ସେପ୍ଟେମ୍ବର ୭ ତାରିଖ ରାତି ୧ଟା ୫୫ ମିନିଟରେ ଚନ୍ଦ୍ରଯାନ-୨ ଚନ୍ଦ୍ରପୃଷ୍ଠରେ ଅବତରଣ କରିବ

ଚନ୍ଦ୍ରଯାନ-୨ ଚନ୍ଦ୍ରର ନିର୍ଦ୍ଧାରିତ କକ୍ଷରେ ପ୍ରବେଶ କରିଛି

ଭାରତର ଦ୍ୱିତୀୟ ଚନ୍ଦ୍ର ଅଭିଯାନ, ଚନ୍ଦ୍ରଯାନ-୨ ଚନ୍ଦ୍ରମାର ନିର୍ଦ୍ଧାରିତ କକ୍ଷରେ ସ୍ଥାପିତ ହୋଇଛି ।

ଆଜି ପୂର୍ବାହ୍ଣ ୯ଟା.୨ମିନିଟ ସମୟରେ ଏହା ଚନ୍ଦ୍ର କକ୍ଷରେ ପ୍ରବେଶ କରିଥିଲା ।

ଏ ସମ୍ପର୍କରେ ବେଙ୍ଗାଲୁରୁରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଡ. କେ ଶିବନ ଏହି ସୂଚନା ଦେଇଛନ୍ତି ।

ଚନ୍ଦ୍ରଯାନ-୨ ଚନ୍ଦ୍ରର କକ୍ଷରେ ପହଁଚିବା ପରେ ସେ ଏହି ସୂଚନା ଦେଇଥିଲେ ।

ସେ କହିଥିଲେ ଯେ ଚନ୍ଦ୍ରଯାନ-୨ ଚନ୍ଦ୍ର କକ୍ଷରେ ପ୍ରବେଶ କରିବା ଦ୍ୱାରା ଗୁରୁତ୍ୱପୂର୍ଣ୍ଣ ଉପଲବ୍ଧି ହାସଲ କରିଛି ।

ଡ. ଶିବନ କହିଥିଲେ ଯେ ଇସ୍ରୋର ପରବର୍ତୀ ଲକ୍ଷ୍ୟ ହେଉଛି ଚନ୍ଦ୍ରଯାନ-୨କୁ ସେପ୍ଟେମ୍ବର ୭ ତାରିଖ ରାତି ୧ଟା ୫୫ ମିନିଟରେ ଚନ୍ଦ୍ରପୃଷ୍ଠରେ ଅବତରଣ କରାଇବା ।

ଚନ୍ଦ୍ରପୃଷ୍ଠର ଦକ୍ଷିଣ ଗୋଲାର୍ଦ୍ଧରେ ଚନ୍ଦ୍ରଯାନ-୨ର ସହଜ ଅବତରଣ ହେବ ।

ଡ. ଶିବନ ଆହୁରି କହିଥିଲେ ଯେ ଚନ୍ଦ୍ରଯାନ-୨ର ପରବର୍ତୀ ପ୍ରମୁଖ ଗତିବିଧି ସେପ୍ଟେମ୍ବର ୨ ତାରିଖରେ ସମ୍ପନ୍ନ ହେବ ।

ଏହି ସମୟରେ ଚନ୍ଦ୍ରର କକ୍ଷରେ ପରିକ୍ରମା କରୁଥିବା ଅର୍ବିଟର ଠାରୁ ଚନ୍ଦ୍ରପୃଷ୍ଠରେ ଅବତରଣ କରିବାକୁ ଥିବା ଲ୍ୟାଣ୍ଡର ପୃଥକ ହେବ ।

ଇସ୍ରୋ ଅଧ୍ୟକ୍ଷ କହିଥିଲେ ଯେ ଇସ୍ରୋ ଏହି ଅବତରଣ ଅଭିଯାନକୁ ନେଇ ସମ୍ପୂର୍ଣ୍ଣ ଭାବେ ଆଶ୍ୱସ୍ତ ରହିଛି ।

ଇସ୍ରୋ ପକ୍ଷରୁ ସହଜ ଲ୍ୟାଣ୍ଡିଂ ପାଇଁ ଯଥେଷ୍ଟ ଅଭ୍ୟାସ କରାଯାଇଛି ।

ଚନ୍ଦ୍ରଯାନ-୨ ୪ଟି ଅନ୍ୟ ସ୍ଥିତି ପରିବର୍ତନ କରିବ ।

ପ୍ରଥମ ସ୍ଥିତି ପରିବର୍ତନ ଆସନ୍ତାକାଲି ହେବ ।

ଏହାପରେ ଅନ୍ୟ ସ୍ଥିତି ପରିବର୍ତନ ୨୮ ଅଗଷ୍ଟ, ୩୦ ଅଗଷ୍ଟ ଏବଂ ସେପ୍ଟେମ୍ବର ୧ ତାରିଖରେ ହେବ ।

ଉଲ୍ଲେଖଯୋଗ୍ୟ ଯେ ୨୦୦୮ରେ ଚନ୍ଦ୍ରଯାନ-୧ ପରେ ଇସ୍ରୋର ଏହା ହେଉଛି ଦ୍ୱିତୀୟ ଚନ୍ଦ୍ର ଅଭିଯାନ ।

ଚନ୍ଦ୍ରଯାନ-୨କୁ ଗତ ଜୁଲାଇ ୨୨ ତାରିଖରେ ଶ୍ରୀହରିକୋଟା ଠାରୁ ଉତକ୍ଷେପଣ କରାଯାଇଥିଲା ।

ଏହି ଯାନ ସହିତ ଗୋଟିଏ ଅର୍ବିଟର (ପରିକ୍ରମା ଯାନ) ‘ବିକ୍ରମ’ ଲ୍ୟାଣ୍ଡର (ଅବତରଣ ଯାନ) ଏବଂ ‘ପ୍ରଜ୍ଞାନ’ ରୋଭର (ମାନବବିହୀନ ମହାକାଶଯାନ) ଚନ୍ଦ୍ର ଅଭିମୁଖେ ଯାଇଥିଲା ।

Categories
KNOWLEDGE
Newsroll

RELATED BY

  • ବିଶ୍ୱ ନିର୍ବାଚନ ସଂସ୍ଥାନ ସଂଘର ଅଧ୍ୟକ୍ଷ ଦାୟିତ୍ୱ ନେଲେ ସୁନୀଲ ଆରୋରା

    ମୁଖ୍ୟ ନିର୍ବାଚନ ଆୟୁକ୍ତ  ସୁନୀଲ ଆରୋରା ଆଜି ବିଶ୍ୱ ନିର୍ବାଚନ ସଂସ୍ଥାନ ସଂଘ (ଏଡବ୍ଲୁଇବି)ର ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି । ସେ ୨୦୧୯ରୁ ୨୦୨୧ ପର୍ଯ୍ୟନ୍ତ ଏହି ଦାୟିତ୍ୱରେ ରହିବେ । ଏଥି ସହିତ ରୋମାନିଆ ନିକଟରୁ...
  • ନୂତନ କ୍ୟାବିନେଟ ସଚିବ ରାଜୀବ ଗୌବା

    ନୂତନ କ୍ୟାବିନେଟ ସଚିବ ଭାବେ ଆଜି ଶ୍ରୀ ରାଜୀବ ଗୌବା ଦାୟିତ୍ୱ ଗ୍ରହଣ କରିଛନ୍ତି । ବିଦାୟୀ କ୍ୟାବିନେଟ ସଚିବ ଶ୍ରୀ ପି.କେ. ସିହ୍ନାଙ୍କ ଅବସର ପରେ ତାଙ୍କୁ ଏହି ଦାୟିତ୍ୱ ମିଳିଛି । ୧୯୮୨ ବ୍ୟାଚର ଝାଡ଼ଖଣ୍ଡ କ୍ୟାଡର...
  • ବିପର୍ଯ୍ୟୟ ପ୍ରଶମନ ପାଇଁ ବିଜ୍ଞାନ: ଡଃ ପି.କେ.ମିଶ୍ର

    ପାରସ୍ପରିକ ଭାବେ ସଂଯୁକ୍ତ ଆଧୁନିକ ବିଶ୍ୱ ପାଇଁ ବିପର୍ଯ୍ୟୟ ଓ ଜରୁରିକାଳୀନ ବିପଦ ଅଧିକ ଜଟିଳ ଏବଂ ଅସାଧ୍ୟ ହୋଇ ଉଠୁଛି । ଏଣୁ ବିପର୍ଯ୍ୟୟ ଏବଂ ଜରୁରିକାଳୀନ ପରିସ୍ଥିତି ଜନିତ ବିପଦକୁ ବୁଝିବା, ହ୍ରାସ କରିବା ତଥା ଏହାର...
  • ଅଗଷ୍ଟ 29 ରେ ଆରମ୍ଭ ହେବ ‘ଫିଟ ଇଣ୍ଡିଆ ଅଭିଯାନ : ପ୍ରଧାନମନ୍ତ୍ରୀ

    ମୋର ପ୍ରିୟ ଦେଶବାସୀଗଣ, ନମସ୍କାର । ଆମ ଦେଶ ଆଜିକାଲି ଗୋଟିଏ ପଟେ ବର୍ଷାର ଆନନ୍ଦ ଉପଭୋଗ କରୁଛି, ତ ଅନ୍ୟପଟେ ଭାରତର କୋଣ ଅନୁକୋଣରେ କୌଣସି ନା କୌଣସି ପ୍ରକାର ଉତ୍ସବ, ମେଳା ଆଦି ଚାଲିଛି ଯାହା ପ୍ରାୟ...