୨୪ ଲକ୍ଷ ଚାଷୀଙ୍କୁ କେବେ ସରକାର କାଳିଆ ଯୋଜାନରେ ସାମିଲ କରିବେ ସ୍ପଷ୍ଟ କରନ୍ତୁ

ମୁଖ୍ୟମନ୍ତ୍ରୀ ତାଙ୍କ କଥା ରଖନ୍ତୁ

ଭୁବନେଶ୍ୱର : ଏବେ ରାଜ୍ୟ ସରକାର କାଳିଆ ଯୋଜନାରେ ୨ୟ କିସ୍ତି ଦେବାକୁ ଯାଉଥିବାବେଳେ ବିଜେପି ରାଜ୍ୟ ସରକାରକୁ ପଚାରିଛି ୩ଟି ପ୍ରଶ୍ନ ଓ ସରକାରଙ୍କ ପାଖରେ ରଖିଛି ଗୋଟିଏ ଦାବି ।

ରାଜ୍ୟ ଉପ ସଭାପତି ସମୀର ମହାନ୍ତି କହିଛନ୍ତି ଯେ ରାଜ୍ୟରେ ସମସ୍ତ କ୍ଷୁଦ୍ର ଚାଷି, ନାମମାତ୍ର ଓ ଭାଗ ଚାଷି, କୃଷି ଶ୍ରମିକକୁ ମିଶାଇ ମୋଟ ୭୫ ଲକ୍ଷ ଚାଷିଙ୍କୁ କାଳିଆ ଯୋଜନାରେ ସାମିଲ କରାଯିବ ବୋଲି ମୁଖ୍ୟମନ୍ତ୍ରୀ ମେ ୨୯, ୨୦୧୯ରେ ୫ମ ପାଳିର ପ୍ରଥମ କ୍ୟାବିନେଟ ବୈଠକରେ ଘୋଷଣା କରିଥିଲେ ।

କୁଆଡେ ଗଲା ସେ ପ୍ରତିଶୃତି ।

ଏବେ ସୁଦ୍ଧା ମାତ୍ର ୫୧ ଲକ୍ଷ ଚାଷିଙ୍କୁ କାଳିଆ ଯୋଜନାରେ ଅର୍ଥ ଦିଆଯାଇଛି ବୋଲି ସରକାର କହୁଛନ୍ତି ।

ବାକି ୨୪ ଲକ୍ଷ ଚାଷୀଙ୍କୁ କେବେ ସରକାର କାଳିଆ ଯୋଜାନରେ ସାମିଲ କରିବେ ସ୍ପଷ୍ଟ କରନ୍ତୁ ।

ମୁଖ୍ୟମନ୍ତ୍ରୀ ତାଙ୍କ କଥା ରଖନ୍ତୁ ।

ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ କହିଥିଲେ ମୁଁ ବଞ୍ଚିଥିବା ପର୍ଯ୍ୟନ୍ତ କାଳିଆ ଯୋଜନାକୁ କେହି ବନ୍ଦ କରିପାରିବେନି ।

ଏବେ ମୁଖ୍ୟମନ୍ତ୍ରୀ କୁହନ୍ତୁ କାଳିଆ ଯୋଜନାରୁ ବଞ୍ଚିତ ସେହି ୨୪ ଲକ୍ଷ ଚାଷୀ କେବେ କାଳିଆ ଯୋଜନାରେ ସାମିଲ ହେବେ ବୋଲି ଶ୍ରୀ ମହାନ୍ତି କହିଛନ୍ତି ।

ଶ୍ରୀ ମହାନ୍ତି କହିଛନ୍ତି ଯେ କେନ୍ଦ୍ର ସରକାର ପ୍ରଧାନମନ୍ତ୍ରୀ କିଷାନ ଯୋଜନାରେ ବାରମ୍ବାର ଚାଷିଙ୍କ ତାଲିକା ମାଗୁଥିବା ବେଳେ ରାଜ୍ୟ ସରକାର କାହିଁକି ତାଲିକା ନଦେଇ ଓଡିଶାର ଚାଷୀମାନଙ୍କୁ ସେମାନଙ୍କର ଅଧିକାରରୁ କାହିଁକି ବଞ୍ଚିତ କରୁଛନ୍ତି ?

କେନ୍ଦ୍ର ସରକାର ଓଡିଶାର ୪୫ ଲକ୍ଷ ଚାଷୀଙ୍କୁ କିଷାନ ଯୋଜନାରେ ଅର୍ଥ ଦେବା ପାଇଁ ଚାହୁଁଥିବାବେଳେ ରାଜ୍ୟ ସରକାର ମାତ୍ର ୨୨ ଲକ୍ଷ ଚାଷୀଙ୍କ ତାଲିକା ଦେଇଛନ୍ତି ।

ଏବେ କେନ୍ଦ୍ର ସରକାର ସମସ୍ତ ଚାଷୀଙ୍କୁ କିଷାନରେ ଯାଜନାରେ ସାମିଲ କରିବା ପାଇଁ ସମସ୍ତ ରାଜ୍ୟ ସରକାରଙ୍କୁ କହିଛନ୍ତି ।

ରାଜ୍ୟ ସରକାର ତୁରନ୍ତ ରାଜ୍ୟର ଚାଷୀଙ୍କ ତାଲିକା କେନ୍ଦ୍ରକୁ ଦିଅନ୍ତୁ ଯାହା ଫଳରେ କେନ୍ଦ୍ରୀୟ ଯୋଜନାର ଓଡିଆ ଚାଷୀ ପାଇପାରିବେ ।

କାଳିଆ ଯୋଜନାରେ ଅନେକ ବାସ୍ତବ ଚାଷୀଙ୍କୁ ପଇସା ମିଳିନି ।

ମୋବାଇଲକୁ ମେସେଜ ଆସୁଛି ହେଲେ ବ୍ୟାଙ୍କକୁ ପଇସା ଆସୁନି ଏପ୍ରକାର ଅଭିଯୋଗ ଅଛି ।

ବାସ୍ତବରେ କେତେ ଚାଷୀଙ୍କୁ କାଳିଆ ଯୋଜନାରେ ପଇସା ମିଳିସାରିଛି ଆଉ କେତେ ଚାଷିଙ୍କୁ ପଇସା ମିଳିବ ତାହା ଆଜି ଯାଏଁ ବି ସରକାର ଠିକ ଭାବେ କହିପାରୁନାହାନ୍ତି ବୋଲି ଶ୍ରୀ ମହାନ୍ତି କହିଛନ୍ତି ।

ଶ୍ରୀ ମହାନ୍ତି ଦାବି କରିଛନ୍ତି ଯେ ରାଜ୍ୟ ସରକାର କାଳିଆ ଯୋଜନାରେ ଏକ ଶ୍ୱେତପତ୍ର ପ୍ରକାଶ କରନ୍ତୁ ଯେ କାଳିଆ ଯୋଜନାରେ ସମୁଦାୟ କେତେ ଚାଷି ଆବେଦନ କରିଥିଲେ, ସରକାର କେତେ ଚାଷୀଙ୍କୁ କାଳିଆ ଯୋଜନାରେ ଅର୍ଥ ଦେଲେ ଆଉ କେତେ ଚାଷିଙ୍କୁ ଆଗାମି ଦିନରେ ଦେବେ ?

ବାସ୍ତବରେ କେତେ ଚାଷୀଙ୍କ ବ୍ୟାଙ୍କ ଆକାଉଂଟକୁ ଅର୍ଥ ଯାଇଛି ?

ଏହାର ଏକ ଲେଖା ଯୋଖା ହିସାବ ରାଜ୍ୟ ସରକାର ଏକ ଶ୍ୱେତପତ୍ରରେ ପ୍ରକାଶ କରନ୍ତୁ ।

ଏହି ସାମ୍ବାଦିକ ସମ୍ମିଳନୀରେ କୃଷକ ମୋର୍ଚ୍ଚା ସାଧାରଣ ସଂପାଦକ ସୁରଥ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ । 

Categories
POLITICS

RELATED BY

  • ବାଚସ୍ପତି ଚାହୁଁନାହାନ୍ତି ସ୍ମୀତାରାଣିଙ୍କର ହତ୍ୟା ବିଷୟ ଗୃହରେ ରେକର୍ଡ ହେଉ

    ଭୁବନେଶ୍ୱର : ସ୍ମୀତାରାଣି ହତ୍ୟା ଓ ଦୁଷ୍କର୍ମକୁ ଏକ ଆତ୍ମହତ୍ୟାର ରୂପ ଦେବା ପାଇଁ ଚାଲିଥିବା ସରକାରୀ ଷଡଯନ୍ତ୍ର ବିରୋଧରେ ବିଜେପି ବିଧାୟକ ମାନେ ବିଧାନସଭାରେ ଆଲୋଚନା କରିବା ପାଇଁ ଚାହୁଁଥିଲେ । ଯେଉଁ ଷଡଯନ୍ତ୍ରକୁ ରୁପେଶ ଭଦ୍ର ଓ...
  • ୧୦ଟି ଜିଲ୍ଲାରେ ପ୍ରାୟ ୮୬ କୋଟି ଟଙ୍କାର ଘୋଟାଲା

    ଭୁବନେଶ୍ୱର : କୃଷକ କଲ୍ୟାଣ ନାଁରେ ନିର୍ବାଚନ ପୂର୍ବରୁ ନବୀନ ସରକାର ଲକ୍ଷାଧିକ ଅଯୋଗ୍ୟ ବ୍ୟକ୍ତିଙ୍କୁ କାଳିଆ ଯୋଜନା ଆଳରେ କୋଟି କୋଟି ଟଙ୍କା ବାଣ୍ଟିଛନ୍ତି । ଏ ଅଭିଯୋଗକୁ ସରକାର ମୂଳରୁ ଫାଙ୍କି ଆସୁଥିଲେ ମଧ୍ୟ ଶେଷରେ ଧରା...
  • ମାହାଙ୍ଗା ବ୍ଲକର ବିଡିଓଙ୍କୁ ପଞ୍ଚାୟତରାଜ ମନ୍ତ୍ରୀ ନିଜର ସ୍ୱତନ୍ତ୍ର ସଚିବ ଭାବେ ନିଯୁକ୍ତି ଦେଇଛନ୍ତି

    ଭୁବନେଶ୍ୱର : ମାହାଙ୍ଗା ବ୍ଲକରେ ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଦୁର୍ନିତି ହୋଇଥିବା କଥା ନିଜେ ସରକାର ମାନିଥିଲେ । ନିଜେ ପଞ୍ଚାୟତରାଜ ମନ୍ତ୍ରୀଙ୍କ ନିର୍ଦ୍ଦେଶରେ ରାଜ୍ୟ ସରକାର ଏହାର ତଦନ୍ତ କରାଇ ସାନି ହିତାଧିକାରି ତାଲିକା ପ୍ରସ୍ତୁତ କରିବା...
  • ବିଧାନସଭାରେ କଂଗ୍ରେସ-ବିଜେଡି ହାତ ମିଳାଇଲେ : ପ୍ରଦୀପ୍ତ ନାଏକ

    ଭୁବନେଶ୍ୱର : ସ୍ମୀତାରାଣି ହତ୍ୟା ଓ ଦୁଷ୍କର୍ମକୁ ଏକ ଆତ୍ମହତ୍ୟାର ରୂପ ଦେବା ପାଇଁ ଚାଲିଥିବା ଷଡଯନ୍ତ୍ରକୁ ଗତ କାଲି ବିଧାନସଭାରେ ଗୃହ ରାଷ୍ଟ୍ରମନ୍ତ୍ରୀ ମୋହର ମାରିଲେ । ଯେଉଁ ଷଡଯନ୍ତ୍ରକୁ ରୁପେଶ ଭଦ୍ର ଓ ବିଜେଡିର କିଛି ନେତା...
Call Now ButtonCALL TO MR. SAMIR