ସମ୍ବଲପୁର : (ଅନୀଲ ଶ୍ରୀରାମକାଙ୍କ ଠାରୁ) କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହଧର୍ମିଣୀ ଶ୍ରୀମତୀ ମୃଦୁଳା ଠାକୁର ପ୍ରଧାନ ଆଜି ମୁଦିପଡା ଜଗନ୍ନାଥ ମନ୍ଦିର ଦର୍ଶନ କରିବା ସହିତ ବିଶ୍ଵ ମଙ୍ଗଳ ପାଇଁ କାମନା କରିଛନ୍ତି । ଆଜି ସକାଳେ ଶ୍ରୀମତୀ ପ୍ରଧାନ ମନ୍ଦିର ରେ ପହଞ୍ଚିବା ପରେ ତାଙ୍କୁ ପୁଷ୍ପମାଲ୍ଯ ଦେଇ ମହିଳା ମାନେ ସ୍ବାଗତ କରିଥିଲେ । ପରେ ସେ ସକାଳ ଆଳତୀ ରେ ସାମିଲ୍ ହେବାସହ ନିଜର ପରିବାର ତଥା ବିଶ୍ଵର ମଙ୍ଗଳ କାମନା କରି ମହାପ୍ରଭୁଙ୍କ ନିକଟରେ ପୁଷ୍ପାଞ୍ଜଳୀ ପ୍ରଦାନ କରିଥିଲେ । ଏହି ଅବସରରେ ସେ ମନ୍ଦିରର ନିର୍ମାଣ, ଇତିହାସ ଆଦି ପଚାରି ବୁଝିବା ସହିତ ମନ୍ଦିରର ଗମ୍ଭୀରା ତଥା ପରିବେଶର ପରିଷ୍କାର ପରିଚ୍ଛନ୍ନତା ର ପ୍ରଶଂସା କରିଥିଲେ । ଆଗାମୀ ଦିନରେ ପୁଣି ମନ୍ଦିର ପରିଦର୍ଶନ ପାଇଁ ପ୍ରତିଶ୍ରୁତି ଦେଇଥିଲେ । ଏହି ଅବସରରେ ସେ ଉପସ୍ଥିତ ମହିଳା ଭକ୍ତ ମାନଙ୍କ ସହିତ ଆଲୋଚନା କରିଥିଲେ । ଶ୍ରୀମତୀ ପ୍ରଧାନଙ୍କ ସହିତ ବଜରଙ୍ଗ ଦଳ ପଶ୍ଚିମ ଓଡିଶା ପ୍ରାନ୍ତ ସଂଯୋଜକ ସୁଧୀର ରଞ୍ଜନ ବହିଦାର ମଧ ଉପସ୍ଥିତ ଥିଲେ ।