ଭୁବନେଶ୍ୱର : ଓଡ଼ିଶା ପ୍ରଦେଶ କଂଗ୍ରେସ କାର୍ଯ୍ୟାଳୟ ଠାରେ ରାଜ୍ୟ ଅଣସଂଗଠିତ ଶ୍ରମିକ ଓ କର୍ମଚାରୀ କଂଗ୍ରେସ (କେ.କେ.ସି)ର କାର୍ଯ୍ୟକାରୀ କମିଟି ବୈଠକ ରାଜ୍ୟ ଅଧ୍ୟକ୍ଷ ବିଦ୍ୟାଧର ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପିସିସି ସଭାପତି ଶ୍ରୀ ଶରତ ପଟ୍ଟନାୟକ ଯୋଗଦେଇ ଦେଶ ଓ ରାଜ୍ୟ ଏକ ସଂକଟମୟ ପରିସ୍ଥିତିରେ ଗତି କରୁଥିବା ବେଳେ ଅଖିଲ ଭାରତ କଂଗ୍ରେସ କମିଟି ପୂର୍ବତନ ସଭାପତି ଶ୍ରୀଯୁକ୍ତ ରାହୁଲ ଗାନ୍ଧୀଙ୍କ ପଦଯାତ୍ରା ସାଧାରଣ ଶ୍ରମିକ, କର୍ମଚାରୀ, ବେକାରୀ ଯୁବକ ଯୁବତୀମାନଙ୍କ ପାଇଁ ଏକ ଆହ୍ୱାନ ହେବ ବୋଲି ଶ୍ରୀ ପଟ୍ଟନାୟକ ନୂତନ ଭାବେ ୫୦ ରୁ ଉର୍ଦ୍ଧ୍ୱ ବ୍ୟକ୍ତି ମହିଳା, ଯୁବକ କଂଗ୍ରେସରେ ଯୋଗଦେଇ ଥିବାରୁ ସେମାନଙ୍କୁ ସମ୍ବର୍ଦ୍ଧନା କରିଥିଲେ । ବିଶେଷ କରି ମୟୁରଭଞ୍ଜ ଜିଲ୍ଳାରୁ ୧୫ ଜଣ ଓ ଭଦ୍ରକ, ଯାଜପୁରରୁ କଂଗ୍ରେସରେ ଯୋଗଦେବା କର୍ମୀମାନଙ୍କୁ କେ.କେ.ସିରେ କାର୍ଯ୍ୟକରିବାକୁ ନିର୍ଦ୍ଦେଶ ଦେଇଥିଲେ । ଏହି ବୈଠକରେ ପ୍ରଥମେ ବିକାଶ କୁମାର ଦାସ ସାମୁହିକ ସୂଚନା ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ କଂଗ୍ରେସ ଉପସଭାପତି ଶ୍ରୀ ଶୁଭେନ୍ଦୁ କୁମାର ମହାନ୍ତି, କଂଗ୍ରେସ ପ୍ରବକ୍ତା ମନୋରଞ୍ଜନ ଦାଶ, ସୁରେଶ ଚନ୍ଦ୍ର ମହାପାତ୍ର, ପ୍ରମୁଖ ଏହି ବୈଠକରେ ଉପସ୍ଥିତ ଥିଲେ । ମୟୁରଭଞ୍ଜ ଜିଲ୍ଲାରୁ ମନୋରଞ୍ଜନ ଜେନାଙ୍କ ନେତୃତ୍ୱରେ ଜ୍ୟୋର୍ତିମୟୀ ଜେନା, ସ୍ମୃ୍ତିରେଖା ଜେନା, ଦିନେଶ କୁମାର ବ୍ରଜ, ଦେବବ୍ରତ ପ୍ରଧାନ, କରୁଣାକର ଦାସ, ବେଣୁଧର ଜେନା, ଅଭିଶେକ ଦଳାଇ, ଚନ୍ଦ୍ରକାନ୍ତ ଜେନା, ବିବେକ ଜେନା, ସ୍ମୃତି ଜେନା, ଦୀପକ କୁମାର ଦାସ, ସ୍ମୃତି ଜେନା, ଅଜୟ ବେହେରା, ସୁଦୀପ କୁମାର ଗିରି ପ୍ରମୁଖ କଂଗ୍ରେସ ଦଳର ନୀତି ଆଦର୍ଶରେ ଅନୁପ୍ରାଣୀତ ହୋଇ ତଥା ପିସିସି ସଭାପତି ଶ୍ରୀ ଶରତ ପଟ୍ଟାନୟକଙ୍କ କାର୍ଯ୍ୟଧାରାରେ ପ୍ରଭାବିତ ହୋଇ କଂଗ୍ରେସ ଦଳରେ ସାମିଲ ହୋଇଛନ୍ତି । ଏହି ବୈଠକରେ ଓଡ଼ିଶା ଅଣସଂଗଠିତ ଶ୍ରମିକ କର୍ମଚାରୀ କଂଗ୍ରେସର ସମସ୍ତ ଜିଲ୍ଲା ଅଧ୍ୟକ୍ଷମାନେ ଉପସ୍ଥିତ ଥିଲେ ।