ମସ୍କୋରେ ଖୋଲିବ ଇସ୍ରୋ ବୈଷୟିକ ସହାୟକ ୟୁନିଟ 

ମହାକାଶକୁ ମାନବ ଅଭିଯାନ ପଠାଇବା ଉଦ୍ଦେଶ୍ୟରେ ବୈଷୟିକ ସମନ୍ୱୟ ପ୍ରତିଷ୍ଠା ଲକ୍ଷ୍ୟ

ରୁଷର ମସ୍କୋଠାରେ ଇସ୍ରୋ ବୈଷୟିକ ସହାୟକ ୟୁନିଟ (ଆଇଟିଏଲୟୁ) ଖୋଲିବା ପାଇଁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି ।

ଆର୍ଥିକ ବ୍ୟବସ୍ଥା : – ରୁଷର ମସ୍କୋରେ ଖୋଲାଯିବାକୁ ଥିବା ଆଇଟିଏଲୟୁରେ କର୍ମଚାରୀଙ୍କ ଦରମା, କାର୍ଯ୍ୟାଳୟ ଖର୍ଚ୍ଚ, ଭଡା ଓ କର ବାବଦରେ ବାର୍ଷିକ ପାଖାପାଖି ୧.୫୦ କୋଟି ଟଙ୍କା ବ୍ୟୟ ହେବ ।

ବିବରଣୀ : ମସ୍କୋରେ ଇସ୍ରୋ ବୈଷୟିକ ସହାୟକ ୟୁନିଟ (ଆଇଟିଏଲୟୁ) ମାଧ୍ୟମରେ ରୁଷ ଓ ପଡୋଶୀ ଦେଶ ସହ ଯଥା ସମୟରେ ଇସ୍ରୋର ବିଭିନ୍ନ କାର୍ଯ୍ୟକ୍ରମ ସମ୍ବନ୍ଧୀୟ ବିବିଧ ବିଷୟ ଉପରେ ଫଳପ୍ରଦ ଭାବେ ବୈଷୟିକ ସମନ୍ୱୟ ରକ୍ଷା କରାଯାଇପାରିବ ।

ଆଇଟିଏଲୟୁରେ ନିଯୁକ୍ତ ସମନ୍ୱୟ ଅଧିକାରୀ ସମ୍ପୃକ୍ତ ଦେଶରେ ବିଭିନ୍ନ ଗବେଷଣା, ପ୍ରଯୁକ୍ତି ବିଦ୍ୟା ଓ ଗବେଷକ, ସରକାରୀ ଏଜେନ୍ସି ଏବଂ ଶିଳ୍ପାନୁଷ୍ଠାନ ସହ ହୋଇଥିବା ବୈଠକରୁ ମିଳିଥିବା ବୈଷୟିକ ସୂଚନା ପ୍ରଦାନ କରିବେ ।

ମହାକାଶ ପ୍ରଯୁକ୍ତି ବିଦ୍ୟା ଉପରେ ଚାଲିଥିବା ଦ୍ୱିପାକ୍ଷିକ କାର୍ଯ୍ୟକ୍ରମକୁ ସେମାନେ ସମର୍ଥନ କରିବେ ଏବଂ ଇସ୍ରୋ ପକ୍ଷରୁ ଏନେଇ କାର୍ଯ୍ୟ କରିବେ ।

ଲାଭ : ପାରସ୍ପରିକ ପଦକ୍ଷେପ ଓ ଫଳାଫଳ ନେଇ ଇସ୍ରୋ ରୁଷ ଏବଂ ଅନ୍ୟାନ୍ୟ ପଡୋଶୀ ଦେଶର ମହାକାଶ ଏଜେନ୍ସି ଓ ଶିଳ୍ପ ସହ ଏକାଠି କାର୍ଯ୍ୟ କରିପାରିବ ।

ଇସ୍ରୋର ମହାକାଶଯାନ କାର୍ଯ୍ୟକ୍ରମ ପାଇଁ କିଛି ଗୁରୁତ୍ୱପୂର୍ଣ୍ଣ ପ୍ରଯୁକ୍ତି ବିଦ୍ୟା ଓ ସ୍ୱତନ୍ତ୍ର ସୁବିଧା ନିର୍ମାଣ କରିବାର ଆବଶ୍ୟକତା ରହିଛି, ଯାହାକି ମହାକାଶରେ ଜୀବନଧାରଣ କରିବାରେ ସହାୟକ ହେବ ।

୧୫ ଅଗଷ୍ଟ, ୨୦୨୨ ସୁଦ୍ଧା ମହାକାଶକୁ ମାନବ ଅଭିଯାନ ପଠାଇବାର ଲକ୍ଷ୍ୟକୁ ବାସ୍ତବ ରୂପ ଦେବା ପାଇଁ ଆନ୍ତର୍ଜାତିକ ମହାକାଶ ଏଜେନ୍ସି ଠାରୁ ବୈଷୟିକ ସହାୟତା ନେବା ଆବଶ୍ୟକ ହେବ ।

ଏହି ସଂସ୍ଥାଗୁଡିକ କେତେକ ନିର୍ଦ୍ଦିଷ୍ଟ କ୍ଷେତ୍ରରେ ବୈଷୟିକ ପାରଦର୍ଶିତା ପ୍ରଦର୍ଶିତ କରିସାରିଛନ୍ତି । ମହାକାଶ ବିଜ୍ଞାନ କ୍ଷେତ୍ରରେ ରୁଷ ଏକ ଉନ୍ନତ ରାଷ୍ଟ୍ର ହୋଇଥିବାରୁ ବିଭିନ୍ନ ପ୍ରାସଙ୍ଗିକ କ୍ଷେତ୍ରରେ ଏହି ଦେଶ ସହିତ ବ୍ୟାପକ ଭାବେ ସଂଯୁକ୍ତ ହେବାପାଇଁ ଲକ୍ଷ୍ୟ ରଖାଯାଇଛି ।

କାର୍ଯ୍ୟକାରୀତା ରଣନୀତି : ମସ୍କୋରେ ପ୍ରତିଷ୍ଠା ହେବାକୁ ଥିବା ଆଇଟିଏଲୟୁ ଜଣେ ଇସ୍ରୋ ବୈଜ୍ଞାନିକ/ଇଂଜିନିୟରଙ୍କ ଦ୍ୱାରା ପରିଚାଳିତ ହେବ, ଯାହାଙ୍କୁ ମହାକାଶ ପରାମର୍ଶଦାତା କୁହାଯିବ ।

ସେ ଇସ୍ରୋ ଦ୍ୱାରା ନିର୍ଦ୍ଦିଷ୍ଟ କାର୍ଯ୍ୟକାଳ ପାଇଁ ଏଠାରେ ନିଯୁକ୍ତ ହେବେ । ତାଙ୍କୁ ଜଣେ ଆଂଚଳିକ ଷ୍ଟାଫ୍ ସହାୟତା କରିବେ । ଅନୁମୋଦନର ୬ ମାସ ମଧ୍ୟରେ ଏହି ପ୍ରକ୍ରିୟାର କାର୍ଯ୍ୟାନ୍ୱୟନ ଶେଷ ହେବ ।

ପ୍ରଭାବ : ଆଇଟିଏଲୟୁରେ ନିଯୁକ୍ତ ସମନ୍ୱୟ ଅଧିକାରୀ ସମ୍ପୃକ୍ତ ଦେଶରେ ବିଭିନ୍ନ ଗବେଷଣା, ପ୍ରଯୁକ୍ତି ବିଦ୍ୟା ଓ ଗବେଷକ, ସରକାରୀ ଏଜେନ୍ସି ଏବଂ ଶିଳ୍ପାନୁଷ୍ଠାନମାନଙ୍କ ସହ ହୋଇଥିବା ବୈଠକରୁ ମିଳିଥିବା ବୈଷୟିକ ସୂଚନା ପ୍ରଦାନ କରିବେ । ମହାକାଶ ପ୍ରଯୁକ୍ତି ବିଦ୍ୟା ଉପରେ ଚାଲିଥିବା ଦ୍ୱିପାକ୍ଷିକ କାର୍ଯ୍ୟକ୍ରମକୁ ସେମାନେ ସମର୍ଥନ କରିବେ ଏବଂ ଇସ୍ରୋ ପକ୍ଷରୁ ଏନେଇ କାର୍ଯ୍ୟକରିବେ ।

Categories
INTERNATIONAL
Newsroll

RELATED BY

  • ୨୦୨୪ ସୁଦ୍ଧା ତୈଳ ଓ ଗ୍ୟାସ କ୍ଷେତ୍ରରେ ୧୦୦ ବିଲିୟନ ପୁଞ୍ଜିନିବେଶ କରିବ ଭାରତ – ଧର୍ମେନ୍ଦ୍ର ପ୍ରଧାନ

    ଆବୁଧାବୀ/ଭୁବନେଶ୍ୱର: ତୈଳ ଓ ଗ୍ୟାସ କ୍ଷେତ୍ରରେ ବିଶ୍ୱ ପୁଞ୍ଜିନିବେଶକାରୀଙ୍କୁ ଆକୃଷ୍ଟ କରିବା ଆମର ଲକ୍ଷ୍ୟ । ଏହି ମର୍ମରେ ୨୦୨୪ ସୁଦ୍ଧା ଭାରତ ରିଫାଇନିଂ, ପାଇପଲାଇନ ଏବଂ ଗ୍ୟାସ ଟର୍ମିନାଲରେ ୧୦୦ ବିଲିୟନ ପୁଞ୍ଜିନିବେଶ କରିବ । ଉର୍ଜା କ୍ଷେତ୍ରରେ...
  • ଦୁଇଦିନିଆ ୟୁଏଇ ଗସ୍ତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

    ନୂଆଦିଲ୍ଲୀ/ ଭୁବନେଶ୍ୱର: ନଭେମ୍ବର ୧୦ ତାରିଖରୁ ୧୨ ତାରିଖ ପର୍ଯ୍ୟନ୍ତ ଦୁଇଦିନିଆ ୟୁଏଇ ଗସ୍ତରେ ଯାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଶ୍ରୀ ପ୍ରଧାନଙ୍କ ସହ ଉଚ୍ଚସ୍ତରୀୟ ସରକାରୀ ଅଫିସର ମଣ୍ଡଳି ସହ ଏକ ବ୍ୟବସାୟିକ ପ୍ରତିନିଧି ମଣ୍ଡଳି ମଧ୍ୟ...
  • ଜାପାନର ଅର୍ଥମନ୍ତ୍ରୀଙ୍କୁ ଭେଟି ତୈଳ, ଗ୍ୟାସ ଏବଂ ଇସ୍ପାତ୍ କ୍ଷେତ୍ରର ସମୀକ୍ଷା କଲେ ଧର୍ମେନ୍ଦ୍ର ପ୍ରଧାନ

    ଜାପାନ/ଭୁବନେଶ୍ୱର: ଭାରତରେ ବଢୁଥିବା ଇସ୍ପାତ୍ ଚାହିଦା ଇସ୍ପାତ୍ ଶିଳ୍ପକୁ ଦ୍ରୁତ ବିକାଶ ଆଡକୁ ନେବ ବୋଲି ପାଞ୍ଚଦିନିଆ ବିଦେଶ ଗସ୍ତର ଅନ୍ତିମ ଦିନରେ ଜାପାନର ରାଜଧାନୀ ଟୋକିଓ ଠାରେ ଆୟୋଜିତ ଇସ୍ପାତ ଶିଳ୍ପର କ୍ଷମତା ବୃଦ୍ଧି ଉପରେ ଗ୍ଲୋବାଲ ଫୋରମ...
  • ଜାପାନର ପ୍ରମୁଖ ଇସ୍ପାତ୍ କମ୍ପାନୀର ମୁଖ୍ୟଙ୍କ ସହ ଆଲୋଚନା କଲେ ଧର୍ମେନ୍ଦ୍ର ପ୍ରଧାନ

    ଜାପାନ/ଭୁବନେଶ୍ୱର : ଭାରତର ବିକାଶ ଯାତ୍ରାରେ ଜାପାନର ଇସ୍ପାତ ଶିଳ୍ପ ଭାଗିଦାର ହେବ ବୋଲି ପାଞ୍ଚଦିନିଆ ଋଷ ଓ ଜାପାନ ଗସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ଜାପାନର ପ୍ରମୁଖ ଇସ୍ପାତ ଉତ୍ପାଦନକାରୀ କମ୍ପାନୀର ମୁଖ୍ୟ ଓ ପ୍ରତିନିଧିମାନଙ୍କୁ...