ମନ୍ତ୍ରୀ ଦିବ୍ୟଶଙ୍କରଙ୍କୁ ବଞ୍ଚାଇବା ପାଇଁ ଭୁବନେଶ୍ୱରରୁ କାହାଣୀ ପ୍ରସ୍ତୁତ ହେଉଛି : ବସନ୍ତ ପଣ୍ଡା

ଭବାନୀପାଟଣା : ଶିକ୍ଷୟିତ୍ରୀ ମମିତା ମେହେରଙ୍କୁ ହତ୍ୟା ଘଟଣାରେ ମନ୍ତ୍ରୀ ଦିବ୍ୟଶଙ୍କରଙ୍କୁ ବଞ୍ଚାଇବା ପାଇଁ ଭୁବନେଶ୍ୱରରୁ କାହାଣୀ ତିଆରି ହେଉଛି ବୋଲି ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି କଳାହାଣ୍ଡି ସାଂସଦ ବସନ୍ତ ପଣ୍ଡା । ମମିତା ମେହେରଙ୍କ ଲାପଟପ, ମୋବାଇଲ ଓ ପେନ ଡ୍ରାଇଭରେ ଅନେକ ତଥ୍ୟ ରହିଛି । ଏ ସବୁ କୁଆଡେ ଗଲା ବୋଲି ଶ୍ରୀ ପଣ୍ଡା ପ୍ରଶ୍ନ କରିଛନ୍ତି । ପୋଲିସ ଯଦି ସ୍ୱଚ୍ଛ ତଦନ୍ତ ହେବା କଥା କହୁଛି ତେବେ ମମିତା ନିଖୋଜ ପରଠାରୁ କେତେଥର ଗୋବିନ୍ଦ ସାହୁଙ୍କ ସହ କଥା ହୋଇଛି କଲ ରେକର୍ଡ ସମ୍ନାକୁ ଆସୁ । ପୀଡ଼ିତା ମମିତା ମେହେର, ହତ୍ୟାକାରୀ ଗୋବିନ୍ଦ ସାହୁ ଏବଂ ମନ୍ତ୍ରୀ ଦିବ୍ୟଶଙ୍କରଙ୍କ ୧ ମାସର କଲ୍ ରେକର୍ଡକୁ ପୋଲିସ ସାର୍ବଜନୀନ କରିବାକୁ ସେ ଦାବୀ କରିଛନ୍ତି । ଶ୍ର ପଣ୍ଡା କହିଛନ୍ତି ଯେ ପୋଲିସ ଜାଣିଶୁଣି ତଦନ୍ତକୁ ବାଟବଣା କରିବାକୁ ଉଦ୍ୟମ କରୁଥିବା ବାରି ହୋଇପଡ଼ୁଛି । ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ସୁରକ୍ଷା ଦେବା ପାଇଁ ପୋଲିସ ଶାସକ ଦଳର ଇଙ୍ଗିତରେ କାମ କରୁନି ତ ? ଭିଡ଼ିଓରୁ ଲାଗୁଛି ପୋଲିସର ଆଦେଶରେ ନୁହେଁ ବରଂ ମନ୍ତ୍ରୀ ଦିବ୍ୟଶଙ୍କରଙ୍କ ନିର୍ଦ୍ଦେଶ ବଳରେ ପୋଲିସ ଅପରାଧୀକୁ ନେଉଅଛି । ଦିବ୍ୟଶଙ୍କରଙ୍କୁ ବଞ୍ଚାଇବା ପାଇଁ ଭୁବନେଶ୍ୱରରୁ ପ୍ରସ୍ତୁତ ହେଉଥିବା କାହାଣୀ ଆଧାରରେ ପୋଲିସ ନିଜର କାମ କରିବା ଭଳି ପାରିପାର୍ଶ୍ୱିକ ଘଟଣାରୁ ମନେହେଉଛି । ମମିତା ମେହେରଙ୍କୁ ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଶୁକ୍ରବାର ଦିନ ସକାଳେ ମହାଲିଙ୍ଗ ଷ୍ଟାଡିୟମ୍‌ରେ ପୋଲିସକୁ ସବିଶେଷ ଘଟଣାର ଡ଼େମୋ ଦେଖାଇଥିବା ଭିଡ଼ିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ଏଭଳି ନିର୍ମମ ହତ୍ୟାକାଣ୍ଡ ଘଟଣାରେ ହତ୍ୟାକାରୀର କ୍ରାଇମସିନ ରିକ୍ରିଏସନର ଭିଡିଓଗ୍ରାଫି କରି ନିଜେ ପୋଲିସ ଭାଇରାଲ କରିବା ଭଳି ନଜିର କମ୍ ରହିଛି । ତେବେ ଏହି ଭିଡ଼ିଓରୁ ଅନେକ ପ୍ରଶ୍ନ ସୃଷ୍ଟି ହେଉଛି । ପୋଲିସ ରାତିଅଧରେ ଯଦି ଡ଼େମୋର ଭିଡ଼ିଓ କଲା ତେବେ ଗଣମାଧ୍ୟମକୁ ଡ଼ାକିଲା ନାହିଁ କାହିଁକି ? ପୋଲିସର ଏହି କାର୍ଯ୍ୟକଳାପକୁ ନେଇ ଅନେକ ପ୍ରଶ୍ନ ତିଆରି ହୋଇଛି । ପୋଲିସ ଏହି ସମ୍ବେଦନଶୀଳ ଘଟଣାରେ ତଦନ୍ତ ମୂଳ ଦିଗ ଓ ଘଟଣାରେ ସମ୍ପୃକ୍ତ ରାଜନେତାଙ୍କ ପାଖରେ ନ ପହଁଚି ଘଟଣାକୁ ଜନସାଧାରଣଙ୍କ ଦୃଷ୍ଟି ହଟାଇବା ପାଇଁ ତଥା ଶାସକ ଦଳକୁ ବଞ୍ଚାଇବା ପାଇଁ ରାତିଅଧରେ ଭିଡ଼ିଓର ଡ଼େମୋ କରୁଛି । କଲେଜରେ ଥିବା ସନ୍ଦେହ କଠୋରୀକୁ ପୋଲିସ ଯାଉନାହିଁ କାହିଁକି ବୋଲି ଶ୍ରୀ ପଣ୍ଡା ପ୍ରଶ୍ନ କରିଛନ୍ତି ।

Admin

Leave a Reply

Your email address will not be published. Required fields are marked *

Next Post

ମୁଖ୍ୟମନ୍ତ୍ରୀ ଭୁବନେଶ୍ୱରରେ ବସି ଅହିଂସାର ନାଟକ କରୁଛନ୍ତି, ମାତ୍ର ରାଜ୍ୟ ସାରା ବୁଲି ବୁଲି ଶାସକ ବିଜେଡି ହିଂସାର ତାଣ୍ଡବ କରୁଛି

Fri Oct 22 , 2021
ଭୁବନେଶ୍ୱର : ରାଜ୍ୟରେ ସ୍ୱାସ୍ଥ୍ୟସେବାର ଅବସ୍ଥା ଅତ୍ୟନ୍ତ ଚିନ୍ତାଜନକ । ନିର୍ବାଚନ ପରିପ୍ରେକ୍ଷୀରେ ପ୍ରଣୟନ କରାଯାଇଥିବା ରାଜ୍ୟ ସରକାରଙ୍କ ବିଜୁ ସ୍ୱାସ୍ଥ୍ୟ କାର୍ଡ ‘ପୁସିଙ୍ଗ କାର୍ଡ’ ସଦୃଶ । ଏହି ମୁଲ୍ୟହୀନ ‘ପୁସିଙ୍ଗ କାର୍ଡ’ର ବଣ୍ଟନ ପାଇଁ ମୁଖ୍ୟମନ୍ତ୍ରୀ ଶୁକ୍ରବାର ଦିନ ମୟୁରଭଞ୍ଜ ଗସ୍ତ କରିଛନ୍ତି । ଅନ୍ୟ ପଟେ ସ୍ଥାନୀୟ ନିର୍ବାଚିତ ଜନପ୍ରତିନିଧିମାନଙ୍କୁ ଅପମାନିତ କରିବାକୁ ଯାଇ ଶାସକ ବିଜେଡି ସମସ୍ତ ପ୍ରକାରର ଅଗଣତାନ୍ତ୍ରୀକ ପନ୍ଥାକୁ ଆପଣାଇବା ଅତ୍ୟନ୍ତ […]