ରାକ୍ଷୀ ତିଆରି କର୍ମଶାଳା

କଳାଭୂମିରେ

ଭୁବନେଶ୍ୱର: ସମଗ୍ର ପୂର୍ବ ଭାରତରେ ପ୍ରଥମ କରି ଏକ ଭିନ୍ନ ଢାଞ୍ଚାରେ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଦ୍ୱାରା ଭୁବନେଶ୍ୱରର ଗଣ୍ଡମୁଣ୍ଡାଠାରେ ଓଡ଼ିଶା କ୍ରାଫ୍ଟସ୍ ମ୍ୟୁଜିୟମ, ‘କଳାଭୂମି’ ସ୍ଥାପନ କରାଯାଇଛି । ଏହି ଓଡ଼ିଶା ହସ୍ତଶିଳ୍ପ ସଂଗ୍ରହାଳୟଠାରେ ଅଗାମୀ ରାକ୍ଷୀ ପୂର୍ଣ୍ଣମୀ ଉପଲକ୍ଷେ ରାକ୍ଷୀ ପ୍ରସ୍ତୁତି ଉପରେ ଏକ କର୍ମଶାଳାର ଆୟୋଜନ କରାଯାଇଥିଲା ।

ଏହି କର୍ମଶାଳାରେ ଛୋଟପିଲାଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ଚାନ୍ଦୁଆ, ତାଳପତ୍ର, ପଟ୍ଟଚିତ୍ର, ଟେରାକୋଟାର ରାକ୍ଷୀ ପ୍ରସ୍ତୁତ କରିଥିଲେ ।

ଭଉଣୀମାନେ ସାଧାରଣତଃ ଭାଇମାନଙ୍କୁ ରାକ୍ଷୀ ବାନ୍ଧିଥା’ନ୍ତି । ‘କଳାଭୂମି’ଠାରେ ଆୟୋଜିତ ଏକ ନିଆରା କର୍ମଶାଳାରେ ଭାଇମାନେ ନିଜ ଭାଇ ଓ ଭଉଣୀଙ୍କ ପାଇଁ ରାକ୍ଷୀ ପ୍ରସ୍ତୁତ କରିଥିଲେ ।

ସ୍ୱହସ୍ତରେ ରାକ୍ଷୀ ପ୍ରସ୍ତୁତ କରି ସମସ୍ତ ଅଂଶଗ୍ରହଣକାରୀ ଆନନ୍ଦିତ ହୋଇଥିଲେ ।

ପ୍ରତ୍ୟେକ ଅଂଶଗ୍ରହଣକାରୀ ୪ଟି ଲେଖାଏଁ ଚାରିପ୍ରକାରର ରାକ୍ଷୀ ତିଆରି କରିଥିଲେ । ଶିଳ୍ପୀ ଓ କାରିଗରମାନେ ପର୍ଯ୍ୟଟକମାନଙ୍କୁ ଏହି ରାକ୍ଷୀ ପ୍ରସ୍ତୁତପ୍ରଣାଳୀ ସଂପର୍କରେ ଶିକ୍ଷାଦାନ କରିଥିଲେ ।