ଇସ୍ପାତ ଉତ୍ପାଦନ ବୃଦ୍ଧି ପାଇଁ ନୂଆ ରୋଡମ୍ୟାପ୍

ଦେଶରେ ଇସ୍ପାତ୍ ଉତ୍ପାଦନ ବୃଦ୍ଧି ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମୀକ୍ଷା ବୈଠକ

ନୂଆଦିଲ୍ଲୀ: ଇସ୍ପାତର ଦ୍ରୁତ ଚାହିଦା ପରିପ୍ରକ୍ଷୀରେ ବୁଧବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି ।

ଏହି ବୈଠକରେ ଇସ୍ପାତ୍ ମନ୍ତ୍ରାଳୟର ବରିଷ୍ଠ ଅଧିକାରୀ, ଯୁଗ୍ମ ପ୍ଲାଂଟ୍ କମିଟି ଏବଂ ସିଆର୍ଆଇଏସ୍ଆଇଏଲ୍ର ପ୍ରମୁଖ ଅଧିକାରୀ ଉପସ୍ଥିତ ଥିଲେ ।

କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ବୈଠକରେ ଦେଶରେ ଇସ୍ପାତ୍ର ଚାହିଦାକୁ ଲକ୍ଷ୍ୟରେ ରଖି ଏହାର ସମୀକ୍ଷା କରିବା ସହିତ ଇସ୍ପାତର ଉତ୍ପାଦନ ବୃଦ୍ଧି କରିବା ପାଇଁ ଭବିଷ୍ୟତ ରୋଡମ୍ୟାପ୍ ଉପରେ ବିଚାରବିମର୍ଷ କରିଥିଲେ ।

ଦେଶରେ ଇସ୍ପାତ ଉତ୍ପାଦନ ବୃଦ୍ଧି କରିବା ଦିଗରେ ନୂତନ ପଦ୍ଧତି ବାହାର କରିବା ଦିଗରେ ଆଲୋକପାତ କରିଥିଲେ ଶ୍ରୀ ପ୍ରଧାନ ।

ସେହିପରି ଇସ୍ପାତ୍ ଆମଦାନୀକୁ ହ୍ରାସ କରିବା ଏବଂ ଭାରତକୁ କିପରି ଇସ୍ପାତ୍ ରପ୍ତାନୀ ରାଷ୍ଟ୍ରରେ ପରିଣତ କରାଯିବ ସେ ଦିଗରେ ମଧ୍ୟ ଆଲୋଚନା କରିଥିଲେ ।

ଶ୍ରୀ ପ୍ରଧାନ ଅଧିକାରୀମାନଙ୍କୁ ନୂଆ ପରାମର୍ଶ ଦେଇ କହିଥିଲେ ଯେ ସାରା ବିଶ୍ୱରେ ଶିଳ୍ପ ବିପ୍ଲବ ୪.୦ ମଧ୍ୟଭାଗରେ ଅଛି ।

ଏହାକୁ ନୂଆ ଟେକ୍ନୋଲୋଜିର ବ୍ୟବହାର ଓ ନୂଆ ବିଚାର ଦ୍ୱାରା ଆଗକୁ ନେଇ ହେବା ଭାରତକୁ ବିଶ୍ୱରେ ଇସ୍ପାତ୍ ନେତୃତ୍ୱ ନେଇପାରିବା ଭଳି ଶିଳ୍ପ ଶକ୍ତି ଭାବେ ଗଢିତୋଳିବା ଉପରେ ଶ୍ରୀ ପ୍ରଧାନ ଗୁରୁତ୍ୱାରୋପ କରିଥିଲେ ।

ଜାତୀୟ ଇସ୍ପାତ୍ ନୀତି ୨୦୧୭ ରିପୋର୍ଟ ଅନୁଯାୟୀ, ଭାରତର ପ୍ରତି ମୁଣ୍ଡ ପିଛା ଇସ୍ପାତ ବ୍ୟବହାର ବିଶ୍ୱ ହାରାହାରି ୨୦୮ କିଲୋଗ୍ରାମ ତୁଳନାରେ ୬୧ କିଲୋଗ୍ରାମ ରହିଛି ।

ଏହି ଚାହିଦା ଦ୍ରୁତ ବୃଦ୍ଧିର ସମ୍ଭାବନା ପରିପ୍ରେକ୍ଷୀରେ ଇସ୍ପାତ ଉତ୍ପାଦନ କ୍ଷମତା ବୃଦ୍ଧି ମଧ୍ୟ ଜରୁରୀ ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି । 

Categories
BUSINESS
Newsroll

RELATED BY

  • ତାଳଚେର ସାର କାରଖାନା ଦ୍ୱାରା ୪,୫୦୦ ନିଯୁକ୍ତି ସୁଯୋଗ ସୃଷ୍ଟି ହେବ

    ନୂଆଦିଲ୍ଲୀ: ୟୁରିଆ ଏବଂ ଆମୋନିଆ ଉତ୍ପାଦନ ଲାଗି ତାଳଚେର ସାର କାରଖାନାରେ ଏକ କୋଇଲା ବାଷ୍ପୀକରଣ ୟୁନିଟ ଖୋଲିବା ନେଇ ଆଜି ଦିଲ୍ଲୀରେ ଏକ ଚୁକ୍ତି ସ୍ୱାକ୍ଷର କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଓଡିଶାର ଅନୁଗୁଳ ଜିଲ୍ଲାରେ ୧୩,୨୭୭ କୋଟି...
  • Reliance Industries aims to make ‘sustainable clothing’ affordable

    ‘Sustainable fashion’ is becoming a buzz word in the fashion industry as large corporates, textile manufactures, fashion designers and renowned fashion houses are aggressively putting their act together to...
  • ଏକ ଲକ୍ଷ ଦର୍ଶକ ମେଳା ପରିସରକୁ ଆସିଥିଲେ

    ‘ସ୍ୱତନ୍ତ୍ର ହସ୍ତତନ୍ତ ମେଳା’ ଉଦ୍‌ଯାପିତ ଭୁବନେଶ୍ୱର:ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗର ‘ବୟନିକା’ ପକ୍ଷରୁ ‘ସ୍ୱତନ୍ତ୍ର ହସ୍ତତନ୍ତ ମେଳା’ ଅଗଷ୍ଟ ୨୭ ତାରିଖରୁ ୟୁନିଟ-୩ସ୍ଥିତ ଇଡ୍‌କୋ ପ୍ରଦର୍ଶନୀ ପଡ଼ିଆଠାରେ ଉଦ୍‌ଘାଟିତ ହୋଇଥିଲା । ଏହି ମେଳାରେ ୩୯ଟି ଷ୍ଟଲ୍‌ରେ ‘ବୟନିକା’,...
  • Tribal retail outlet

     Chief Minister Shri Naveen Patnaik inaugurating exclusive Tribal retail outlet at TDCCOL Head Office premises, BBSR on 09.09.2019 Chief Minister Shri Naveen Patnaik going round the exclusive tribal retail...