ଭୁବନେଶ୍ୱର : ଆଜିର ଆଇଟି ଯୁଗରେ ସୋସିଆଲ ମିଡିଆର ଭୁମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବିଶେଷ ଭାବେ ଯୁବପୀଢି ସୋସିଆଲ ମିଡିଆରେ ଯୋଡି ହୋଇ ରହିଛନ୍ତି । କେନ୍ଦ୍ର ସରକାର ଓ ପ୍ରଧାନମନ୍ତ୍ରୀ ମୋଦିଙ୍କ ପ୍ରତି ଦେଶବାସୀଙ୍କ ବିଶ୍ୱାସ ଓ ଭରଷା ବଢୁଛି ଏବଂ ନମୋ ଆପ୍ ଜରିଆରେ ଏହା ସ୍ପଷ୍ଟ ପରିଲକ୍ଷିତ ହେଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶାସନକୁ ଆସିବା ପରେ ମହିଳା ସଂରକ୍ଷଣ, ପ୍ରତ୍ୟେକ ଘରେ ପିଇବା ପାଣିର ସୁବ୍ୟବସ୍ଥା, ଶୌଚାଳୟ, ଗରୀବଙ୍କୁ ଆବାସ, ବୃଦ୍ଧଙ୍କୁ ପେନସନ୍, କୃଷକଙ୍କୁ ପିଏମ୍ ସମ୍ମାନନିଧି ଅନେକ ଯୋଜନା କରିଛନ୍ତି । ଏହି ଯୋଜନାର ଲାଭ ପ୍ରତ୍ୟେକ ଗରିବ ଲୋକ ପାଇବାର ସୁବ୍ୟବସ୍ଥା ମଧ୍ୟ କରିଛନ୍ତି । ଆଜି ଦେଶର ଯୁବପୀଢ଼ି ମୋଦିଜୀଙ୍କ ବିକଶିତ ଭାରତ ସହ ଯୋଡିବାକୁ ଚାହୁଛନ୍ତି ଏବଂ ବିକଶିତ ଭାରତ ସହ ସଂଯୋଗ ହେବାକୁ ଚାହୁଛନ୍ତି । ଏହି ପରିପ୍ରେକ୍ଷୀରେ “ନମୋ ଆପ୍-ବିକଶିତ ଭାରତ”ର ବଡ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆଜି ଭୁବନେଶ୍ୱର ୨୯ନମ୍ବର ୱାର୍ଡରେ ବନଦୁର୍ଗା ମନ୍ଦିର ପ୍ରାଙ୍ଗଣରେ ଯୁବମୋର୍ଚ୍ଚା ରାଜ୍ୟ ସଭାପତି ଶ୍ରୀ ଅଭିଳାଷ ପଣ୍ଡାଙ୍କ ଅଧ୍ୟକ୍ଷତାରେ ‘ନମୋ ଯୁବ ମତଦାତା ବୈଠକ’ ଅନୁଷ୍ଠିତ ହୋଇଯାଇଛି । ବୈଠକକୁ ରାଜ୍ୟ ନିର୍ବାଚନ ସହପ୍ରଭାରୀ ସୁଶ୍ରୀ ଲତା ଉସେଣ୍ଡି ଉଦ୍ଘାଟନ କରିଥିଲେ । ଆସନ୍ତା ମାର୍ଚ୍ଚ ୫ତାରିଖ ସୁଦ୍ଧା ଓଡିଶାର ସମସ୍ତ ପଞ୍ଚାୟତରେ ନମୋ ଯୁବ ମତଦାତା ବୈଠକ ଅନୁଷ୍ଠିତ ହେବ ବୋଲି ଯୁବମୋର୍ଚ୍ଚା ରାଜ୍ୟ ସଭାପତି ଶ୍ରୀ ପଣ୍ଡା କହିଛନ୍ତି । ନରେନ୍ଦ୍ର ମୋଦିଙ୍କ ଲକ୍ଷ୍ୟ ଭବିଷ୍ୟତ ପିଢ଼ିର ବିକାଶ । ପ୍ରଧାନମନ୍ତ୍ରୀ ମୋଦିଜୀ ୨୦୪୭ରେ ଦେଶକୁ ବିଶ୍ୱଗୁରୁ କରିବାର ସଂକଳ୍ପ ନେଇଛନ୍ତି । ୨୦୨୪ ସାଧାରଣ ନିର୍ବାଚନରେ କେନ୍ଦ୍ରରେ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ତୃତୀୟଥର ପାଇଁ ବିଜେପି ସରକାର କରିବାକୁ ଯାଉଥିବାବେଳେ ଓଡିଶାରେ ମଧ୍ୟ ବିଜେପି ପୂର୍ଣ୍ଣ ବହୁମତରେ ସରକାର ଗଠନ କରିବ । ଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶାସନକୁ ଆସିବା ପରେ ଓଡ଼ିଶାକୁ ଗୁରୁତ୍ୱ ଦେବା ସହ ଦେଶକୁ ବିଶ୍ୱଗୁରୁ କରିବାର ସଂକଳ୍ପ ନେଇଛନ୍ତି । ମୋଦିଜୀଙ୍କ ପାଇଁ ଦେଶ ଆଜି ସବୁ କ୍ଷେତ୍ରରେ ବିକଶିତ ହେବା ସହ ବିଶ୍ୱରେ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି । ମୋଦିଜୀଙ୍କ ଦେଶ ପ୍ରତି ଅହେତୁକ ଅନୁକମ୍ପା ଓ ତାଙ୍କ କାର୍ଯ୍ୟଶୈଳୀକୁ ଆଜିର ଯୁବପିଢ଼ୀ ଅନୁସରଣ କରିବାକୁ ସୁଶ୍ରୀ ଉସେଣ୍ଡି ଓଡିଶାର ଯୁବବର୍ଗଙ୍କୁ ଆହ୍ୱାନ କରିଛନ୍ତି । ଓଡ଼ିଶାର ବିକାଶ ପାଇଁ ମୋଦିଜୀ ଆବାସ, ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା, ଶୌଚାଳୟ, ଉଜ୍ଜ୍ୱଳା, କିଷାନ ସମ୍ମାନ ନିଧି ଯୋଜନା ଇତ୍ୟାଦି କରିଥିଲେ ମଧ୍ୟ ରାଜ୍ୟ ସରକାର ତାହାକୁ ଓଡ଼ିଶାବାସୀଙ୍କୁ ଦେବାରେ ବାଧା ସୃଷ୍ଟି କରୁଛନ୍ତି । କେନ୍ଦ୍ରୀୟ ଯୋଜନାରୁ ରାଜ୍ୟବାସୀ ବିଞ୍ଚିତ ହେବେ, ସେ ନେଇ ହୀନ ଷଡଯନ୍ତ୍ର କରୁଛନ୍ତି ନବୀନ ସରକାର । ସେହିଭଳି ସ୍ମାର୍ଟସିଟି ଭୁବନେଶ୍ୱର ନାଁରେ ଆସୁଥିବା ଅର୍ଥକୁ ଅନାବଶ୍ୟକ କାର୍ଯ୍ୟରେ ଲଗାଇ ରାଜ୍ୟ ସରକାର ନିଜର ଦଳୀୟ କର୍ମୀ ଏବଂ ଅଣଓଡ଼ିଆ କଂଟ୍ରାକ୍ଟରମାନଙ୍କୁ ପୋଷୁଛନ୍ତି ବୋଲି ରାଜ୍ୟ ଯୁବମୋର୍ଚ୍ଚା ପ୍ରଭାରୀ ତଥା ରାଜ୍ୟ ଉପସଭାପତି ଶ୍ରୀ ବିରଂଚି ତ୍ରିପାଠୀ କହିଛନ୍ତି । ଏହି ଅବସରରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜଗନ୍ନାଥ ପ୍ରଧାନ, ଯୁବମୋର୍ଚ୍ଚା ରାଜ୍ୟ ସମ୍ପାଦକ ଜୀବନ ରାଉତ, ସୁବ୍ରତ ବିଶ୍ୱାଳ, ରାଜ୍ୟ ସଂଯୋଜକ ଚଣ୍ଡୀ ପ୍ରସାଦ ବେହେରା ପ୍ରମୁଖ ଉପସ୍ଥିତ ଥିଲେ ।