ମହାପ୍ରଭୁ ଶ୍ରୀଜଗନ୍ନାଥ ହେଉଛନ୍ତି ସର୍ବଧର୍ମ ସମନ୍ୱୟର ଇଶ୍ୱର

ଶ୍ରୀଜଗନ୍ନାଥଙ୍କ ନାମ ନେବା ଏବଂ ଆମ ଦେହ ଓ ମନକୁ ପବିତ୍ର ରଖି ଦିବ୍ୟ ଜୀବନ ଅତିବାହିତ କରିବା

ମହାପ୍ରଭୁ ଶ୍ରୀଜଗନ୍ନାଥ ହେଉଛନ୍ତି ସର୍ବଧର୍ମର ସମନ୍ୱୟର ଇଶ୍ୱର । ବିଭିନ୍ନ ଯୁଗରେ ପ୍ରକଟ ହୋଇଥିବା ଅବତାର ହେଉଛନ୍ତି ସ୍ୱୟଂ ଜଗନ୍ନାଥ ।

ତ୍ରେତୟାରେ ସେ ହିଁ ପୁରୁଷୋତମ ଶ୍ରୀରାମ ହୋଇ ପ୍ରକଟ ହୋଇ ରାବଣ ଓ ଅନ୍ୟାନ୍ୟ ଅସୁରକୁ ଶାନ୍ତ କରି ଧର୍ମ ସଂସ୍ଥାପନ କରିଥିଲେ ।

ଦ୍ୱାପର ଯୁଗରେ ଦେବକୀନନ୍ଦନ, ଗୋପୀରତ୍ନ ଓ ଯୋଶଦାକୋଳମଣ୍ଡନକାରୀ ଯୋଗେଶ୍ୱର ଶ୍ରୀକୃଷ୍ଣଙ୍କ ରୂପରେ ଉଭା ହୋଇ ଅନେକ ଲୀଳା ମାଧ୍ୟମରେ ସାରା ଜଗତରେ ପ୍ରେମ ଓ ଆନନ୍ଦର ସନ୍ଦେଶ ପ୍ରତିଷ୍ଠା କରିଥିଲେ । ପୁଣି ବୁଦ୍ଧରୂପରେ ସାରା ବିଶ୍ୱରେ ଅହିଂସା ଓ ଶାନ୍ତି ମାର୍ଗଦର୍ଶନର ଶିକ୍ଷା ଦେଇଥିଲେ ।

ସବୁ ଅବତାର ସେହି, ପୁଣି ସେ ଅବତାରୀ । କଳିଯୁଗରେ ଏକ ମାତ୍ର ଅବତାର ପ୍ରଭୁ ଶ୍ରୀଜଗନ୍ନାଥ । ସେ ହିଁ କକ୍କୀ । ସେ ହିଁ ଆମର ସୃଷ୍ଟିକର୍ତା । ସେ ହିଁ ଆମର ତ୍ରାଣକର୍ତା ।

ବିଶ୍ୱର ଆଦି ଗୁରୁ ହେଉଛନ୍ତି ମହାପ୍ରଭୁ ଶ୍ରୀଜଗନ୍ନାଥ । ସେ ହିଁ ବିଶ୍ୱଗୁରୁ । ତାଙ୍କୁ କିଏ ପ୍ରଣାମ ନକରେ କହିଲେ ? ସଂସାରରେ କୋଟି କୋଟି ଭକ୍ତ ତାଙ୍କ ଭକ୍ତିରେ ମୋହିତ ହେଉଛନ୍ତି ।

ଜଗନ୍ନାଥଙ୍କ ଭକ୍ତିରେ ମଜି ଆନନ୍ଦ ଅମୃତ ପାଇଛନ୍ତି । ଦୁନିଆରେ ସବୁ ଜିନିଷ ଦିନେ ନା ଦିନେ ନାଶ ଯିବ, କିନ୍ତୁ ପ୍ରଭୁ ହେଉଛନ୍ତି ଅକ୍ଷୟ ।

ସଂସାରର ସବୁ ଜିନିଷକୁ ବ୍ୟକ୍ତ କରିହେବ, କିନ୍ତୁ ଇଶ୍ୱର ହେଉଛନ୍ତି ଅବ୍ୟକ୍ତ । ଏହି ଜଗତରେ ଯାହାର ଆଦି ଅଛି, ତାହାର ନିଶ୍ଚିତ ଅନ୍ତ ଅଛି । କିନ୍ତୁ ମହାପ୍ରଭୁ ହେଉଛନ୍ତି ଅନାଦି, ଅନନ୍ତ ଓ ଅମର ।

ଏଭଳି ମହାପ୍ରଭୁଙ୍କୁ ଭକ୍ତି କଲେ, ପ୍ରଣାମ କଲେ ନିଶ୍ଚିତ ଭାବେ ଅଶାନ୍ତ ମନରେ ମଧ୍ୟ ଆନନ୍ଦର ଜୁଆର ସୃଷ୍ଟି ହୁଏ । ଶ୍ରୀଜଗନ୍ନାଥଙ୍କ ନାମ ଓ ଗୀତକୁ ପ୍ରେମ ଓ ସ୍ନେହ ସହକାରେ ଭଜନ୍ତୁ । ସେ ଭାବର ଠାକୁର । ଭକ୍ତର ଭାବରେ ସେ ବନ୍ଧା । ପ୍ରଭୁ ସିନା ଜଗତର ମାଲିକ । କିନ୍ତୁ ଭକ୍ତ ନିକଟରେ ପ୍ରଭୁ କବଳିତ ।

ଭକ୍ତର ଭାବ ପାଖରେ ସେ ଦୁର୍ବଳ । ତେଣୁ ‘ଗୀତ ଶ୍ରୀଜଗନ୍ନାଥ’ ପୁସ୍ତକରେ କୁହାଯାଇଛି, “ସ୍ନେହଭାବେ ଭଜ ଜଗନ୍ନାଥ ଗୀତ, ଭକ୍ତ କବଳିତ ପ୍ରଭୁ ଜଗନ୍ନାଥ” ।

ଆମେ ପ୍ରଭୁଙ୍କ ନିକଟବର୍ତୀ ହେବା ପାଇଁ କଣ କରୁଛେ, ଏହା ଆମକୁ ଚିନ୍ତା କରିବା ଦରକାର । ପ୍ରଭୁଙ୍କ ନିକଟବର୍ତୀ ହେବା ପାଇଁ ଆମେ କଣ ଦିବ୍ୟ ମାର୍ଗକୁ ଆପଣେଇଛେ କି ? ଆମେ କଣ ଆମ ପାଇଁ କିଛି ନିୟମ କରିଛେ କି ? ତେବେ ଆମ ପାଖକୁ କିଭଳି ପ୍ରଭୁଙ୍କ ଦିବ୍ୟ କୃପା ପଂହଚିବ ? ଜଗତର ବାନ୍ଧବ ସେହି ଶ୍ରୀରାମ କେଶବ ଶ୍ରୀଜଗନ୍ନାଥ । କିନ୍ତୁ ଆମେ ତାଙ୍କ ସହ ବନ୍ଧୁତ୍ୱ କରିବା ପାଇଁ କେତେ ଦୂର ପ୍ରସ୍ତୁତେ ରହୁଛେ ? ଆମେ ପ୍ରଭୁଙ୍କ ଦ୍ୱାରା ପ୍ରତିଷ୍ଠିତ ମାର୍ଗରେ ନ ଯିବାର କାରଣ କଣ ? ଆମେ ପ୍ରଭୁଙ୍କ ଜାଣିବା ଦରକାର ଓ ସବୁବେଳେ ମନନ ସ୍ମରଣ କରିବା ଦରକାର । ଏହି ଦେହରେ ହିଁ ବିଶ୍ୱାତ୍ମା ପ୍ରଭୁ ଜଗନ୍ନାଥ ବ୍ରହ୍ମ ରୂପରେ ଅବସ୍ଥାନ କରିଛନ୍ତି, ତାହା ବୁଝିବା ଦରକାର ।

କୋଟିତୀର୍ଥ ସମ ଏହି ନୀଳାଚଳ ଧାମ ଭଳି ଆମ ଶରୀର ପବିତ୍ର । ଆମେ କାହିଁକି ତାକୁ ମଦ, ମାଂସ, ନିଶାରେ ଅପବିତ୍ର କରୁଛେ? ଆମ ଦେହ ଶ୍ରୀମନ୍ଦିର । ତାରି ଭିତରେ ମହାପ୍ରଭୁ ଅବସ୍ଥାନ କରୁଛନ୍ତି ।

ଏହା ଯଦି ଆମେ ଭାବୁଛେ, ତାହାଲେ ଶରୀର ଶ୍ରୀମନ୍ଦିରକୁ ଆମେ ଜାଣିଶୁଣି ନଷ୍ଟ କରୁଛେ କାହିଁକି ? ଆସନ୍ତୁ ଶ୍ରୀଜଗନ୍ନାଥଙ୍କ ନାମ ନେବା ଏବଂ ଆମ ଦେହ ଓ ମନକୁ ପବିତ୍ର ରଖି ଦିବ୍ୟ ଜୀବନ ଅତିବାହିତ କରିବା ।

ଶ୍ରୀ ଅଖଣ୍ଡ,ଦୀକ୍ଷା ମିଶନ, ପିପିଲି, ପୁରୀ, ମୋ – ୭୦୦୮୮୧୬୮୯୧

Categories
RELIGION
Newsroll

RELATED BY

  • ଜହ୍ନ ଉପରେ ଶୟନ ଗଜାନନ

    ଚନ୍ଦ୍ରାୟନ – ୦୨କୁ ମନେ ରଖିବା ପାଇଁ କଟକ ଜିଲ୍ଲା ନିଆଳି ବ୍ଲକର ପୋଖରୀଗାଁ ର “ପୋଖରୀଙ୍ଗା ଯୁବଗୋଷ୍ଠୀ” ଜହ୍ନ/ଚନ୍ଦ୍ର ଉପରେ ଶୟନ ବେଶରେ ଥିବା ଗଜାନନ ମହାପ୍ରଭୁଙ୍କୁ ଏଥର ପୂଜା କରିଛନ୍ତି । ଦୀର୍ଘ ବର୍ଷ ଧରି ଏହି...
  • କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ମୂର୍ତ୍ତି ପ୍ରଦାନ

    ନୂଆଦିଲ୍ଲୀ/ଭୁବନେଶ୍ୱର: ପ୍ରତିଷ୍ଠିତ ଓଡିଆ ସ୍ଥପତି ତଥା ରାଜ୍ୟସଭା ସାଂସଦ ପଦ୍ମବିଭୂଷଣ ରଘୁନାଥ ମହାପାତ୍ର ଗୁରୁବାର କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ମାଁ ଲକ୍ଷ୍ମୀଙ୍କର ସୂକ୍ଷ୍ମ କାରୁକାର୍ଯ୍ୟ ପୂର୍ଣ୍ଣ ମୂର୍ତ୍ତି ଉପହାର ସ୍ୱରୂପ ପ୍ରଦାନ କରିଛନ୍ତି । ଓଡିଶାର ଅନ୍ୟାନ୍ୟ ସାଂସଦ...
  • ସୂର୍ଯ୍ୟଙ୍କୁ କେଉଁ ମାସରେ କେଉଁ ମନ୍ତ୍ରରେ ପୂଜା

    ବୈଶାଖ: ମନ୍ତ୍ର: ‘ଓଁ ତପନାଥାୟ ନମଃ’ ଫଳ:ସୁଖ ସମୃଦ୍ଧି, ଭାଗ୍ୟୋଦୟ, ମିତ୍ରପ୍ରାପ୍ତି । ଜ୍ୟେଷ୍ଠ: ମନ୍ତ୍ର: ‘ଓଁ ମିତ୍ରାୟ ନମଃ’ ଫଳ: କୁଷ୍ଠମୁକ୍ତି, ଶକ୍ତି ବୃଦ୍ଧି ଆଷାଢ଼: ମନ୍ତ୍ର: ‘ଓଁ ରବୟେ ନମଃ’ ଫଳ: ଦାରିଦ୍ର‌୍ୟ ଦୂର ହୁଏ, ନିରାମୟ...
  • ରଥଯାତ୍ରା ଆରମ୍ଭ

    ଆଜି ଠାରୁ ପୁରୀରେ ରଥଯାତ୍ରା ଆରମ୍ଭ ହୋଇଛି । ଏହା ପ୍ରାୟ ୯ ଦିନ ଧରି ଚାଲିବ । ମହାପ୍ରଭୁ ଜଗନ୍ନାଥ, ସୁଭଦ୍ରା ଏବଂ ବଳଭଦ୍ର ଆଜି ଭିନ୍ନ ଭିନ୍ନ ତିନୋଟି ରଥରେ ବସି ଗୁଣ୍ଡିଚା ମନ୍ଦିରକୁ ଯାତ୍ରା କରିଛନ୍ତି...