ପ୍ରେମ, ମମତା, ତ୍ୟାଗ ଓ ସେବାର ପ୍ରତୀକ

ମଦର ଟେରେସା

ସଂସାରରେ ଏମିତି ଅନେକ ଲୋକ ଅଛନ୍ତି, ଯେଉଁମାନେ ନିଜର ବାହ୍ୟ ଆବରଣ ରୁ ନୁହଁ ବରଂ ନିଜର ଚରିତ୍ର ଦ୍ୱାରା ପରିଚିତ ହୁଅନ୍ତି । ବିପରୀତ ପରିସ୍ଥିତିରେ ମଧ୍ୟ ଅସାଧାରଣ ବ୍ୟବହାର କିପରି କରାଯାଏ, ସେମାନଙ୍କର ଜୀବନ ତାହା ଦର୍ଶାଇଥାଏ । ଏମିତି କେତେଜଣ ଲୋକଙ୍କ ଭିତରେ “ମଦର ଟେରେସା’ ଅନ୍ୟତମ, ଯାହାଙ୍କଠାରେ ପ୍ରେମ, କରୁଣା, ମମତା, ସେବା ଏବଂ ତ୍ୟାଗର ଅପୂର୍ବ ସଙ୍ଗମ ଦେଖାଯାଏ । ଆଜି ମଦର ଟେରେସାଙ୍କ ଶରୀର ଆମ ଗହଣରେ ନାହିଁ କିନ୍ତୁ ତାଙ୍କ ଚରିତ୍ର ଉପରେ ଲେଖା ହୋଇଥିବା ପୁସ୍ତକମାନ ପଢ଼ିଲେ ତାଙ୍କ ଜୀବନର ନିର୍ମଳ ଗାଥା ଆମ ସାମ୍ନାକୁ ଆସେ । ତାଙ୍କର ବାହ୍ୟ ଆବରଣ ଅତ୍ୟନ୍ତ ସାଧାରଣ ଥିଲା; କିନ୍ତୁ ତାଙ୍କ ଭିତରେ ଅଭୁତ ଆତ୍ମ ବିଶ୍ୱାସ ଭର୍ତ୍ତିହୋଇ ରହିଥିଲା । କୌଣସି ବୃହତ ବୃକ୍ଷର ମୂଳ ସଦୃଶ ତାଙ୍କର ଶକ୍ତି ବହୁତ ସୁଦୃଢ଼ ଥିଲା ଏହି କାରଣରୁ ମଦର ଟେରେସା ବୃଦ୍ଧାବସ୍ଥାରେ ମଧ୍ୟ ସେତିକି କାର୍ଯ୍ୟକ୍ଷମ ଥିଲେ, ଯେମିତି ଯୁବତୀବସ୍ଥାରେ ଥିଲେ । ସେବା ଭାବହିଁ ତା’ର ଶକ୍ତିର ଉତ୍ସ ଥିଲା, ଯାହାଦ୍ୱାରା ସେ ସାରା ଜୀବନ ନିଜର ଲକ୍ଷ୍ୟ ପ୍ରତି ସଜାଗ ରହିଥିଲେ ।

ମଦର ଟେରେସା ଦୀନ ଦୁଃଖୀ, ଅନାଥ, ବିକଳାଙ୍ଗ ମାନଙ୍କୁ ମାଆ ଭଳି ସଚ୍ଚା ପ୍ରେମ କରୁଥିଲେ । କୁଷ୍ଠ ରୋଗୀ, ରୋଗୀ, ବୃଦ୍ଧ ଏବଂ ଗରିବ ପିଲାମାନଙ୍କ ପାଇଁ ମଦର ଟେରେସା ଈଶ୍ୱରଙ୍କର ପ୍ରତିମୂର୍ତ୍ତି ଥିଲେ ।

ଯେଉଁ କୁଷ୍ଠ ରୋଗୀ ମାନଙ୍କର ଘା’ ସର୍ବଦା ପୂଜ ରକ୍ତରେ ଭରି ରହୁଥିଲା, ଘାଆ ଉପରେ ମାଛି ଭଣ ଭଣ ହେଉଥିଲେ, ଯେଉଁମାନେ ସମାଜ ଦ୍ୱାରା ବହିଷ୍କୃତ ହୋଇଥିଲେ, ସେମାନଙ୍କୁ ମଦର ଟେରେସା କୋଳେଇ ନେଇ ଅତ୍ୟନ୍ତ ଭକ୍ତି ମନୋଭାବରେ ସେବା କରୁଥିଲେ । ତାଙ୍କ ହୃଦୟରେ ଏମିତି ଦୟା ଏବଂ ପ୍ରେମର ସାଗର ଉଚ୍ଛୁଳି ପଡୁଥିଲା ଯେ, ରୋଗୀମାନେ ନିଜକୁ ନୀରୋଗ ମଣୁଥିଲେ । କୌଣସି ଅସାଧାରଣ ବ୍ୟକ୍ତିଙ୍କ ପକ୍ଷେ ଏମିତି କାର୍ଯ୍ୟ ହୁଏତ ସମ୍ଭବ ହୋଇ ନପାରେ, କିନ୍ତୁ ମଦର ଟେରେସାଙ୍କ ପ୍ରେମ ଏବଂ କରୁଣା ଆଗରେ ଏହା ସହଜ ହୋଇଥିଲା । ସଂସାରର ପ୍ରତ୍ୟେକ ଦେଶ ମଦର ଟେରେସାଙ୍କ ପାଇଁ କାର୍ଯ୍ୟ କ୍ଷେତ୍ର ଥିଲା । ସେ ଯୁଆଡ଼େ ଯାଇଛନ୍ତି, ସେଠାରେ ସେ ତାଙ୍କର ନିର୍ମଳ ପ୍ରେମ ବାଣ୍ଟିଛନ୍ତି । ତାଙ୍କ ଦୃଷ୍ଟିରେ ସମସ୍ତ ଦୁଃଖୀ ପ୍ରାଣୀ ସମାନ ଥିଲେ । ସମସ୍ତଙ୍କ ଉପରେ ସେ ସ୍ନେହ ଭରା ପ୍ରଲେପ ଲଗାଉଥିଲେ । ଅନାଥ ଶିଶୁ, ବେସାହାରା ବୃଦ୍ଧ ଏବଂ ଦୁଃସାଧ୍ୟ ରୋଗରେ ପୀଡ଼ିତ ରୋଗୀମାନେ ମଦର ଟେରେସାଙ୍କ ସ୍ନେହ ସ୍ପର୍ଶରେ ତାଙ୍କର ଦୁଃଖ କଷ୍ଟ ସବୁ ଭୁଲିଯାଉଥିଲେ । ମଦର ଟେରେସାଙ୍କ ଜୀବନରେ ଏମିତି ଏକ ଘଟଣା ଘଟିଥିଲା, ଯାହାଦ୍ୱାରା ପ୍ରେରିତ ହୋଇ ସେ ଦାରିଦ୍ର୍ୟ ସହିତ ଲଢ଼ିବା ପାଇଁ ଦୃଢ଼ ନିଶ୍ଚୟ କରିଥିଲେ ଓ ସେଇ ଦିନ ସେ “ମିସନ୍‍ ଅଫ୍‍ ଚେରିଟି’ର ବୀଜାରୋପଣ କରିଥିଲେ ।

ଆଜିର ନାରୀ ମଦର ଟେରେସାଙ୍କ ଠାରୁ କିଛି ଶିଖନ୍ତୁ । ବାଳମୁକୁଲା ଏବଂ ଦେହ ନ ଦେଖେଇ ସଠିକ ଚରିତ୍ରରେ ଚାଲନ୍ତୁ ।

Categories
KNOWLEDGE
Newsroll

RELATED BY

  • ଜେ.ଏନ୍.ୟୁ ବିଶ୍ୱବିଦ୍ୟାଳୟରୁ ପି.ଏଚ୍.ଡ଼ି ପାଇଲେ ଓଡ଼ିଆ ଝିଅ

    ନୂଆଦିଲ୍ଲୀ, (ଓ.ଏନ୍‍.ବ୍ୟୁରୋ) : ଓଡ଼ିଆ ଝିଅ ସୌମ୍ୟା ଶର୍ମିଷ୍ଠା ମଲ୍ଲିକ ଇତିମଧ୍ୟରେ ବିଶ୍ୱ ବିଖ୍ୟାତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ, ନୂଆଦିଲ୍ଲୀରୁ ସମାଜ ବିଜ୍ଞାନରେ ଡ଼କ୍ଟର ଅଫ ପିଲୋସଫି ଡ଼ିଗ୍ରୀ ହାସଲ କରିଛନ୍ତି । ପି.ଏଚ୍.ଡ଼ି ରେ ତାଙ୍କର ସନ୍ଦର୍ଭଟି ହେଉଛି...
  • ଟଙ୍କାକୁ ଯେମିତି ସମସ୍ତେ ଭଲ ପାଅ,ସେହିପରି ଗାନ୍ଧୀଙ୍କ ବାଣୀ ଓ ଉପଦେଶକୁ ପାଳନ କର

    ମହାତ୍ମା ଗାନ୍ଧୀ ଆମର ଶକ୍ତି । ଗାନ୍ଧୀ ବିନା ଆମ ଦୈନନ୍ଦିନ ଜୀବନରେ ବଞ୍ଚିବା, ଚଳିବା କଷ୍ଟକର କହିଲେ ଅତ୍ୟୁକ୍ତି ହେବ ନାହିଁ । ଗାନ୍ଧୀ ଏହି ପରି ଜଣେ ମହାପୁରୁଷ ଭାରତ ବର୍ଷର ପ୍ରତ୍ୟେକ ବ୍ୟକ୍ତିଙ୍କ ପାଖରେ ଚିତ୍ର...
  • ଆରକେଏସ ଭଦୌରିଆ ପରବର୍ତୀ ବାୟୁ ସେନା ମୁଖ୍ୟ ହେବେ

    ଭାରତ ସରକାର ପରବର୍ତୀ ବାୟୁ ସେନା ମୁଖ୍ୟ ଭାବେ ବର୍ତମାନର ବାୟୁସେନା ଉପ ମୁଖ୍ୟ ଏୟାର ମାର୍ଶାଲ ଆରକେଏସ ଭଦୌରିଆ, ପିଭିଏସଏମ, ଏଭିଏସଏମ, ଭିଏମ, ଏଡିସିଙ୍କୁ ନିଯୁକ୍ତି ଦେଇଛନ୍ତି । ତାଙ୍କୁ ବର୍ତମାନର ବାୟୁ ସେନା ମୁଖ୍ୟ ଚିଫ ଏୟାର...
  • ବିଶ୍ୱ ନିର୍ବାଚନ ସଂସ୍ଥାନ ସଂଘର ଅଧ୍ୟକ୍ଷ ଦାୟିତ୍ୱ ନେଲେ ସୁନୀଲ ଆରୋରା

    ମୁଖ୍ୟ ନିର୍ବାଚନ ଆୟୁକ୍ତ  ସୁନୀଲ ଆରୋରା ଆଜି ବିଶ୍ୱ ନିର୍ବାଚନ ସଂସ୍ଥାନ ସଂଘ (ଏଡବ୍ଲୁଇବି)ର ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି । ସେ ୨୦୧୯ରୁ ୨୦୨୧ ପର୍ଯ୍ୟନ୍ତ ଏହି ଦାୟିତ୍ୱରେ ରହିବେ । ଏଥି ସହିତ ରୋମାନିଆ ନିକଟରୁ...