୯ଟି ଷ୍ଟାର୍ଟ ଅପ୍‌କୁ ୩୮ ଲକ୍ଷ ଟଙ୍କାର ସହାୟତା ପ୍ରଦାନ

ଷ୍ଟାର୍ଟ ଅପ୍‌ ଟାସ୍କ ଫୋର୍ସ ପକ୍ଷରୁ

Share this:

ଭୁବନେଶ୍ୱର: ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ଲକ୍ଷ୍ମୀନାରାୟଣ ଗୁପ୍ତାଙ୍କ ଅଧ୍ୟକ୍ଷତାରେ ଷ୍ଟାର୍ଟ ଅପ୍‌ ଓଡ଼ିଶା ଟାସ୍କ ଫୋର୍ସର ଏକାଦଶ ବୈଠକ ଆଜି ଅନୁଷ୍ଠିତ ହୋଇଯାଇଛି । ଏହି ବୈଠକରେ ବିକାଶ ଓ ବିପଣନ ସହାୟତା ନିମନ୍ତେ ୫ଟି ଷ୍ଟାର୍ଟ ଅପ୍‌କୁ ୨୮ଲକ୍ଷ ଟଙ୍କା ମଞ୍ଜୁର କରାଯାଇଛି । ସେହି ଷ୍ଟାର୍ଟ ଅପ୍‌ଗୁଡ଼ିକ ହେଉଛି ମେସର୍ସ ଫୋଏନିକ୍ସ ରୋବୋଟିକ୍ସ ପ୍ରା. ଲିଃ, ମେସର୍ସ ଅର୍ବୋନିକ୍ସ ଲାବ୍ସ୍‌ ପ୍ରା. ଲିଃ, ମେସର୍ସ ଇସେର୍ଭୁ ଟେକ୍‌ନୋଲୋଜି ପ୍ରା. ଲିଃ, ମେସର୍ସ
ଇଙ୍କ୍‌ସାଣ୍ଡ ଆର୍ଟ ଆଣ୍ଡ କ୍ରାଫଫସ୍‌ ଇଣ୍ଡିଆ ପ୍ରା. ଲିଃ ଓ ସନ୍ତାନ ଫର୍ଟିଲିଟି ସେଣ୍ଟର ଆଣ୍ଡ ରିସର୍ଚ୍ଚ ଇନ୍‌ଷ୍ଟିଚୁ୍ୟଟ୍‌ ପ୍ରା. ଲିଃ । ଏହା ଛଡ଼ା ଟାସ୍କ ଫୋର୍ସ ୪ଟି ଷ୍ଟାର୍ଟ ଅପ୍‌କୁ ୧୦ ଲକ୍ଷ ଟଙ୍କାର ମାସିକ ସହାୟତା ମଧ୍ୟ ମଞ୍ଜୁର କରିଛି । ସେଗୁଡ଼ିକ ହେଉଛି ଇନ୍‌ହଫ୍‌ ଟେକ୍‌ନୋଲୋଜିସ୍‌ ପ୍ରା. ଲିଃ, ବାସାଲ ଇନିସିଏଟିଭ୍‌ସ୍‌ ପ୍ରା. ଲିଃ, କ୍ରୁସାକୋ ସର୍ଭିସେସ୍‌ ପ୍ରା. ଲିଃ ଓ ସରଳା ପାୱାର ଟେକ୍‌ କନ୍‌ସଲଟିଂ ଇଂଜିନିୟର୍ସ ଏଲ୍‌ଏଲ୍‌ପି । ଏଠାରେ ଉଲ୍ଲେଖ ଯୋଗ୍ୟ ଯେ ଏଥି ମଧ୍ୟରୁ ବାସାଲ ଇନିସିଏଟିଭ୍‌ସ୍‌ ପ୍ରା. ଲିଃ ଜଣେ ମହିଳାଙ୍କ ମାଲିକାନାରେ ରହିଛି । ଏହି ସବୁ ସୁବିଧା ପ୍ରଦାନ ଦ୍ୱାରା ଆର୍ଥିକ ସହାୟତା ପାଉଥିବା ଷ୍ଟାର୍ଟ ଅପ୍‌ମାନଙ୍କ ସଂଖ୍ୟା ୬୧ରେ ପହଞ୍ଚିଛି । ଟାସ୍କ ଫୋର୍ସ ଦୁଇଟି ଇନ୍‌କୁ୍ୟବେଟରଙ୍କୁ ମଧ୍ୟ ମାନ୍ୟତା ପ୍ରଦାନ କରିଛି । ସେମାନେ ହେଲେ ସିଟିଟିସି-ଇନୋଭେସନ୍‌ ଆଣ୍ଡ ଇନ୍‌କୁ୍ୟବେସନ୍‌ ସେଣ୍ଟର, ଭୁବନେଶ୍ୱର ଓ ଇନ୍‌କୁ୍ୟଭେସନ୍‌ସ ଫାଉଣ୍ଡେସନ୍‌, ନିଷ୍ଟ, ବ୍ରହ୍ମପୁର । ଏହି ସ୍ୱୀକୃତି ପ୍ରଦାନ ଦ୍ୱାରା ଇନ୍‌କୁ୍ୟବେଟର ସଂଖ୍ୟା ୧୧ରେ ପହଞ୍ଚିଛି ଏବଂ ଇନ୍‌କୁ୍ୟବେସନ୍‌ କ୍ଷେତ୍ର ୪.୨ ଲକ୍ଷ ବର୍ଗ ପୁଟ ହୋଇଛି । ୨୦୧୯ ଫେବୃଆରୀ ପ୍ରଥମ ସପ୍ତାହରେ ଷ୍ଟାର୍ଟ ଅପ୍‌ ଓଡ଼ିଶା ଯାତ୍ରା ୨.୦ ଶୁଭାରମ୍ଭ କରିବା ପାଇଁ ଟାସ୍କ ଫୋର୍ସ ନିଷ୍ପତ୍ତି ନେଇଛି । ଏହା ଦ୍ୱାରା ରାଜ୍ୟର ୧୫ଟି ଜିଲ୍ଲାରେ ଥିବା ୫୦ ଅନୁଷ୍ଠାନରେ ତୃଣମୂଳସ୍ତରୀୟ ନବପ୍ରବର୍ତ୍ତନର ଅନେ୍ୱଷଣ ସମ୍ଭବ ହେବ । ବିଭିନ୍ନ ବୃତ୍ତିଗତ ଅନୁଷ୍ଠାନମାନଙ୍କରେ ନବପ୍ରବର୍ତ୍ତକମାନଙ୍କୁ ଚିହ୍ନଟ କରିବା ପାଇଁ ପାଖାପାଖି ୧୦ଟି ବୁଟ୍‌ କ୍ୟାମ୍ପ ଅନୁଷ୍ଠିତ ହେବ । ଏକ ଶକ୍ତିଶାଳୀ ଷ୍ଟାର୍ଟ ଅପ୍‌ ଇକୋ ସିଷ୍ଟମ୍‌ ସୃଷ୍ଟି କରିଥିବା ଯୋଗୁଁ ଭାରତ ସରକାରଙ୍କ ଡିଆଇପିପି ଦ୍ୱାରା ଓଡ଼ିଶାକୁ ‘ଟପ୍‌ ପରଫର୍ମର’ ଭାବେ ମାନ୍ୟତା ଦିଆଯାଇଥିବାରୁ ଟାସ୍କ ଫୋର୍ସ ଏହାର ଉଚ୍ଚ ପ୍ରଶଂସା କରିଛି । ଏହି ବୈଠକରେ ଆଇଇଡ଼ିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ପ୍ରଣବ ଜ୍ୟୋତି ନାଥ, ଓୟୁଏଟିର ଡ. ଏସ୍‌. ମିଶ୍ର, ଇନ୍‌ଭେଷ୍ଟ ଇଣ୍ଡିଆର ସୂୟାଶ ମିଶ୍ର, ଷ୍ଟାର୍ଟ ଅପ୍‌ ଇଣ୍ଡିଆର ଡ. ପ୍ରୀତ ଦୀପ୍‌ ସିଂହ, ଅର୍ଥ ବିଭାଗର ଅତିରିକ୍ତ ଶାସନ ସଚିବ ଶ୍ରୀ ପି.କେ. ନନ୍ଦ, ଇଲେକ୍‌ଟ୍ରୋନିକ୍ସ ଓ ଆଇଟି ବିଭାଗର ସ୍ୱତନ୍ତ୍ର ଶାସନ ସଚିବ ଶ୍ରୀ ଆର୍‌. ଏନ୍‌. ପଲାଇ, ଆଇଆଇଟି, ଭୁବନେଶ୍ୱରର ଡ. ୱାଇ.ଜି. ଭୂମକର, ୟୁସିସିଆଇର ଡିଜି ଶ୍ରୀ ରାଜନ ପାଢ଼ୀ, ଏସ୍‌ଟିପିଆଇର ନିର୍ଦ୍ଦେଶକ ଶ୍ରୀ ଏମ୍‌. ପଣ୍ଡା, ଟିଆଇଇ, ଭୁବନେଶ୍ୱରର ସଭାପତି ଶ୍ରୀ ଡି. ପଟ୍ଟନାୟକ, ତତ୍ତ୍ୱ ଟେକ୍‌ନୋଲୋଜିର ପରିଚାଳନା ନିର୍ଦ୍ଦେଶକ ଶ୍ରୀ ଅୟଶକାନ୍ତ ମହାନ୍ତି, ଲୁମିନସ୍‌ ଇନ୍‌ଫୋେୱଜ୍‌ର ସଭାପତି ଜୟଶ୍ରୀ ମହାନ୍ତି ପ୍ରମୁଖ ଯୋଗଦେଇଥିଲେ ।

  • Share this:ଭୁବନେଶ୍ୱର: “ସମସ୍ତଙ୍କ ପାଇଁ ଖାଦ୍ୟ ସୁରକ୍ଷା – ଜଣେ ବି ଗରିବ ଲୋକକୁ ମୁଁ ଖାଦ୍ୟ ସୁରକ୍ଷାରୁ ବଞ୍ଚିତ ହେବାକୁ ଦେବି ନାହିଁ” । ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଏହି ବିଚାରଧାରାକୁ କାର୍ଯ୍ୟରେ ପରିଣତ କରି ଖାଦ୍ୟ...
  • Share this:New Delhi/Bhubaneswar : Dr. Brajraj Das, Senior Cardiologist, Apollo Hospitals, Bhubaneswar has been recognised internationally and got fellowship from prestigious Royal College of Physicians of London in 2020....
  • Share this: ଭୁବନେଶ୍ୱର:ବିଶିଷ୍ଟ ଗାଳ୍ପିକ ତଥା ପ୍ରଶାସକ ଶ୍ରୀ ବିଜୟ ନାୟକଙ୍କ ଦ୍ୱାରା ଲିଖିତ ଗଳ୍ପଗୁଡ଼ିକୁ ନେଇ ପ୍ରସ୍ତୁତ ଗଳ୍ପ ସଂକଳନ ‘ଶ୍ରେଷ୍ଠ ଷାଠିଏ’ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଦ୍ୱାରା ଉନ୍ମୋଚିତ ହୋଇଯାଇଛି । ଗାଳ୍ପିକ ଶ୍ରୀ ନାୟକ...
  • Share this:ଭୁବନେଶ୍ୱର: ବାଲେଶ୍ୱର ଉପନିର୍ବାଚନରେ ଭୋଟରଙ୍କୁ ପ୍ରଭାବିତ କରିବା ପାଇଁ ଶାସକ ବିଜେଡି ବାରମ୍ବାର ନିର୍ବାଚନ ଆଚରଣ ବିଧି ଉଲ୍ଲଂଘନ କରିଛି । ଦୀର୍ଘ ୨୦ ବର୍ଷ ଶାସନରେ ଲୋକଙ୍କୁ ସର୍ବନିମ୍ନ ସୁବିଧା ଯୋଗାଇ ପାରୁନଥିବା ଶାସକ ଦଳ ଏବେ...
  • Share this:ବିହାର/ଭୁବନେଶ୍ୱର:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ବିହାରର ବିକାଶ ଏବଂ ଲୋକଙ୍କ କଲ୍ୟାଣ ପାଇଁ ନିରନ୍ତର ଉଦ୍ୟମ କରୁଥିବା ବେଳେ ବିହାରବାସୀ ଏହି ନିର୍ବାଚନରେ ପୁଣି ଥରେ ମୋଦି-ନୀତିଶଙ୍କ ଡବଲ ଇଞ୍ଜିନ ସରକାରକୁ ନିଶ୍ଚିତ...

RELATED BY