ଆମେରିକାରେ ଥିବା ଓଡିଆମାନଙ୍କ ସହ କେନ୍ଦ୍ରମନ୍ତ୍ରୀ ଭିଡିଓ କନଫରେନ୍ସିଂ ମାଧ୍ୟମରେ ଆଲୋଚନା କଲେ

ବିଶ୍ୱ ମହାମାରୀର ଆହ୍ୱାନ ସମୟରେ ଓଡିଶାର ବିକାଶ ପାଇଁ ନୂଆ ସମ୍ଭାବନା ସୃଷ୍ଟି ହେବ - ଧର୍ମେନ୍ଦ୍ର ପ୍ରଧାନ

Share this:

ନୂଆଦିଲ୍ଲୀ: କରୋନା ମହାମାରୀ ମୁକାବିଲା ସମୟରେ ଆମେରିକାରେ ବସବାସ କରୁଥିବା ଅନେକ ପ୍ରତିଷ୍ଠିତ ଓଡିଆ ମାନଙ୍କ ସହ ଭିଡିଓ କନଫରେନ୍ସିଂରେ ଦୀର୍ଘ ଆଲୋଚନା କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନା ବିଶ୍ୱ ମହମାରୀର ସବୁ ଅସୁବିଧା ଏବଂ ଆହ୍ୱାନ ମଧ୍ୟରେ ଭାରତ ଓ ଓଡିଶାର ବିକାଶ ପାଇଁ ନୂଆ ସମ୍ଭାବନାର ରାସ୍ତାକୁ ଖୋଜି ବାହାର କରିବା ସହ ସମସ୍ତଙ୍କ ଉଦ୍ୟମରେ ଆର୍ଥିକ ପ୍ରଗତିରେ ସହାୟ ହେବା ଭଳି ଆମେରିକାରେ ଥିବା ଓଡିଆମାନେ ଏହି ଭିଡିଓ କନଫରେନ୍ସିଂରେ ସହଯୋଗ କରିବାର ଦୃଢ ପ୍ରତିଶ୍ରୁତି ଦେଇଛନ୍ତି । ଆମେରିକାର ୮ଟି ପ୍ରମୁଖ ସହର ଯଥା ହ୍ୟୁଷ୍ଟୋନ, ସାନ୍ ଫ୍ରାନସିସ୍କୋ, କାଲିଫୋର୍ଣ୍ଣିଆ, ୱାସିଂଟନ, ଫ୍ଲୋରିଡା, ମିନିସୋଟା, ଆଲାବାମା, ନ୍ୟିୁୟର୍କରେ ବସବାସ କରୁଥିବା ୧୮ରୁ ଉର୍ଦ୍ଧ୍ୱ ପ୍ରତିଷ୍ଠିତ ଓଡିଆମାନେ ଶ୍ରୀ ପ୍ରଧାନଙ୍କ ସହ ଭିଡିଓ କନଫରେନ୍ସିଂ ଜରିଆରେ ଆଲୋଚନା କରିଥିଲେ । ଆମେରିକାରେ ରହୁଥିବା ଓଡିଆଙ୍କ ସହ ଆଲୋଚନା କରି ଶ୍ରୀ ପ୍ରଧାନ କହିଥିଲେ ଯେ ବିଂଶ ଶତାବ୍ଦୀ ହେଉ ଅଥବା ଏକବିଂଶ ଶତାବ୍ଦୀର ପ୍ରଥମ ଦୁଇ ଦଶନ୍ଧି, ଏହି ସମୟରେ ଓଡିଆମାନେ ଭାରତ ଓ ବିଶ୍ୱରେ ଗୁରୁତ୍ଵପୂର୍ଣ୍ଣ ସ୍ଥାନରେ ଅଛନ୍ତି । ଓଡିଶା ପାଇଁ ବଡ କାମ କରି ଓଡିଶାର ସେବା କରିବାର ଏହା ପ୍ରକୃଷ୍ଟ ସମୟ । ଶ୍ରୀ ପ୍ରଧାନ କହିଛନ୍ତି କେନ୍ଦ୍ର ସରକାରରେ ଓଡିଆମାନେ ଗୁରୁତ୍ଵପୂର୍ଣ୍ଣ ଦାୟିତ୍ୱରେ ଅଛନ୍ତି । ଓଡିଆ ଲୋକ ୱାସିଂଟନ ଡିସିରେ ସିଜି ଭାବରେ ଅବସ୍ଥାପିତ । କାର୍ଲିଫଣ୍ଣିଆର ସିଜି ଭାବରେ ଓଡିଆ ଲୋକ ମଧ୍ୟ ଅଛନ୍ତି । ଆମେରିକାରେ ଓଡିଆ ଭାଷାଭାଷି ଲୋକମାନେ ସେଠାକାର ଅବସ୍ଥା ଓ ଅର୍ଥନୀତିରେ ଗୁରୁତ୍ଵପୂର୍ଣ୍ଣ ଓ ପ୍ରଭାବଶାଳୀ ଭୂମିକାରେ ରହିଛନ୍ତି । ଦକ୍ଷିଣ- ପୂର୍ବ ଏସୀୟ ଦେଶ ସମୂହ ଗୁଡିକରେ ଓଡିଆ ଲୋକମାନେ ବେଶ ପ୍ରଭାବଶାଳୀ ଭୂମିକାରେ ରହିଛନ୍ତି । ଉପସାଗରୀୟ ଦେଶ ଗୁଡିକରେ ଆଗୁଆ ଅଛନ୍ତି । ଇତିହାସରେ ଓଡିଆ ଲୋକମାନେ ଦେଶ ବିଦେଶରେ ଏପରି ସୁବିଧା ଜନକ ଓ ଗୁରୁତ୍ଵପୂର୍ଣ୍ଣ ସ୍ଥାନରେ କେବେ ବି ନଥିଲେ ବୋଲି ଶ୍ରୀ ପ୍ରଧାନ ଆମେରିକାର ଏହି ଓଡିଆ ମାନଙ୍କ ସହ ଆଲୋଚନା କରିବା ସମୟରେ କହିଛନ୍ତି । ଏବେ ସମୟ ଆସିଛି ମିଶି କରି ନୂଆ ଉଦ୍ୟମ କରିବା, କରୋନା ଭଳି ଘଡିସନ୍ଧି ମୁହୂର୍ତରେ ନୂଆ ପ୍ରଚେଷ୍ଟା କରିବା ଏବଂ ଆମ ରାଜ୍ୟ ଓଡିଶାକୁ ନୂଆ ଶିଖରରୁ ନେବା । ଓଡିଶାକୁ ଗୁରୁତ୍ୱ ଦେଇ କାମ କରିବା ବୋଲି ଶ୍ରୀ ପ୍ରଧାନ କହିଛନ୍ତି । ଅନେକ ଓଡିଆ ବ୍ୟକ୍ତିମାନେ ଦେଶ ଓ ଦେଶ ବାହାରେ ଗୁରୁତ୍ଵପୂର୍ଣ୍ଣ ଦାୟିତ୍ୱରେ ଥିବା ବେଳେ କରୋନା ସମୟରେ ଏବେ ଓଡିଶା ପାଇଁ କାମ କରାଯିବ ନାହିଁ ତ କେବେ କରାଯିବ ବୋଲି ଆମେରିକାର ଏହି ପ୍ରତିଷ୍ଠିତ ଓଡିଆ ମାନଙ୍କୁ ଶ୍ରୀ ପ୍ରଧାନ କହିଛନ୍ତି । ଭାରତରେ ଆଗାମୀ ଦିନରେ ପୁଞ୍ଜିନିବେଶ ବଢିବ ଏବଂ ଓଡିଶା ମଧ୍ୟ ଏହାର ଲାଭ ପାଇବ ବୋଲି ସେ କହିଥିଲେ । ଅପରପକ୍ଷରେ ସବୁ ଆହ୍ୱାନ ସତ୍ୱେ ରାଜ୍ୟରେ ସାମାଜିକ ଦୂରତା ରକ୍ଷା କରି ରଥ ନିର୍ମାଣ କାମ ଆରମ୍ଭ ହୋଇଛି । ଭାରତ ସରକାର ଉଭୟ ଲୋକଙ୍କ ଲାଇଫ୍ ଏବଂ ଲାୟାବିଲିଟିକୁ ଗୁରୁତ୍ୱ ଦେଉଛନ୍ତି । ଆଜି ଦେଶ ଏକ ଅଛି । ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ଏବଂ ସମସ୍ତଙ୍କ ସହଯୋଗରେ ଓଡିଶାର ବିକାଶ ହେବ ବୋଲି ଶ୍ରୀ ପ୍ରଧାନ କହିଛନ୍ତି । ଏହି ଆଲୋଚନା କାଳରେ ଓଡିଶା ଆସିବାକୁ ଚାହୁଁଥିବା ଓଡିଆଙ୍କୁ ସିଧା ଭୁବନେଶ୍ୱରକୁ ଆଣିବା, କୋରିୟର ସେବା ନଥିବାରୁ ଆମେରିକାରେ ଥିବା ବୟସ୍କ ଲୋକମାନଙ୍କ ପାଇଁ ଔଷଧ ଅଣାନଯାଇପାରିବା, ଆମେରିକାରୁ ବୟସ୍କ ଲୋକମାନେ ଫେରିଲେ ସେମାନଙ୍କ ଉପଯୁକ୍ତ ଯତ୍ନ ସହ କ୍ୱାରେଂଟାଇନ ପ୍ରସଙ୍ଗରେ ଚର୍ଚ୍ଚା ହୋଇଥିଲା । ଓଡିଆ ବ୍ୟକ୍ତିବିଶେଷ ମାନେ ଓଡିଶାରେ ଯୁବକଙ୍କୁ ରୋଜଗାର ଦେବା ତଥା ଯୁବକଙ୍କୁ ତାଲିମ୍ ଦେଇ ସେମାନଙ୍କ ଦକ୍ଷତାକୁ ବୃଦ୍ଧି କରି ବିଭିନ୍ନ କ୍ଷେତ୍ରରେ କାମରେ ଲଗାଇବା ଉପରେ ଗୁରୁତ୍ୱାରୋପ କରିଥିଲେ । ରାଜ୍ୟରେ ଯୁବଶକ୍ତିର ବିକାଶ ଓ ବିନିଯୋଗ କରିବା ଦରକାର ବୋଲି ଓଡିଆ ଲୋକମାନେ ମତପ୍ରକାଶ କରିଥିଲେ । ସେହିପରି କରୋନା ମୁକାବିଲାରେ କେନ୍ଦ୍ର ଓ ରାଜ୍ୟ ସରକାରଙ୍କ ଉଦ୍ୟମକୁ ସେମାନେ ପ୍ରଶଂସା କରିଥିଲେ । ଏହି ଆଲୋଚନାକୁ ଆମେରିକାରେ ଭାରତୀୟ ଦୂତାବାସର ବରିଷ୍ଠ ଅଧିକାରୀ ମନୋଜ ମହାପାତ୍ର ସଂଯୋଜନା କରିଥିଲେ । ହ୍ୟୁଷ୍ଟୋନରୁ ଦେବାନନ୍ଦ ପତି, ଉପେନ୍ଦ୍ର ସାହୁ, ଆଦିତ୍ୟ ସାମଲ, ସାନ୍ ଫ୍ରାନସିସ୍କୋରୁ କୁକୁ ଦାସ, ଦେବଦତ ଦାସ, କାର୍ଲିଫୋଣ୍ଣିଆରୁ ଆରୁ ସୁଶାନ୍ତ ପଟ୍ଟନାୟକ, ୱାସିଂଟନରୁ ସିବା କେ. ସାମଲ, ଶ୍ରୀକାନ୍ତ ନାୟକ, କାର୍ତିକ ପ୍ରଧାନ, ପ୍ରତାପ ଦାସ, ମନୋଜ ମହାପାତ୍ର, ଫ୍ଲୋରିଡାରୁ ପ୍ରଦୀପ ଜେନା, ମିନିସୋଟାରୁ ଡା. ଏସ.କେ ଦାସ. ଆଲାବାମାରୁ ଭାଗବତ ସାହୁ, ଦିବ୍ୟଜୀବନ ମହାପାତ୍ର, ନ୍ୟିୁୟର୍କରୁ ବିଜୟ ମହାନ୍ତି, ଲାଲତେନ୍ଦୁ ମହାନ୍ତି ଓ ବ୍ରଜରାଜ ସାହୁ ପ୍ରମୁଖ ଅଂଶଗ୍ରହଣ କରି ଆମେରିକାର ସ୍ଥିତି ଏବଂ ଓଡିଆ ଲୋକଙ୍କର ସ୍ଥିତାବସ୍ଥା ଉପରେ ମତ ରଖିଥିଲେ । ଆମେରିକାରେ ରହୁଥିବା ସବୁ ଓଡିଆଙ୍କୁ ସୁବିଧା ଦେବା ପାଇଁ ସବୁ ପ୍ରକାର ଉଦ୍ୟମ କରାଯାଉଛି । ଓଡିଆଙ୍କ ସାହାଯ୍ୟ ପାଇଁ ଆଗେଇ ଆସିବାକୁ ସେମାନେ ମତପ୍ରକାଶ କରିଥିଲେ ।

  • Share this:ଜୟ ମା ମଙ୍ଗଳା ଜୟ ଶନି ଦେବ  ଅଦ୍ୟ ମକର ରାଶିର ଘାତବାର । ସୂର୍ଯ୍ୟଉଦୟ – ପ୍ରାଘ ୦୫/୧୪/୩୩ ସୂର୍ଯ୍ୟଅସ୍ତ – ସଂଘ ୦୬/୨୮/୧୧ ରାହୁକାଳ – ଦିବା ଘ ୦୩/୧୦ ରୁ ଦିବା ଘ ୦୪/୪୯...
  • Share this:ଭୁବନେଶ୍ୱର: ରାଜ୍ୟରେ ମହିଳାମାନେ ପୁରା ଅସୁରକ୍ଷିତ ହୋଇପଡିଛନ୍ତି । ରକ୍ଷକ ଏଠି ଭକ୍ଷକ ପାଲଟିଛି । ଖୋଦ୍‌ ପୋଲିସ ମହିଳାମାନଙ୍କୁ ସୁରକ୍ଷା ଦେବା ପରିବର୍ତେ ସେମାନଙ୍କ ସହ ଦୁଷ୍କର୍ମ କରିଚାଲିଛି । ଗତ ମେ ୭ ତାରିଖ ଦିନ...
  • Share this:ଭୁବନେଶ୍ୱର : ବହୁମୂଲ୍ୟ ସର୍ବସାଧାରଣ ଜମିକୁ ଉତ୍କଳ ଗ୍ୟାଲେରିଆ ମଲ୍‌କୁ ଟେକିଦେବା ଓ ଏହାର ପ୍ରତିବାଦ କଲେ ମହାମାରୀ ନିୟନ୍ତ୍ରଣର କଡା ଆଇନ ଲଗାଇ ଜନ ଆନ୍ଦୋଳନକୁ ଚାପିଦେବାକୁ ଚେଷ୍ଟା କରୁଥିବା ବିଏମସି କମିଶନର ପ୍ରେମଚାନ୍ଦ ଚୌଧୁରୀଙ୍କ ତୁରନ୍ତ...
  • Share this:ଭୁବନେଶ୍ୱର : କରୋନା ମହାମାରୀ ସମୟରେ ଓଡ଼ିଶା ଔଷଧ ନିଗମରେ ହୋଇଥିବା ବ୍ୟାପକ ଦୁର୍ନୀତି ଓ କେଳେଙ୍କାରୀ ଗୁଡ଼ିକୁ କଂଗ୍ରେସ ଲୋକଲୋଚନକୁ ଆଣିବାସହିତ ଲୋକାୟୁକ୍ତଙ୍କର ଦ୍ୱାରସ୍ଥ ହୋଇଛି । ମାକ୍ସ, ପିପିଇ, ସାନିଟାଇଜର, ରିଏଲଟାଇମ ପିସିଆର, ରେପିଡ୍ କୋଭିଡ୍...
  • Share this:ଜୟମାମଙ୍ଗଳା.ଜୟ ଶନି ଦେବ  ଅଦ୍ୟ ମିଥୁନ ରାଶିର ଘାତବାର ।  ସୂର୍ଯ୍ୟଉଦୟ – ପ୍ରାଘ ୦୫/୧୪/୧୨,ସୂର୍ଯ୍ୟଅସ୍ତ – ସଂଘ ୦୬/୨୮/୧୩ ରାହୁକାଳ – ପ୍ରାତଃ ଘ ୦୬/୫୩ ରୁ ଦିବାଘ ୦୮/୩୩ ମଧ୍ଯରେ ।  ଆଜି ବାଇଗଣ ଖାଇବା...

RELATED BY

EDITOR
OFFICE