ଓଡିଶାର ପର୍ଯ୍ୟଟନ କ୍ଷେତ୍ର ପ୍ରତି ମୋଦି ସରକାରଙ୍କ ଅବିଚାର ଓ ଅବହେଳା

କଂଗ୍ରେସ

ଭୁବନେଶ୍ୱର :କେନ୍ଦ୍ର ସରକାରଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ‘ଅନନ୍ୟ ଆକର୍ଷଣୀୟ ପର୍ଯ୍ୟଟନ କ୍ଷେତ୍ର’ ତାଲିକାରେ ଓଡିଶାର ନାମକୁ ବିଚାରକୁ ନ ନିଆଯିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ମତବ୍ୟକ୍ତ କରିଛି କଂଗ୍ରେସ ।

ଆଜି ଏକ ପ୍ରେସ୍ ଇସ୍ତାହାରରେ ଓଡିଶା ପ୍ରତି ଏଭଳି ଅବିଚାରକୁ ନେଇ ଘୋର ଉଦ୍ବେଗ ପ୍ରକାଶ କରିଛନ୍ତି କଂଗ୍ରେସ ମିଡିଆ ସେଲ୍ ମୁଖ୍ୟ ସତ୍ୟ ପ୍ରକାଶ ନାୟକ ।

ଏ ନେଇ ସେ ସିଧାସଳଖ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିବା ବେଳେ କେନ୍ଦ୍ରୀୟ ପୂର୍ଣ୍ଣାଙ୍ଗ ବଜେଟ୍ – ୨୦୧୯ ରେ ସାରା ଦେଶର ୧୨ଟି ରାଜ୍ୟର ୧୭ଟି ପର୍ଯ୍ୟଟନ କ୍ଷେତ୍ରକୁ ‘ଅନନ୍ୟ ଆକର୍ଷଣୀୟ ପର୍ଯ୍ୟଟନ କ୍ଷେତ୍ର’ ଭାବରେ ସାମିଲ କରାଯାଇଥିଲେ ମଧ୍ୟ ଓଡିଶାର କୌଣସି ପର୍ଯ୍ୟଟନ କ୍ଷେତ୍ର ଏଥିରେ ସାମିଲ ନହେବା ଅତ୍ୟନ୍ତ ପରିତାପର ବିଷୟ ବୋଲି ଉଲ୍ଲେଖ କରିଛନ୍ତି ।

ସାରା ଭାରତବର୍ଷର ବିଭିନ୍ନ ରାଜ୍ୟ ଯଥା ରାଜସ୍ଥାନ, ଗୁଜୁରାଟ, ଗୋଆ ଓ ମହାରାଷ୍ଟ୍ର ପ୍ରଭୃତି ଏଭଳି ଯୋଜନାରୁ ଲାଭବାନ ହେବାକୁ ଯାଉଥିବା ବେଳେ ଓଡିଶାକୁ ଏଭଳି ଯୋଜନାରୁ ବାଦ ଦିଆଯିବାକୁ ନେଇ ପ୍ରଶ୍ନ କରିଛି କଂଗ୍ରେସ ।

ଭାରତବର୍ଷର ବିଭିନ୍ନ ପ୍ରସିଦ୍ଧ ପର୍ଯ୍ୟଟନ କ୍ଷେତ୍ର ଯଥା ତାଜମହଲ, ଫତେପୁର ସିକ୍ରି, ଲାଲକିଲ୍ଲା, ଅଜନ୍ତା ଓ ଏଲୋରା, ହାମ୍ପି ଇତ୍ୟାଦି ଏଭଳି ଯୋଜନାରେ ଲାଭବାନ ହେବାକୁ ଥିବାବେଳେ ଓଡିଶାର ବିଶ୍ୱ ପ୍ରସିଦ୍ଧ ପର୍ଯ୍ୟଟନ କ୍ଷେତ୍ର କୋଣାର୍କକୁ ଏଥିରେ ସାମିଲ ନକରିବା ବିଜେପିର ଦୋମୁହାଁ ନୀତିକୁ ପଦାରେ ପକାଇ ଦେଇଛି ।

ବିଶ୍ୱ ଐତିହ୍ୟ ତାଲିକାରେ ସ୍ଥାନ ପାଇଥିବା କୋଣାର୍କ ମନ୍ଦିର ହେଉ ଅବା ୟୁନିସ୍କୋ ଦ୍ୱାରା ତାଲିକାଭୁକ୍ତ ଭିତରକନିକା ଅଭୟାରଣ୍ୟ ଏବଂ ଚିଲିକା ହ୍ରଦ ତଥା ଲଳିତଗିରି ଏବଂ ରତ୍ନଗିରିର ବୌଦ୍ଧ କିର୍ତୀରାଜି ପ୍ରତି ଧ୍ୟାନ ନ ଦିଆଯିବା ଓଡିଶାର କେଉଁ ସ୍ୱାର୍ଥରେ ବୋଲି ପ୍ରଶ୍ନ କରିଛି କଂଗ୍ରେସ ।

ଓଡିଶା ପ୍ରତି କେନ୍ଦ୍ର ସଂସ୍କୃତି ବିଭାଗର ଏଭଳି ବୈମାତୃକ ମନୋଭାବକୁ କଂଗ୍ରେସ ମିଡିଆ ସେଲ୍ ମୁଖ୍ୟ ସତ୍ୟ ପ୍ରକାଶ ନାୟକ ଘୋର ସମାଲୋଚନା କରିବା ସହିତ ଓଡିଶାର ପ୍ରସିଦ୍ଧ ପର୍ଯ୍ୟଟନ କ୍ଷେତ୍ର ସବୁକୁ ଏହି ଯୋଜନାରେ ତୁରନ୍ତ ଅର୍ନ୍ତଭୁକ୍ତ କରିବା ପାଇଁ ଦାବି କରିଛନ୍ତି ।

ଓଡିଶାର ସ୍ୱାର୍ଥକୁ ନେଇ ପ୍ରସଙ୍ଗଭିତିକ ସମର୍ଥନର ଡିଣ୍ଡିମ ପିଟୁଥିବା ରାଜ୍ୟ ବିଜେଡି ସରକାର ଗଣମାଧ୍ୟମରେ ବିବୃତି ରଖି ଚୁପ୍ ବସିଗଲେ ହେବ ନାହିଁ ।

ଏଥିପାଇଁ ରାଜ୍ୟ ସରକାର କେନ୍ଦ୍ର ପାଖରେ ଦୃଢ଼ ଦାବି ଉପସ୍ଥାପନ କରିବାକୁ ଶ୍ରୀ ନାୟକ ଆହ୍ୱାନ ଦେବା ସହିତ ଓଡିଶା ପ୍ରତି କ୍ରମାଗତ ଭାବରେ କରାଯାଉଥିବା ଅବହେଳା ଓ ଅବିଚାର ବିରୁଦ୍ଧରେ ଚେତାବନୀ ଦେଇଛି କଂଗ୍ରେସ ।

Categories
NATIONAL

RELATED BY

  • ଓଡ଼ିଶାକୁ ‘ଏଗ୍ରିକଲଚରାଲ୍‌ ଲିଡରସିପ୍‌ ଆୱାର୍ଡ’

    ଭୁବନେଶ୍ୱର: ମତ୍ସ୍ୟ ସଂପଦର ବିକାଶ କ୍ଷେତ୍ରରେ ମହତ୍ତ୍ୱପୂର୍ଣ୍ଣ ଅବଦାନ ଯୋଗୁଁ ଓଡ଼ିଶା ୨୦୧୯ ବର୍ଷ ନିମନ୍ତେ ସର୍ବୋତ୍ତମ ରାଜ୍ୟ ଭାବରେ ପୁରସ୍କୃତ ହୋଇଛି । ଏଗ୍ରିକଲଚର ଟୁଡ଼େ ଗ୍ରୁପ୍‌ ପକ୍ଷରୁ ଏଗ୍ରିକଲଚର ଲିଡରସିପ୍‌ ଆୱାର୍ଡ ପ୍ରଦାନ କାର୍ଯ୍ୟକ୍ରମରେ ମତ୍ସ୍ୟ ଉତ୍ପାଦନ...
  • ଜାତୀୟ ଶିକ୍ଷା ନୀତି -୨୦୧୯କୁ ତର୍ଜମା

    ଭୁବନେଶ୍ୱର: କେନ୍ଦ୍ର ସରକାର ‘ଜାତୀୟ ଶିକ୍ଷାନୀତି ୨୦୧୯ ପ୍ରଣୟନ’ କରୁଥିବା ଦୃଷ୍ଟିରୁ ଓଡ଼ିଶା ପରିପ୍ରେକ୍ଷୀରେ ଯାହା ସର୍ବୋତ୍ତମ ହେବ ସେପରି ପ୍ରସ୍ତାବ ଦିଆଯିବ ବୋଲି ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ମତବ୍ୟକ୍ତ କରିଛନ୍ତି । ଚିଠା ଜାତୀୟ...
  • RAIL BUDGET-2019 FOR ODISHA

    1. The Budget grants for 2019-20 for Railways in Odisha are almost the same as given in the Interim Budget. 2. Detailed figures are being calculated, but like last...
  • ରାଜ୍ୟରେ ୫ଟି ନୂଆ ରେଳପଥ ପାଇଁ ସର୍ଭେ

    ନୂଆଦିଲ୍ଲୀ/ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ପୂର୍ବ ବର୍ଷ ଭଳି ଓଡିଶା ପାଇଁ ଚଳିତ ରେଳ ବଜେଟ୍ ରେକର୍ଡ ଅର୍ଥ ୫ ହଜାର ୯୯୩ କୋଟି ବ୍ୟୟବରାଦ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଳମନ୍ତ୍ରୀ ପିୟୂଷ ଗୋଏଲଙ୍କୁ ଧନ୍ୟବାଦ...
WhatsApp chat