ମନ୍ଦାର ଫୁଲ

ର ଉପକାରୀତା

ମନ୍ଦାର ଫୁଲ ସମସ୍ତଙ୍କର ପରିଚିତ ଫୁଲ ଅଟେ । ଏହି ଫୁଲ ବର୍ଷସାରା ମିଳିଥାଏ । ମନ୍ଦାର ଗଛ ୫-୧୫ ଫୁଟ ପର୍ଯ୍ୟନ୍ତ ହୋଇଥାଏ । ଏହି ଫୁଲ ସାଧାରଣତଃ ଶିବ ମନ୍ଦିର, ଦେବୀ ମନ୍ଦିର ଓ ହନୁମାନ ମନ୍ଦିରରେ ପୂଜାରେ ଲାଗିଥାଏ । ମନ୍ଦାର ଫଲ ଅନେକ ପ୍ରକାରର ଦେଖାଯାଇଥାଏ ଯଥା- ଲଙ୍କା ମନ୍ଦାର, ଲାଲା ମନ୍ଦାର, ବହୁପାଖୁଡ଼ା ମନ୍ଦାର, ରଙ୍ଗରେ ମଧ୍ୟ- ଧଳା ମନ୍ଦାର, ଲାଲ୍ ମନ୍ଦାର, ଗୋଲାପି, ହଳଦିଆ ଓ ହନୁମାନଙ୍କ ସିନ୍ଦୁର ରଙ୍ଗର ମନ୍ଦାର ଦେଖିବାକୁ ମିଳେ । ମନ୍ଦାର ଗଛର ଫୁଲ, ପତ୍ର ଓ ଚେରକୁ ଔଷଧ ରୂପେ ବ୍ୟବହାର କରାଯାଇଥାଏ ।

 

ଯୌନ ଶକ୍ତି ଓ ସ୍ମରଣ ଶକ୍ତି ପାଇଁ: ମନ୍ଦାର ଫୁଲ ଓ ପତ୍ର ସମାନ ମାତ୍ରାରେ ନେଇ ଶୁଖାଇ ଚୂର୍ଣ୍ଣ କରି ଏକ ଚାମଚ ମାତ୍ରାରେ ସକାଳେ ଓ ସନ୍ଧ୍ୟାରେ କ୍ଷୀର ସହିତ ଖାଇଲେ ଯୌନ ଶକ୍ତି ଓ ସ୍ମରଣ ଶକ୍ତି ବୃଦ୍ଧି ପାଇଥାଏ ।

ଚନ୍ଦାପଣ: ମନ୍ଦାର ଫୁଲକୁ ବାଟି କଳା ଗାଈ ମୂତ୍ରରେ ମିଶାଇ ମୁଣ୍ଡରେ ଲଗାଇଲେ କିଛିଦିନରେ ଚନ୍ଦାପଣ ଦୂର ହୋଇଥାଏ ।

ମୁଖ ଛାଲି: ମନ୍ଦାର ଗଛର ଚେରକୁ ସଫା କରି ଏକ ଇଞ୍ଚି କରି କାଟି ରଖନ୍ତୁ । ଦିନରେ ୩-୪ ଥର ଖଣ୍ଡିଏ ଲେଖାଏଁ ଚେର ଚୋବାଇ ଛେପ କାଢ଼ିଲେ ୧-୨ ଦିନରେ ମୁଖ ଛାଲି ଠିକ୍ ହୁଏ ।

କାଶ: ମନ୍ଦାର ଚେରକୁ ପାଣିରେ ସିଝାଇ ସେହି କ୍ୱାଥରୁ ଅଳ୍ପ ଅଳ୍ପ ପିଇଲେ କାଶ ଭଲ ହୁଏ ।

ଅର୍ଶ ଓ ରକ୍ତାତିସାର: ମନ୍ଦାର ଫୁଲର କଢ଼କୁ ଘିଅରେ ଭାଜି ସେଥିରେ ମିଶ୍ରୀ ମିଶାଇ କିମ୍ବା ନାଗ କେଶର ମିଶାଇ ସକାଳେ ଓ ସନ୍ଧ୍ୟାରେ ଏକ ଚାମଚ ମାତ୍ରାରେ ଖାଇଲେ ଲାଭ ମିଳିଥାଏ ।

ସନ୍ତାନ ପାଇଁ: ଧଳା ମନ୍ଦାର ଚେରକୁ ଗାଈ କ୍ଷୀରରେ ବାଟି ସେଥିରେ ଲେମ୍ବୁ ମଞ୍ଜି ୧ ଗ୍ରାମ ମାତ୍ରାରେ ମିଶାଇ ମାସିକ ଧର୍ମ ସମୟରେ ଖାଇଲେ ଗର୍ଭଧାରଣ ହୋଇଥାଏ ।

ପ୍ରଦର ରୋଗ: ମନ୍ଦାର କଢ଼ ୫-୭ଟି ଘିଅରେ ଭାଜି ୭ ଦିନ ପର୍ଯ୍ୟନ୍ତ ସକାଳେ ମିଶ୍ରୀ ମିଶାଇ ଖାଇ ଗାଈକ୍ଷୀର ପିଇଲେ ପ୍ରଦର ରୋଗ ଠିକ୍ ହୋଇଥାଏ ।

ରକ୍ତ ଶୂନ୍ୟତା: ମନ୍ଦାର ଫୁଲକୁ ଶୁଖାଇ ଗୁଣ୍ଡକରି ଏକ ଚାମଚ ମାତ୍ରାରେ ସକାଳ ଓ ସନ୍ଧ୍ୟାରେ ଏକ କପ୍ ଗାଈ କ୍ଷୀର ସହିତ ନିୟମିତ ରୂପେ ଖାଇଲେ କିଛି ମାସରେ ରକ୍ତଶୂନ୍ୟତା ଦୂର ହୋଇଥାଏ ।

ପୁରୁଷାର୍ଥ ବଢ଼ାଇବା ପାଇଁ: ମନ୍ଦାର ଫୁଲକୁ ଛାଇରେ ଶୁଖାଇ ଗୁଣ୍ଡ କରି ସମାନ ମାତ୍ରାରେ ମିଶ୍ରୀ ଗୁଣ୍ଡ ମିଶାଇ ୪୦ ଦିନ ପର୍ଯ୍ୟନ୍ତ ଖାଇଲେ ପୁରୁଷାର୍ଥ ବଢ଼ିଥାଏ ।

ଫୁଲା ଓ ଦରଜ: ମନ୍ଦାର ପତ୍ରକୁ ବାଟି ଲେପ ଦେଲେ ଫୁଲା ଓ ଦରଜ ଭଲ ହୋଇଥାଏ ।

ଘା’ରୋଗ: ମନ୍ଦାର ପତ୍ରକୁ ଶୁଖାଇ ଚୂର୍ଣ୍ଣକରି ଘା’ ଉପରେ ଛିଞ୍ଚିିଲେ ଶୀଘ୍ର ଶୁଖିଯାଇଥାଏ ।

କେଶ ଉପୁଡୁଥିଲେ : ମରିଚ ମନ୍ଦାର ଫୁଲ ୮-୧୦ଟି ଓ ପତ୍ର ୮-୧୦ଟିକୁ ଛେଚି ୨୫୦ ଗ୍ରାମ ରାଶିତେଲରେ ପକାଇ ଗରମ କରିବ । ଜଳୀୟ ଅଂଶ ମରିଯାଇ ଖାଲି ତେଲ ରହିଲେ ଥଣ୍ଡା କରି ଛାଣି ନିୟମିତ ରୂପେ କେଶ ମୂଳରେ ମାଲିସ୍ କଲେ କେଶ ଉପୁଡିବା ବନ୍ଦ ହୁଏ ଓ କେଶ ଲମ୍ବା ହୋଇଥାଏ ।

ଜ୍ୱର ରୋଗ: ମନ୍ଦାର ଛେଲି, ଚିରେଇତା, ଧନିଆଁକୁ ସମାନ ମାତ୍ରାରେ ନେଇ ସେଥିରୁ ୧୦-୧୫ ଗ୍ରାମ ମାତ୍ରାରେ ପାଣିରେ ସିଝାଇ କ୍ୱାଥକୁ ୪୦-୫୦ ଗ୍ରାମ ମାତ୍ରାରେ ଦିନକୁ ଥରେ ୩ ଦିନ ପର୍ଯ୍ୟନ୍ତ ପିଇଲେ ଜ୍ୱର ଭଲ ହୋଇଥାଏ ।

ହାନିକାରକ: ମନ୍ଦାରର ଅଧିକ ସେବନ ଆଖି ପାଇଁ ଓ ଶୀତ ପ୍ରକୃତିର ଲୋକଙ୍କ ପାଇଁ ହାନିକାରକ ଅଟେ । ହାନି ନିବାରଣ ନିମନ୍ତେ ଖାଇଲା ବେଳେ ଗୋଲମରିଚ ଓ ମିଶ୍ରୀ ସହିତ ଖାଇବା ଉଚିତ୍ ।

Categories
HEALTH
Newsroll

RELATED BY

  • କ୍ୟାପିଟାଲ୍‌ ହସ୍‌ପିଟାଲ୍‌ରେ ଆରମ୍ଭ ହେବ ହାର୍ଟ ଅପରେସନ୍‌

    ଭୁବନେଶ୍ୱର: ସରକାର ସ୍ୱାସ୍ଥ୍ୟସେବା କ୍ଷେତ୍ରରେ ସୁଧାର ଆଣିବାକୁ ନିରନ୍ତର ପ୍ରୟାସ କରୁଥିବାବେଳେ ‘ମୋ ସରକାର’ ଏବଂ ୫ ‘ଟି’ ଭଳି ଯୋଜନାରେ ଏହି ପ୍ରକ୍ରିୟାକୁ ତ୍ୱରାନ୍ୱିତ କରାଯାଉଛି । ସମାଜର ତଳସ୍ତରରେ ଥିବା ସାଧାରଣ ଲୋକଟିଏ ଯେମିତି ଆବଶ୍ୟକୀୟ ସ୍ୱାସ୍ଥ୍ୟସେବାରୁ...
  • ଶିମୁଳି ଗଛର ଉପକାରୀତା

    ଶିମୁଳି ଗଛ ଏକ ବିରାଟକାୟ ବହୁବର୍ଷୀୟ ବୃକ୍ଷ ଅଟେ । ଏହାର କାଣ୍ଡ କଣ୍ଟାଯୁକ୍ତ ଏହାର ଫୁଲ ଲାଲ ରଙ୍ଗର ଲମ୍ବା ଲମ୍ବା ହୋଇଥାଏ । ଫଳ ମଧ୍ୟ ଲମ୍ବା ହୋଇଥାଏ ଓ ଶୁଖି ଫାଟିଗଲେ ସେଥିରୁ ରେଶମି ତୁଳା...
  • ରାଜ୍ୟରେ ସ୍ତନ କର୍କଟ କାୟା ବିସ୍ତାର କରିଚାଲିଛି,ପ୍ରାଥମିକ ଅବସ୍ଥାରେ ନିଦାନ ଦ୍ୱାରା ଆରୋଗ୍ୟ ସମ୍ଭବ

    ଭୁବନେଶ୍ୱର: ସ୍ତନ କର୍କଟ ଭଳି ଦୁରାରୋଗ୍ୟ ବ୍ୟାଧିଗ୍ରସ୍ତଙ୍କ ସଂଖ୍ୟା ବୃଦ୍ଧି ପାଇବା ସହ ଏହାର ଭୟବହତା ସଂପର୍କରେ ଆମେ ସମସ୍ତେ ଅବଗତ । ତେବେ ଚିକିତ୍ସା ବିଜ୍ଞାନର ଉନ୍ନତି ଓ ଅଗ୍ରଗତି ସହ ଏହାର ନିଦାନ ସମ୍ଭବ ହୋଇପାରିଛି ।...
  • ବେଗୁନିଆ

    ବେଗୁନଆ ଗଛ ସହିତ ସମସ୍ତେ ପରିଚିତ । ଏହା ଏକ ବହୁ ବର୍ଷୀୟ ବୁଦାଜାତୀୟ ଗଛ । ଏହାର ପତ୍ରକୁ ମକଚିଲେ ଏକ ବିଶିଷ୍ଟ ପ୍ରକାରର ଦୁର୍ଗନ୍ଧ ବାହାରେ । ତେଣୁ ଏହି ଗଛକୁ ପଶୁମାନେ ଖାଆନ୍ତି ନାହିଁ ।...