ଆଦିବାସୀ ଜନତା ଆଜି କଳିଙ୍ଗନଗର ଗୁଳିକାଣ୍ଡକୁ ଭୁଲିନାହିଁ

ଫୁଲବାଣୀର ଗୁମୁଡୁମାହାରେ କେଉଁ ଆଧାରରେ ଆଦିବାସୀଙ୍କୁ ହତ୍ୟା କରାଗଲା: ଧର୍ମେନ୍ଦ୍ର ପ୍ରଧାନ

Share this:

ପୁରୀ:ଓଡିଶାରେ ଯେଉଁ ଶାସନ ବ୍ୟବସ୍ଥା ଚାଲିଛି ସେହି ସରକାର ଓଡିଶାର ଆଦିବାସୀ ଭଉଣୀମାନଙ୍କର ଅଧିକ କ୍ଷତି କରିଛି ।

ଗତ ୧୯ ବର୍ଷ ଧରି ଓଡିଶାରେ ଅପାରଗ, ସ୍ଥାଣୁ, ସମ୍ବେଦନହୀନ ସରକାର ଚାଲିଛି ।

ଏ ସରକାରକୁ ପରିବର୍ତନ କରିବାର ନେତୃତ୍ୱ ଆଦିବାସୀ ଭାଇଭଉଣୀ ମାନେ ନେବେ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ପୁରୀ ତାଳବଣିଆରେ ଆଜି ଅନୁସୂଚିତ ଜନଜାତି ମୋର୍ଚ୍ଚାର ରାଷ୍ଟ୍ରୀୟ ମହାଧିବେଶନ ଅବସରରେ ଅନୁଷ୍ଠିତ ଜନଜାତି ଅଧିକାର ରାଲିରେ ଯୋଗ ଦେଇ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି ରାଜ୍ୟର ୧୯ ବର୍ଷ ଶାସନ ବ୍ୟବସ୍ଥାରେ ଆଦିବାସୀଙ୍କର ସବୁଠାରୁ ବେଶି କ୍ଷତି ହୋଇଛି ।

ଆଦିବାସୀ ଜନତା ଆଜି କଳିଙ୍ଗନଗର ଗୁଳିକାଣ୍ଡକୁ ଭୁଲିନାହିଁ । ବନ୍ଧୁକ ମୂନରେ ଆଦିବାସୀ ମାନଙ୍କୁ ଦମନ କରିବା ଏ ସରକାରଙ୍କ ଚରିତ୍ର ।

କଳିଙ୍ଗନଗର ଗୁଳିକାଣ୍ଡ ଘଟଣାରେ ଦୋଷୀ କିଏ ତାର ଉତର ନାହିଁ । ଶ୍ରୀ ପ୍ରଧାନ କହିଛନ୍ତି ଯେ ଫୁଲବାଣୀର ଗୁମୁଡୁମାହାରେ କେଉଁ ଆଧାରରେ ଆଦିବାସୀଙ୍କୁ ହତ୍ୟା କରାଗଲା । ଏହି ଘଟଣାରେ ଦୋଷୀ କିଏ ତାର କୌଣସି ଫଳ ଆସିଲାନାହିଁ ।

ଓଡିଶାର ଶିକ୍ଷା,ସ୍ୱାସ୍ଥ୍ୟର ଅଧିକ କ୍ଷତି ଆଦିବାସୀ ସହୁଛନ୍ତି ବୋଲି ସେ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ନରେନ୍ଦ୍ର ମୋଦି ଓଡିଶାର ଆଦିବାସୀ ଭାଉ ଭଉଣୀଙ୍କ ପାଇଁ ବିକାଶ ପାଇଁ (ଜିଲ୍ଲା ଖଣିଜ ପାଣ୍ଠି) ଡିଏମ୍ଏଫ୍ ଫଣ୍ଡର ବ୍ୟବସ୍ଥା କଲେ ।

ଏହି ଫଣ୍ଡରେ ୫ ହଜାର କୋଟି ଟଙ୍କା ଏକାଠୀ ହେଲା ପରେ ମଧ୍ୟ ଆଦିବାସୀଙ୍କ ବିକାଶ ପାଇଁ ପଇସା ଖର୍ଚ୍ଚ ହୋଇପାରୁନାହିଁ । ମିଛ କହୁଥିବା ସରକାର ଶାସନରେ ବସିଥିବାରୁ ଡିଏମଏଫ ଫଣ୍ଡରେ ଥିବା ଅର୍ଥ ଖର୍ଚ୍ଚ ହୋଇପାରୁନାହିଁ ବୋଲି ଶ୍ରୀ ପ୍ରଧାନ କହିଥିଲେ ।

RELATED BY

EDITOR
OFFICE