ଆତଙ୍କବାଦୀ ଘୋଷଣା

୪ ଜଣଙ୍କୁ

ନିକଟରେ କେନ୍ଦ୍ର ସରକାର ବେଆଇନ କାର୍ଯ୍ୟକଳାପ ନିରୋଧୀ ଆଇନ, ୧୯୬୭ରେ ଆଣିଥିବା ସଂଶୋଧନ ଆଧାରରେ ନିମ୍ନଲିଖିତ ବ୍ୟକ୍ତିଙ୍କୁ ଆତଙ୍କବାଦୀ ଘୋଷଣା କରିଛନ୍ତି ।

ଏଥିସହିତ ଏମାନଙ୍କ ନାମ ଆଇନର ଅନୁସୂଚୀ-୪ରେ ସାମିଲ କରାଯିବା ଲାଗି ନିଷ୍ପତି ନିଆଯାଇଛି ।

ଏମାନେ ହେଲେ :୧. ମୌଲାନା ମାସୁଦ ଆଝାର , ଜୈଶ ଇ ମହମ୍ମଦର ମୁଖ୍ୟ ପ୍ରତିଷ୍ଠାତା ଓ ପ୍ରମୁଖ ନେତା

୨. ହଫିଜ ମହମ୍ମଦ : ଲସ୍କର-ଇ-ତୟବା ଓ ଜମାତ-ଉଦ-ଦାୱାର ମୁଖ୍ୟ, ପ୍ରତିଷ୍ଠାତା ଓ ମୁଖ୍ୟ ନେତା

୩. ଜାକି-ଉର-ରେହମାନ ଲଖଭି : ଲସ୍କର-ଇ-ତୟବାର ମୁଖ୍ୟ ଅପରେସନ କମାଣ୍ଡର ତଥା ଏହାର ଜଣେ ପ୍ରତିଷ୍ଠାତା ସଦସ୍ୟ

୪. ଦାଉଦ ଇବ୍ରାହିମ କାସକର : ଅନ୍ତର୍ଜାତୀୟ ଅଣ୍ଡରୱାର୍ଲ୍ଡ ଅପରାଧୀ ସଂଗଠନର ପରିଚାଳକ ତଥା ଆତଙ୍କବାଦୀ କାର୍ଯ୍ୟକଳାପର ଷଡ଼ଯନ୍ତ୍ରକାରୀ ।

ଉପରୋକ୍ତ ସମସ୍ତ ବ୍ୟକ୍ତିବିଶେଷ ଭାରତରେ ବିଭିନ୍ନ ଆତଙ୍କବାଦୀ କାର୍ଯ୍ୟକଳାପରେ ଜଡ଼ିତ ଅଛନ୍ତି ଏବଂ ମିଳିତ ଜାତିସଂଘ ଦ୍ୱାରା ବିଶ୍ୱ ଆତଙ୍କବାଦୀର ମାନ୍ୟତା ପାଇଛନ୍ତି ।ପୂର୍ବରୁ କେବଳ ଆତଙ୍କବାଦୀ ସଂଗଠନଗୁଡ଼ିକୁ ନିଷିଦ୍ଧ କରାଯାଉଥିବାରୁ ବ୍ୟକ୍ତିବିଶେଷମାନେ ସଂଗଠନର ନାମ ପରିବର୍ତନ କରି ଆତଙ୍କବାଦୀ କାର୍ଯ୍ୟକଳାପ ଜାରି ରଖୁଥିଲେ । ଏବେ ଆତଙ୍କବାଦୀ କାର୍ଯ୍ୟାନୁଷ୍ଠାନରେ ଲିପ୍ତ ବ୍ୟକ୍ତିବିଶେଷଙ୍କୁ ଆତଙ୍କବାଦୀ ଘୋଷଣା କରିବା ଲାଗି ଆଇନରେ ସଂଶୋଧନ ଅଣାଯାଇଛି ।