ସମ୍ବଲପୁର : (ଅନୀଲ ଶ୍ରୀରାମକାଙ୍କ ଠାରୁ) ଦିର୍ଘ ୨୪ ବର୍ଷ ର ଶାସନ ପରେ ମଧ୍ୟ ରାଜ୍ୟବାସୀ ଙ୍କୁ ସର୍ବନିମ୍ନ ମୌଳିକ ସୁବିଧା ଯୋଗାଇବାରେ ରାଜ୍ୟ ସରକାର ବିଫଳ । ଶିକ୍ଷା ସ୍ବାସ୍ଥ୍ୟ ଗମନାଗମନ ଭଳି ସର୍ବନିମ୍ନ ଜରୁରୀ ସେବା କ୍ଷେତ୍ର ରେ ମଧ୍ୟ ରାଜ୍ୟ ସରକାର ବିଫଳ । ଦୀର୍ଘ ୨୪ ବର୍ଷ ର ଶାସନ ର ଶେଷ ପର୍ଯ୍ୟାୟ ରେ ରାଜ୍ୟ ସରକାର ଙ୍କୁ ରୂପାନ୍ତିକରଣ ଭୂତ୍ ଲାଗିଛି । କେବଳ କୋଠା ତିଆରି କରି ସବୁଜ ରଙ୍ଗ ଲଗେଇ ରଙ୍ଗ ବେରଙ୍ଗି ଚିତ୍ର ଆଙ୍କି ସେବା ଶୂନ୍ୟ ବ୍ୟବସ୍ଥା କୁ ଆଧାର କରି ସରକାର ରୁପନ୍ତିକରଣ ର ନୂତନ ପରିଭାଷା ଲେଖିଛନ୍ତି । ଆଜି ଏଭଳି ଅଭିଯୋଗ ଆଣିଛି ସମ୍ବଲପୁର ବିଜେପି । ସ୍ୱାଧୀନତା ର ୭୫ ବର୍ଷ ପରେ ଓ ରାଜ୍ୟ ରେ ୨୪ ବର୍ଷ ଶାସନ କଲା ପରେ ମଧ୍ଯ ସମସ୍ୟା ଘେରରେ ଛନ୍ଦି ହୋଇଛି ସମ୍ବଲପୁର ମୁଖ୍ୟ ଚିକିତ୍ସାଳୟ । ୫୦% ରୁ ଅଧିକ ଡାକ୍ତର ପଦବୀ ଖାଲି ପଡ଼ିଥିବା ଜିଲ୍ଲା ମୂଖ୍ୟ ଚିକିତ୍ସାଳୟ ରେ ଯୁଆଡେ ଦେଖିଲେ ବିକାଶ ର ମିଛ ବିଜ୍ଞାପନ । ଦୀର୍ଘ ତିନି ମାସ ରୁ ଉର୍ଦ୍ଧ ସମୟ ହେଲାଣି ଜିଲ୍ଲା ମୁଖ୍ୟ ଚିକିତ୍ସାଳୟ ରେ ରହିଥିବା ଡାଏଲିସିସ କେନ୍ଦ୍ର ରେ ଚାଲୁ ନାହିଁ ବାତାନୁକୁଲ ମେସିନ । ଡ଼ାଏଲିଶିସ କେନ୍ଦ୍ର ଭଳି ଏକ ସେମି ଆଇ.ସି.ୟୁ ସେବା ବ୍ୟବସ୍ଥା ରେ ନା ଚାଲୁଛି ଏ.ସି ନା ଅଛି ପଙ୍ଖା ନା ଅଛି କୁଲର୍ । ନିୟମିତ ଭାବେ ଡ଼ାଏଲିସିସ ପାଇଁ ଆସୁଥିବା ରୋଗୀ ଗରମ ରେ ହେଉଛନ୍ତି ହନ୍ତସନ୍ତ । ବହିର୍ବିଭାଗ ରେ ରୋଗୀ ମାନେ ଲାଇନ୍ ରେ ରହିଥିଲେ ବି ଆଉଟ୍ ରେ ରହୁଥିବା ଚିକିତ୍ସକ ଆଉଟ୍ ଡୋର୍ ସମୟ ସରୁ ନସରୁନୁ ବାହାରି ଯାଉଛନ୍ତି ପ୍ରାଇଭେଟ୍ ପ୍ରକ୍ତିସ ପାଇଁ । ଜିଲ୍ଲା ମୁଖ୍ୟ ଚିକିତ୍ସାଳୟ ର ଯୁଆଡେ ଦେଖିଲେ କୁଢ଼ କୁଢ଼ ଅଳିଆ ଆବର୍ଜ୍ଜନା ଭରି ପଡ଼ିଛି । ମୂଖ୍ୟ ଚିକିତ୍ସାଧିକାରୀ ଙ୍କ କାର୍ଯ୍ୟଳୟ ରେ ସାଧାରଣ ଲୋକଙ୍କ ସେବା ରେ ନିୟୋଜିତ କର୍ମଚାରୀ ଙ୍କ ଅନୁପସ୍ଥିତି ଯୋଗୁଁ ଲୋକଙ୍କୁ ମିଳିପାରୁ ନହିଁ ଆନୁସଙ୍ଗିକ ସେବା ସୁବିଧା । ଏଭଳି ଅନେକ ଜଟିଳ, ଜରୁରୀ ଓ ଗୁରୁତ୍ୱପୂର୍ଣ୍ଣ ପ୍ରସଙ୍ଗ କୁ ନେଇ ଆଜି ସମ୍ବଲପୁର ବିଜେପି ର ଏକ ପ୍ରତିନିଧି ଦଳ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଙ୍କୁ ସାକ୍ଷାତ କରି ସମସ୍ତ ବିଷୟ ଆଲୋଚନ କରିଛନ୍ତି । ସମ୍ବଲପୁର ବିଜେପି ର ଜିଲ୍ଲା ସାଧାରଣ ସମ୍ପାଦକ ଶ୍ରୀଯୁକ୍ତ ଅନିଲ କୁମାର ବେହେରା ଓ ବରିଷ୍ଠ ନେତା ଡ.ପ୍ରମୋଦ କୁମାର ରଥ ଙ୍କ ମିଳିତ ନେତୃତ୍ବ ରେ ଯାଇଥିବା ପ୍ରତିନିଧି ଦଳ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼ା.ସୁଜାତା ରାଣୀ ମିଶ୍ର ଙ୍କ ସହିତ ସମସ୍ତ ବିଷୟ ରେ ଅଭିଯୋଗ କରିଥିଲେ ଓ ଅନେକ ସକାରାତ୍ମକ ପରାମର୍ଶ ମଧ୍ଯ ଦେଇଥିଲେ । ସମସ୍ତ ବିଷୟ ରେ ଅବଗତ ହେଲା ପରେ ଡ଼ା.ମିଶ୍ର କହିଥିଲେ ଯେ… ମୁଁ ଦାୟିତ୍ବ ନେବାର ସପ୍ତାହେ ବି ହୋଇନି । ଆପଣମାନଙ୍କ ସମସ୍ତ ଅଭିଯୋଗ ଓ ପରାମର୍ଶ କୁ ମୁଁ ଗୁରୁତ୍ବ ସହକାରେ ଗ୍ରହଣ କରୁଛି । ଆଗମୀ ଦିନରେ ମୁଁ ବ୍ୟକ୍ତିଗତ ଭାବେ ସମସ୍ତ ବିଭାଗ କୁ ପରିଦର୍ଶନ କରି ସମସ୍ତ ଅସୁବିଧା ଓ ସମସ୍ୟା କୁ ନିରୀକ୍ଷଣ କଲା ପରେ ସେଗୁଡିକର ଶୀଘ୍ର ଓ ସ୍ଥାୟୀ ସମାଧାନ ପାଇଁ ପଦକ୍ଷେପ ଗ୍ରହଣ କରିବି ।
ଆଜିର ପ୍ରତିନିଧି ଦଳ ରେ ବରିଷ୍ଠ ବିଜେପି ନେତା ପ୍ରମୋଦ ରଥ, ଦାମୋଦର କର, ରାଜ୍ୟ ପେନାଲିଷ୍ଟ ମାନସ ରଞ୍ଜନ ବକ୍ସି, ଜିଲ୍ଲା କୃଷକ ମୋର୍ଚ୍ଚା ସଭାପତି ସମିର ରଞ୍ଜନ ବାବୁ, ମୁକେଶ ଜରିୱାଲ, ଅରୁଣ କୁମାର ଦାସ ପ୍ରମୁଖ ସାମିଲ ଥିଲେ । ଆଲୋଚନା ସମୟରେ ଅତିରିକ୍ତ ଜିଲ୍ଲା ଚିକିତ୍ସାଧିକାରୀ ଡ଼ା. ଅଶୋକ କୁମାର ଦାଶ ଉପସ୍ଥିତ ଥିଲେ ।