କ୍ରୀଡ଼ା ଓ ଯୁବସେବା ମନ୍ତ୍ରୀଙ୍କ ଜବାହରଲାଲ ନେହେରୁ ଇନ୍‌ଡୋର ଷ୍ଟାଡିୟମ୍‌ ପରିଦର୍ଶନ

ମନ୍ତ୍ରୀ ଶ୍ରୀ ତୁଷାରକାନ୍ତି ବେହେରା

ଭୁବନେଶ୍ୱର: ଆସନ୍ତା ଜୁଲାଇ ୧୭ରୁ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ୨୧ତମ କମନ୍‌ୱେଲ୍‌ଥ ଟେବୁଲ ଟେନିସ ଚମ୍ପିଅନ୍‌ସିପ୍‌ ଲାଗି ସୂଚନା ଓ ପ୍ରଯୁକ୍ତି ବିଦ୍ୟା, କ୍ରୀଡ଼ା ଓ ଯୁବସେବା ମନ୍ତ୍ରୀ ଶ୍ରୀ ତୁଷାରକାନ୍ତି ବେହେରା କଟକସ୍ଥିତ ଜବାହରଲାଲ ନେହେରୁ ଇନ୍‌ଡୋର ଷ୍ଟାଡିୟମ୍‌ ଗସ୍ତ କରି କାର୍ଯ୍ୟର ତଦାରଖ କରିଛନ୍ତି ।

ଏହି ଅବସରରେ ମନ୍ତ୍ରୀ ଶ୍ରୀ ବେହେରା ଷ୍ଟାଡିୟମ୍‌ର ଭିତର-ବାହାର, ଦର୍ଶକ ଗ୍ୟାଲେରୀ, ଖେଳାଳୀମାନଙ୍କ ବସିବା ଏବଂ ଖେଳିବା ସ୍ଥାନ, ପ୍ରେସ ବକ୍ସ ଆଦି ବିଭିନ୍ନ ସ୍ଥାନ ବୁଲି ଦେଖିବା ସହ ଚମ୍ପିଅନ୍‌ସିପ୍‌ ଲାଗି କ’ଣ ସବୁ ପ୍ରସ୍ତୁତି କରାଯାଇଛି ସେ ସଂପର୍କରେ କ୍ରୀଡ଼ା ବିଭାଗର ବରିଷ୍ଠ ଅଧିକାରୀଙ୍କଠାରୁ ପଚାରି ବୁଝିଥିଲେ ।

ବିଭାଗ ପକ୍ଷରୁ ଗ୍ରହଣ କରାଯାଇଥିବା କାର୍ଯ୍ୟରେ ସନ୍ତୋଷ ପ୍ରକାଶ କରି ଏହି ଅନ୍ତର୍ଜାତୀୟ ଖେଳକୁ ସଫଳ ଆୟୋଜନ ନିମନ୍ତେ ସମସ୍ତ କର୍ତ୍ତବ୍ୟରତ ଅଧିକାରୀ ଓ କର୍ମଚାରୀଙ୍କୁ
ସଜାଗ ରହିବାକୁ ମନ୍ତ୍ରୀ ଶ୍ରୀ ବେହେରା ନିର୍ଦ୍ଦେଶ ଦେଇଥିଲେ ।

ଏହି ବିଶ୍ୱସ୍ତରୀୟ ଚମ୍ପିଅନ୍‌ସିପ୍‌କୁ ସଫଳ କରବା ପାଇଁ କଟକ ସମେତ ସମଗ୍ର ରାଜ୍ୟବାସୀଙ୍କ ସହଯୋଗ କାମନା କରିଛନ୍ତି । ଆସନ୍ତା ୧୪ ତାରିଖରେ କମନ୍‌ୱେଲ୍‌ଥ ଟେବୁଲ ଟେନିସ ଚମ୍ପିଅନ୍‌ସିପ୍‌ ଲାଗି କଟକଠାରେ କ୍ରୀଡ଼ା ଓ ଯୁବସେବା ମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ଅନୁଷ୍ଠିତ ହେବ ।

ଏହି ଗସ୍ତ ସମୟରେ ଜିଲ୍ଲା କ୍ରୀଡ଼ା ଅଧିକାରୀଙ୍କ ସମେତ କ୍ରୀଡ଼ା ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।

Categories
SPORTS

RELATED BY

  • England have won the Cricket World Cup for the first time

    England have won the Cricket World Cup for the first time after a thrilling victory over New Zealand at Lord’s in a match that had to be settled by a...
  • ୨୬ ଜଣିଆ ଭାରତୀୟ ଦଳରେ ୭ ଓଡ଼ିଆ ଖେଳାଳୀ

    ଭୁବନେଶ୍ୱର: ଚଳିତ ମାସ ୧୭ରୁ ୨୩ ତାରିଖ ପର୍ଯ୍ୟନ୍ତ ଫିଲିପାଇନ୍ସର ମାନିଲାଠାରେ ଅନୁଷ୍ଠିତ ହେବାକୁ ଯାଉଥିବା ଏସୀୟ ମହିଳା ରଗ୍‌ବି ଚମ୍ପିଅନ୍‌ସିପ୍‌ ନିମନ୍ତେ ୨୬ ଜଣିଆ ଭାରତୀୟ ମହିଳା ରଗ୍‌ବି ଦଳ ପ୍ରତିନିଧିତ୍ୱ କରିବେ । ଦଳରେ ଓଡ଼ିଶାରୁ ୭...
  • ଏଫ୍‌.ଆଇ.ଏଚ.ସିରିଜ୍‌ ଫାଇନାଲ

    ଭୁବନେଶ୍ୱର:ସ୍ଥାନୀୟ କଳିଙ୍ଗ ଷ୍ଟାଡିୟମ୍‌ରେ ଇଣ୍ଟରନ୍ୟାସନାଲ୍‌ ହକି ଫେଡେରେସନ୍‌ (ଏଫ୍‌ଆଇଏଚ୍‌)ର ଅଲିମ୍ପିକ ଯୋଗ୍ୟତା ହାସଲ ନିମନ୍ତେ ହେଉଥିବା ଫାଇନାଲ ସିରିଜର ଆଜି ଅନ୍ତିମ ଦିବସରେ ନିମ୍ନମତେ ଫଳାଫଳ ଘୋଷିତ ହୋଇଛି । ଅନ୍ତିମ ଦିବସ: ୧୫ ଜୁନ୍‌, ୨୦୧୯ ୧୫ଶ ମ୍ୟାଚ୍‌-ଜାପାନ...
  • ହକି – ମ୍ୟାନ୍‌ ଅଫ୍‌ ଦି ମ୍ୟାଚ୍‌ : ମନ୍‌ପ୍ରୀତ୍‌ ସିଂହ,ଭାରତ

    ଭୁବନେଶ୍ୱର: ସ୍ଥାନୀୟ କଳିଙ୍ଗ ଷ୍ଟାଡିୟମ୍‌ରେ ଇଣ୍ଟରନାସନାଲ୍‌ ହକି ଫେଡେରେସନ୍‌(ଏଫ୍‌ଆଇଏଚ୍‌)ର ଅଲିମ୍ପିକ୍‌ ଯୋଗ୍ୟତା ହାସଲ ନିମନ୍ତେ ହେଉଥିବା ଫାଇନାଲ ସିରିଜର ଆଜି ଦ୍ୱିତୀୟ ଦିନରେ ନିମ୍ନମତେ ଫଳାଫଳ ଘୋଷିତ ହୋଇଛି । ଦ୍ୱିତୀୟ ଦିବସ: ୦୭ ଜୁନ୍‌, ୨୦୧୯ ଚତୁର୍ଥ ମ୍ୟାଚ୍‌:...
WhatsApp chat