ ହାସଲ କରିଛନ୍ତି । ପି.ଏଚ୍.ଡ଼ି ରେ ତାଙ୍କର ସନ୍ଦର୍ଭଟି ହେଉଛି...
  • ଟଙ୍କାକୁ ଯେମିତି ସମସ୍ତେ ଭଲ ପାଅ,ସେହିପରି ଗାନ୍ଧୀଙ୍କ ବାଣୀ ଓ ଉପଦେଶକୁ ପାଳନ କର

    ମହାତ୍ମା ଗାନ୍ଧୀ ଆମର ଶକ୍ତି । ଗାନ୍ଧୀ ବିନା ଆମ ଦୈନନ୍ଦିନ ଜୀବନରେ ବଞ୍ଚିବା, ଚଳିବା କଷ୍ଟକର କହିଲେ ଅତ୍ୟୁକ୍ତି ହେବ ନାହିଁ । ଗାନ୍ଧୀ ଏହି ପରି ଜଣେ ମହାପୁରୁଷ ଭାରତ ବର୍ଷର ପ୍ରତ୍ୟେକ ବ୍ୟକ୍ତିଙ୍କ ପାଖରେ ଚିତ୍ର...
  • ଆରକେଏସ ଭଦୌରିଆ ପରବର୍ତୀ ବାୟୁ ସେନା ମୁଖ୍ୟ ହେବେ

    ଭାରତ ସରକାର ପରବର୍ତୀ ବାୟୁ ସେନା ମୁଖ୍ୟ ଭାବେ ବର୍ତମାନର ବାୟୁସେନା ଉପ ମୁଖ୍ୟ ଏୟାର ମାର୍ଶାଲ ଆରକେଏସ ଭଦୌରିଆ, ପିଭିଏସଏମ, ଏଭିଏସଏମ, ଭିଏମ, ଏଡିସିଙ୍କୁ ନିଯୁକ୍ତି ଦେଇଛନ୍ତି । ତାଙ୍କୁ ବର୍ତମାନର ବାୟୁ ସେନା ମୁଖ୍ୟ ଚିଫ ଏୟାର...
  • ବିଶ୍ୱ ନିର୍ବାଚନ ସଂସ୍ଥାନ ସଂଘର ଅଧ୍ୟକ୍ଷ ଦାୟିତ୍ୱ ନେଲେ ସୁନୀଲ ଆରୋରା

    ମୁଖ୍ୟ ନିର୍ବାଚନ ଆୟୁକ୍ତ  ସୁନୀଲ ଆରୋରା ଆଜି ବିଶ୍ୱ ନିର୍ବାଚନ ସଂସ୍ଥାନ ସଂଘ (ଏଡବ୍ଲୁଇବି)ର ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି । ସେ ୨୦୧୯ରୁ ୨୦୨୧ ପର୍ଯ୍ୟନ୍ତ ଏହି ଦାୟିତ୍ୱରେ ରହିବେ । ଏଥି ସହିତ ରୋମାନିଆ ନିକଟରୁ...