ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀଙ୍କ ସହ

ଟେମାସେକ ଫାଉଣ୍ଡେସନ୍‌ ଇଣ୍ଟରନ୍ୟାସନାଲର ପ୍ରତିନିଧିଦଳଙ୍କ ସୌଜନ୍ୟମୂଳକ ସାକ୍ଷାତ

ଭୁବନେଶ୍ୱର:ଆଜି ପୂର୍ବାହ୍ନରେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ଶ୍ରୀ ପ୍ରେମାନନ୍ଦ ନାୟକଙ୍କ ସଚିବାଳୟସ୍ଥ ପ୍ରକୋଷ୍ଠରେ ଟେମାସେକ ଫାଉଣ୍ଡେସନ୍‌ ଇଣ୍ଟରନ୍ୟାସନାଲର ପ୍ରତିନିଧି ଦଳ ଏକ ସୌଜନ୍ୟମୂଳକ ସାକ୍ଷାତ ଆଲୋଚନା କରିଥିଲେ । ଗତ ବର୍ଷ ୧୦୦ ଜଣ ଆଇଟିଆଇ ଓ ପଲିଟେକ୍‌ନିକ୍‌ର ଅଧ୍ୟକ୍ଷମାନେ ନେତୃତ୍ୱ ବିକାଶ ପ୍ରଶିକ୍ଷଣ ନିମନ୍ତେ ସିଙ୍ଗାପୁର ଗସ୍ତ କରିଥିଲେ । ଦ୍ୱିତୀୟ ପର୍ଯ୍ୟାୟରେ ପଲିଟେକ୍‌ନିକ୍‌ ଓ ଆଇଟିଆଇର ପ୍ରଶିକ୍ଷକମାନେ ସିଙ୍ଗାପୁରଠାରେ ତାଲିମ ନେବାର କାର୍ଯ୍ୟକ୍ରମ ସଂପର୍କରେ ଏହି ପ୍ରତିନିଧି ଦଳ ମନ୍ତ୍ରୀ ଶ୍ରୀ ନାୟକଙ୍କୁ ଅବଗତ କରିଥିଲେ । ଏହି ସାକ୍ଷାତ ଆଲୋଚନା ସମୟରେ ଆଇଟିଇଇଏସ୍‌, ସିଙ୍ଗାପୁର ତଥା ନାନ୍‌ୟାଙ୍ଗ ପଲିଟେକ୍‌ନିକ୍‌
ଇଣ୍ଟରନ୍ୟାସନାଲ୍‌ର ସିନିଅର ଡାଇରେକ୍‌ଟର ଜେରାଲଡ୍‌ ୟିଓଙ୍କ ସହିତ ଅନ୍ୟାନ୍ୟ ପ୍ରତିନିଧି , ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ କମିଶନର ତଥା ଶାସନ ସଚିବ ଶ୍ରୀ ସଂଜୟ କୁମାର ସିଂ, ନିୟୋଜନ ନିର୍ଦ୍ଦେଶାଳୟ ନିର୍ଦ୍ଦେଶକ ତଥା ଓଏସ୍‌ଡିଏ ର ସିଇଓ ଶ୍ରୀ ରାଜେଶ ପ୍ରଭାକର ପାଟିଲଙ୍କ ସହିତ ବହୁ ବିଭାଗୀୟ ପଦାଧିକାରୀ ଉପସ୍ଥିତ ଥିଲେ ।

Newsroll
EDITOR
OFFICE