ଭୁବନେଶ୍ୱର : ଓଡ଼ିଶା ପ୍ରଦେଶ କଂଗ୍ରେସ ପକ୍ଷରୁ ସଭାପତି ଶ୍ରୀ ଶରତ ପଟ୍ଟନାୟକଙ୍କ ନେତୃତ୍ୱରେ ଆଜି କଳିଙ୍ଗ ନଗର ଆଦିବାସୀ ଗଣହତ୍ୟାର ୧୮ ତମ ଶ୍ରାଦ୍ଧ ବାର୍ଷିକୀରେ ରାଜ୍ୟ କଂଗ୍ରେସ ନେତୃବର୍ଗମାନେ ମହମବତୀ ଶୋଭାଯାତ୍ରାରେ ରାଜ୍ୟ କଂଗ୍ରେସ କାର୍ଯ୍ୟାଳୟରୁ ବାହାରି ମାଷ୍ଟରକ୍ୟାଣ୍ଟିନ ଛକ ପର୍ଯ୍ୟନ୍ତ ଯାଇଥିଲେ । ସେଠାରେ ଦିବଙ୍ଗତ ନିରୀହ ୧୩ ଜଣ ଆଦିବାସୀଙ୍କ ଆତ୍ମାପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିବା ସହିତ ସେମାନଙ୍କ ପରିବାର ବର୍ଗଙ୍କୁ ଶ୍ରୀ ପଟ୍ଟନାୟକ ସମବେଦନା ଜଣାଇଥିଲେ । ଏହି ପରିପ୍ରେକ୍ଷୀରେ ଶ୍ରୀ ପଟ୍ଟନାୟକ କହିଥିଲେ ଯେ ୨୦୦୬ ମସିହା ଜାନୁଆରୀ ୨ ତାରିଖରେ ଯାଜପୁର କଳିଙ୍ଗନଗର ଠାରେ ନବୀନ ପଟ୍ଟନାୟକଙ୍କ ନେତୃତ୍ୱାଧିନ ମିଳିତ ସରକାର ଦ୍ୱାରା ନିଜର ଭିଟାମାଟି ପାଇଁ ଲଢ଼େଇ କରୁଥିବା ନିରୀହ ଆଦିବାସୀମାନଙ୍କୁ ଶିଳ୍ପପତିଙ୍କ ସ୍ୱାର୍ଥକୁ ରକ୍ଷା କରିବାକୁ ଯାଇ ଯେଉଁଭଳି ଭାବେ ଗୁଳିକରି ହତ୍ୟାକରାଗଲା ତାହା ଏ ଅର୍ଦ୍ଧ ଶତାବ୍ଦୀର ସବୁଠାରୁ ନିମର୍ମ ଓ ବର୍ବୋରୋଚିତ ଗଣହତ୍ୟା ବୋଲି ସେତେବେଳର କେନ୍ଦ୍ର ସରକାର ପ୍ରକାଶ କରିଥିଲେ । ଖାଲି ସେତିକି ନୁହେଁ ରାୟଗଡ଼ା ଜିଲ୍ଲାର ମାଇକଞ୍ଚ, ନବରଙ୍ଗପୁର ଜିଲ୍ଲାର ରାଇଘର ଏବଂ କନ୍ଧମାଳ ଜିଲ୍ଲାର ଗୁମୁଡୁମାହା ଠାରେ ଅତି ନିମର୍ମ ଭାବରେ ନିରୀହ ଆଦିବାସୀଙ୍କୁ ଗୁଳିକରାଯାଇଥିଲା । ଉଭୟ ବିଜେପି ଓ ବିଜେଡ଼ି ସରକାର ନିରୀହ ଆଦିବାସୀଙ୍କ ରକ୍ତରେ ହୋଲିଖେଳିବାକୁ କୁଣ୍ଠାବୋଧ କରନ୍ତି ନାହିଁ । ପ୍ରକାଶଥାଉକି ଆଦିବାସୀମାନଙ୍କ ସ୍ୱାର୍ଥ ଏବଂ ଉନ୍ନତି କଥା କହୁଥିବା ଉଭୟ ବିଜେପି ଓ ବିଜେଡ଼ି କହିବେକି ରାଜ୍ୟର ୧୦ଟି ଆଦିବାସୀ ଅଞ୍ଚଳର ୪୦ ଭାଗ ଲୋକଙ୍କ ପାଖରେ ସର୍ବନିମ୍ନ ସୁବିଧା ଯଥା ବାସଗୃହ, ସ୍ୱଚ୍ଛ ପିଇବାପାଣି, ସ୍ୱାସ୍ଥ୍ୟ ସେବା, ଶିକ୍ଷା ବ୍ୟବସ୍ଥା ଏବଂ ରୋଜଗାର ବ୍ୟବସ୍ଥା ଆଜି ଅପହଞ୍ଚ କାହିଁକି ? ସ୍ୱର୍ଣ୍ଣଗର୍ଭା ସୁନ୍ଦରଗଡ଼, କେନ୍ଦୁଝର, ମୟୁରଭଞ୍ଜର ଆଦିବାସୀମାନଙ୍କର ସ୍ଥିତି ଏତେ ବିକଟାଳ କାହିଁକି ? ଏହାର ଉତର ଉଭୟ ବିଜେଡ଼ି ଓ ବିଜେପି ସରକାର ରଖିବେକି ? ସହୀଦ ଲକ୍ଷ୍ମଣ ନାୟକ, ବିର୍ଷା ମୁଣ୍ଡା ଓ ଧରଣୀଧର ପ୍ରଭୃତିଙ୍କର ଅମୂଲ୍ୟ ତ୍ୟାଗ, ବଳିଦାନକୁ ଏ ଜାତି ଆଜି ମନେପକେଇବାର ସମୟ ଆସିଛି । କଂଗ୍ରେସ ସବୁ ସମୟରେ ଏବଂ ସମସ୍ତ ପ୍ରସଙ୍ଗରେ ଆଦିବାସୀଙ୍କ ସ୍ୱାର୍ଥ ସୁରକ୍ଷା ପାଇଁ ଲଢ଼େଇ କରି ଆସୁଛି ଏବଂ ଏହା ଜାରି ରହିବ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କଂଗ୍ରେସ ନେତୃବୃନ୍ଦ ସର୍ବଶ୍ରୀ ସନ୍ତୋଷ ସିଂ ସାଲୁଜା, ସୁରେଶ କୁମାର ରାଉତରାୟ, ଶିବାନନ୍ଦ ରାୟ, ଶରତ ରାଉତ, ଅନନ୍ତ ପ୍ରସାଦ ସେଠୀ, ପଞ୍ଚାନନ କାନୁନଗୋ, ବିଶ୍ୱଜିତ ଦାଶ, ନକୁଳ ନାୟକ, ରବିନ୍ଦ୍ର କୁମାର ମଲ୍ଲିକ, ବିଜୟଲକ୍ଷ୍ମୀ ସାହୁ, କିଶୋର ଜେନା, ମାନସ ଚୌଧୁରୀ, ମନୋରଞ୍ଜନ ଦାଶ, ପ୍ରକାଶ ମିଶ୍ର, ଚିନ୍ମୟ ସୁନ୍ଦର ଦାସ, ରଶ୍ମି ମହାପାତ୍ର, ଅମିୟ କୁମାର ପଟ୍ଟନାୟକ, ରଜନୀ ମହାନ୍ତି, ବାଙ୍କନିଧି ବେହେରା, ପ୍ରଣତି ମିଶ୍ର, ସୁବ୍ରତ ମହାପାତ୍ର, ଜ୍ଞାନ ପଟ୍ଟନାୟକ, ସତ୍ୟବ୍ରତ ନାୟକ, ସୁଶାନ୍ତ ତ୍ରିପାଠୀ, ପ୍ରଶାନ୍ତ ଚମ୍ପତି, ମିହିର ଆଚାର୍ଯ୍ୟ, ପ୍ରତିମା ମଲ୍ଲିକ, ଶ୍ରିୟାସ୍ମିତା ପଣ୍ଡା, ହଳଧର ସେଠୀ, ଦେଓ ପ୍ରସାଦ, ସଂଜୟ ତ୍ରିପାଠୀ, ମନୋରଞ୍ଜନ ରାଉତରାୟ, ଆଲୋକ ଲେଙ୍କା, ଭାଗ୍ୟଶ୍ରୀ ଜେନା,ଜୟକୃଷ୍ଣ ସୁବୁଦ୍ଧି, ରାଜକିଶୋର ବାରିକ, ମଧୁସ୍ମିତା ଆଚାର୍ଯ୍ୟ, ପ୍ରଭାତ ପ୍ରତାପ ସିଂ, ଅଶୋକ ଦାସ, କୁସୁମ ପ୍ରଧାନ, ଶୁଭଦ୍ରା ମିଶ୍ର, ବିନୋଦ ପାଣି, ମିତ୍ରଭାନୁ ମହାପାତ୍ର, ମହମ୍ମଦ ଗୁଲଫାମ, ଉଦ୍ଦିତ ପ୍ରଧାନ, ଦୀପକ ମହାପାତ୍ର, ଜୟଶ୍ରୀ ପାତ୍ର, ସଂଜୟ ମିଶ୍ର, କାର୍ତିକେଶ୍ୱର କାଣ୍ଡି, ସ୍ନେହା ଜେନା ପ୍ରମୁଖ ବହୁ କଂଗ୍ରେସ ନେତୃବୃନ୍ଦ ଓ କର୍ମୀ ଯୋଗଦେଇଥିଲେ ।