ଜେ.ଏନ୍.ୟୁ ବିଶ୍ୱବିଦ୍ୟାଳୟରୁ ପି.ଏଚ୍.ଡ଼ି ପାଇଲେ ଓଡ଼ିଆ ଝିଅ

ସୌମ୍ୟା ଶର୍ମିଷ୍ଠା

ନୂଆଦିଲ୍ଲୀ, (ଓ.ଏନ୍‍.ବ୍ୟୁରୋ) : ଓଡ଼ିଆ ଝିଅ ସୌମ୍ୟା ଶର୍ମିଷ୍ଠା ମଲ୍ଲିକ ଇତିମଧ୍ୟରେ ବିଶ୍ୱ ବିଖ୍ୟାତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ, ନୂଆଦିଲ୍ଲୀରୁ ସମାଜ ବିଜ୍ଞାନରେ ଡ଼କ୍ଟର ଅଫ ପିଲୋସଫି ଡ଼ିଗ୍ରୀ ହାସଲ କରିଛନ୍ତି ।

ପି.ଏଚ୍.ଡ଼ି ରେ ତାଙ୍କର ସନ୍ଦର୍ଭଟି ହେଉଛି “ସୋସିଓ – କଲଚୁରାଲ ଡ଼ାଇନାମିକସ୍ ଅଫ ଆଣ୍ଟି-ଏଜିଙ୍ଗ୍ ଟ୍ରିଟମେଣ୍ଟ: ଏ କେସ୍‍ ଷ୍ଟଡ଼ି ଇନ୍ କଟକ”

ସେ ଜେ.ଏନ୍.ୟୁ ବିଶ୍ୱବିଦ୍ୟାଳୟର ସମାଜ ବିଜ୍ଞାନ ବିଭାଗର ପ୍ରଫେସର ଡ଼କ୍ଟର ରେଣୁକା ସିଂହ ତଥା ଡ଼କ୍ଟର ରଥିସ୍ କୁମାରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଗବେଷଣା କରୁଥିଲେ ।

ବିଶ୍ୱ ବିଖ୍ୟାତ ସମାଜ ବିଜ୍ଞାନୀ ପ୍ରଫେସର ବିବେକ କୁମାର ତଥା ଜେ.ଏନ୍.ୟୁ ବିଶ୍ୱ ବିଦ୍ୟାଳୟର ସେଣ୍ଟର ଫର ଦି ଷ୍ଟଡ଼ି ଅଫ ସୋସିଆଲ ସିଷ୍ଟମ୍(CSSS/SSS) ର ଅଧ୍ୟକ୍ଷା ପ୍ରଫେସର ନୀଲିକା ମେହରୋଟ୍ରା ମଧ୍ୟ ସୌମ୍ୟାଙ୍କର ମାର୍ଗ ପ୍ରଦର୍ଶକ ଥିଲେ ।

ସୌମ୍ୟା ଶର୍ମିଷ୍ଟା ଜଣେ ମେଧାବୀ ଛାତ୍ରୀ, ଦକ୍ଷ ଗବେଷିକା, ଉଚ୍ଚ କୋଟୀର ପ୍ରାବନ୍ଧିକ ତଥା ଲେଖିକା ଅଟନ୍ତି ।

ତାଙ୍କର ପିତା ହେଉଛନ୍ତି ଓଡ଼ିଶାର ପୂର୍ବତନ ଅତିରିକ୍ତ ପୋଲିସ ମହାନିର୍ଦ୍ଦେଶକ ଶ୍ରୀ ଗୋପବନ୍ଧୁ ମଲ୍ଲିକ ଏବଂ ମାତା ହେଉଛନ୍ତି ବିଶିଷ୍ଟ ସମାଜ ସେବିକା ଭବାନୀ ମଲ୍ଲିକ ।

ସୌମ୍ୟାଙ୍କର ସଫଳତା ପାଇଁ “ଓଡ଼ିଶା ନ୍ୟୁଜ୍”ର ସମ୍ପାଦକ ତଥା ନ୍ୟାସନାଲ ମିଡ଼ିଆ ଫାଉଣ୍ଡେସନ,ନୂଆଦିଲ୍ଲୀର ରାଷ୍ଟ୍ରୀୟ ମହାସଚିବ ସମୀର କୁମାର ସିଂହ, ନ୍ୟାସନାଲ ହ୍ୟୁମାନ ରାଇଟ୍ସ କ୍ଲିନିକର କାର୍ଯ୍ୟ ନିର୍ବାହୀ ସଂପାଦକ ପ୍ରଫେସର ଜୟକୃଷ୍ଣ ମହାନ୍ତ ତଥା ବିଭିନ୍ନ ଶିକ୍ଷାନୁଷ୍ଠାନ ତରଫରୁ ତାଙ୍କୁ ଶୁଭେଚ୍ଛା ଜଣାଇଛନ୍ତି ।